ആയിഷ സുൽത്താനക്കെതിരായ രാജ്യദ്രോഹക്കേസിലെ തുടർനടപടിക്ക് സ്റ്റേ

കൊ​ച്ചി: ന​ടി​യും സം​വി​ധാ​യി​ക​യു​മാ​യ ല​ക്ഷ​ദ്വീ​പ് സ്വ​ദേ​ശി​നി ആ​യി​ഷ സു​ൽ​ത്താ​ന​ക്കെ​തി​രാ​യ രാ​ജ്യ​ദ്രോ​ഹ​ക്കേ​സി​ലെ തു​ട​ർ ന​ട​പ​ടി​ക​ൾ​ക്ക് ഹൈ​കോ​ട​തി​ സ്റ്റേ. ​

രാ​ജ്യ​ദ്രോ​ഹ​ക്കു​റ്റം മ​ര​വി​പ്പി​ച്ച സു​പ്രീം കോ​ട​തി വി​ധി​യു​ടെ പ​ശ്ചാ​ത്ത​ല​ത്തി​ലാ​ണ് ല​ക്ഷ​ദ്വീ​പ് അ​ന്ത്രോ​ത്ത് ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ലു​ള്ള കേ​സി​ലെ തു​ട​ർ​ന​ട​പ​ടി​ക​ൾ ജ​സ്റ്റി​സ് എ.​എ. സി​യാ​ദ് റ​ഹ്​​മാ​ൻ നാ​ലു​മാ​സ​ത്തേ​ക്ക് സ്റ്റേ ​ചെ​യ്ത് ഇ​ട​ക്കാ​ല ഉ​ത്ത​ര​വ് പു​റ​പ്പെ​ടു​വി​ച്ച​ത്. ക​വ​ര​ത്തി പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ നേ​രി​ട്ട് ഹാ​ജ​രാ​കാ​ൻ മ​ജി​സ്ട്രേ​റ്റ് കോ​ട​തി നി​ർ​ദേ​ശി​ച്ച​തി​നെ​തി​രെ ആ​യി​ഷ സു​ൽ​ത്താ​ന ഫ​യ​ൽ ചെ​യ്ത ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

ല​ക്ഷ​ദ്വീ​പ് അ​ഡ്മി​നി​സ്‌​ട്രേ​റ്റ​റു​ടെ ചി​ല ന​ട​പ​ടി​ക​ൾ​ക്കെ​തി​രാ​യ പ്ര​ക്ഷോ​ഭം ന​ട​ക്കു​ന്ന​തി​നി​ടെ ഒ​രു ചാ​ന​ല്‍ ച​ര്‍ച്ച​യി​ൽ സം​ബ​ന്ധി​ച്ച ആ​യി​ഷ സു​ൽ​ത്താ​ന 'ബ​യോ വെ​പ്പ​ണ്‍' (ജൈ​വാ​യു​ധം) എ​ന്ന പ​രാ​മ​ര്‍ശം ന​ട​ത്തി​യ​തി​നെ​ത്തു​ട​ർ​ന്നാ​ണ് രാ​ജ്യ​ദ്രോ​ഹ​ക്കു​റ്റം ചു​മ​ത്തി കേ​സെ​ടു​ത്ത​ത്.