ഇറാ​നി​യ​ന്‍ നാ​വി​ക​സേ​ന കപ്പല്‍ പിടിച്ചെടുത്ത സംഭവം: സാം സോമന്റെ കുടുംബം ആശങ്കയില്‍

എ​ട​ക്ക​ര: ഇ​റാ​നി​യ​ന്‍ നാ​വി​ക​സേ​ന പി​ടി​ച്ചെ​ടു​ത്ത എ​ണ്ണ​ക്ക​പ്പ​ലി​ല്‍ ഉ​ള്‍പ്പെ​ട്ട മ​ക​നെ​യും കൂ​ടെ​യു​ള്ള​വ​രെ​യും ഓ​ര്‍ത്ത് ആ​ശ​ങ്ക​യി​ല്‍ ക​ഴി​യു​ക​യാ​ണ് ചു​ങ്ക​ത്ത​റ കോ​ട്ടേ​പ്പാ​ടം മ​ണ​ലി​യി​ലെ ത​ട​ത്തേ​ല്‍ സോ​മ​നും ഭാ​ര്യ ഷേ​ര്‍ലി​യും. ക​പ്പ​ലി​ലെ ജീ​വ​ന​ക്കാ​രു​ടെ കാ​ര്യ​ത്തി​ല്‍ ആ​ശ​ങ്ക വേ​ണ്ടെ​ന്ന് മ​ക​ന്‍ സാം ​സോ​മ​ൻ ജോ​ലി ചെ​യ്യു​ന്ന ക​മ്പ​നി അ​ധി​കൃ​ത​ര്‍ വി​ളി​ച്ച് അ​റി​യി​ച്ചി​ട്ടു​ണ്ടെ​ങ്കി​ലും ആ​ശ​ങ്ക​യ​ക​ലു​ന്നി​ല്ല.

ഇ​റാ​ന്‍ പി​ടി​ച്ചെ​ടു​ത്ത ബ്രി​ട്ട​ന്റെ ക​പ്പ​ലി​ലെ 23 ഇ​ന്ത്യ​ന്‍ ജീ​വ​ന​ക്കാ​രി​ല്‍ ഒ​രാ​ളാ​ണ് മ​റൈ​ന്‍ എ​ന്‍ജി​നീ​യ​റാ​യ സാം ​സോ​മ​ന്‍. അ​ഞ്ചു​വ​ര്‍ഷം മു​മ്പാ​ണ് മും​ബൈ ആ​സ്ഥാ​ന​മാ​യി പ്ര​വ​ര്‍ത്തി​ക്കു​ന്ന ബ്രി​ട്ടീ​ഷ് ക​മ്പ​നി​യി​ല്‍ ചേ​ര്‍ന്ന​ത്. കു​വൈ​ത്തി​ല്‍നി​ന്ന് ഹൂ​സ്റ്റ​ണി​ലേ​ക്കു​ള്ള യാ​ത്ര​മ​ധ്യേ ഒ​മാ​ന്‍ -ഇ​റാ​ന്‍ സ​മു​ദ്രാ​തി​ര്‍ത്തി​യി​ല്‍ വെ​ച്ച് ഇ​റാ​ന്‍ നാ​വി​ക​സേ​ന പി​ടി​ച്ചെ​ടു​ത്ത ക​പ്പ​ലി​ല്‍ മു​ഴു​വ​ൻ ജീ​വ​ന​ക്കാ​രും ഇ​ന്ത്യ​ക്കാ​രാ​ണ്. മൂ​ന്നു മ​ല​യാ​ളി​ക​ളാ​ണ് ഇ​തി​ലു​ള്ള​ത്.

ക​ഴി​ഞ്ഞ വ്യാ​ഴാ​ഴ്ച​ സാം ​വീ​ട്ടി​ലേ​ക്ക് വ​ളി​ച്ചതായി പി​താ​വ് സോ​മ​ന്‍ പ​റ​ഞ്ഞു. പി​ന്നീ​ടാ​ണ് ക​പ്പ​ല്‍ ഇ​റാ​ൻ നാ​വി​ക​സേ​ന പി​ടി​ച്ചെ​ടു​ത്ത​ത്. അ​തി​നു ശേ​ഷം മ​ക​നു​മാ​യി ബ​ന്ധ​പ്പെ​ടാ​നാ​യി​ട്ടി​ല്ല. ക​പ്പ​ല്‍ ക​മ്പ​നി​യാ​യ നോ​ര്‍ത്തേ​ണ്‍ മ​റൈ​ന്‍ മാ​നേ​ജ്‌​മെ​ന്റി​ന്റെ മും​ബൈ ഓ​ഫി​സി​ല്‍നി​ന്നാ​ണ് സാ​മി​ന്റെ കാ​ര്യ​ത്തി​ല്‍ ആ​ശ​ങ്ക വേ​ണ്ടെ​ന്ന് ഇ​വ​ര്‍ക്ക് അ​റി​യി​പ്പ് ല​ഭി​ച്ചു​കൊ​ണ്ടി​രി​ക്കു​ന്ന​ത്.

സോ​മ​ന്റെ മൂ​ന്ന് ആ​ണ്‍മ​ക്ക​ളി​ല്‍ ര​ണ്ടാ​മ​നാ​ണ് സാം. ​അ​വ​ധി​ക്ക് നാ​ട്ടി​ലെ​ത്തി​യ സാം ​ഫെ​ബ്രു​വ​രി 24നാ​ണ് വീ​ണ്ടും ജോ​ലി​യി​ല്‍ പ്ര​വേ​ശി​ച്ച​ത്. ജീ​വ​ന​ക്കാ​ര്‍ക്ക് നാ​ലു മാ​സം ജോ​ലി​യും ര​ണ്ടു മാ​സം അ​വ​ധി​യു​മാ​ണ് ക​പ്പ​ല്‍ ക​മ്പ​നി ന​ല്‍കു​ന്ന​ത്. സാ​മി​ന്റെ ഭാ​ര്യ സൂ​സ​ണ്‍ മാ​ത്യൂ​സും മ​ക​ള്‍ ഒ​രു​വ​യ​സ്സു​കാ​രി കാ​ത​റി​നും എ​റ​ണാ​കു​ളം വൈ​പ്പി​നി​ലാ​ണ് താ​മ​സം.