ഇടുക്കി, ചെറുതോണി അണക്കെട്ടുകളുടെ സുരക്ഷ ശക്തമാക്കി

ചെറുതോണി: ഇടുക്കി, ചെറുതോണി അണക്കെട്ടുകളുടെ സുരക്ഷ ശക്തമാക്കി. എ.ആർ ക്യാമ്പിൽനിന്ന്​ 15 പൊലീസുകാരെക്കൂടി അധിക സുരക്ഷക്കായി നിയോഗിച്ചു​. ഇടുക്കി ഡിവൈ.എസ്.പി ജിൻസൺ മാത്യുവിനാണ്​ ചുമതല.

സന്ദർശകർക്കായി 30 വരെ ഡാം തുറന്നുകൊടുത്തിരുന്നെങ്കിലും ഇപ്പോഴത്തെ സാഹചര്യത്തിൽ റദ്ദാക്കിയിട്ടുണ്ട്​.

സന്ദർശകരെ കർശനമായി നിരോധിച്ച്​ ഡാമിലേക്കുള്ള പട്രോളിങ്​ ശക്തമാക്കി. ഡാമിന്‍റെ ഫെൻസിങ്​ ജോലികൾ യുദ്ധകാലാടിസ്ഥാനത്തിൽ തീർക്കുന്നതിനുള്ള നടപടികൾ ആരംഭിച്ചിരിക്കുകയാണ്​.