സെക്കൻഡ് ഷോ: അനുമതി ലഭിക്കുംവരെ കാക്കാൻ തീരുമാനം

കൊ​ച്ചി: തി​യ​റ്റ​റു​ക​ളി​ൽ സെ​ക്ക​ൻ​ഡ് ഷോ ​അ​നു​വ​ദി​ക്കു​ന്ന കാ​ര്യ​ത്തി​ൽ സ​ർ​ക്കാ​ർ തീ​രു​മാ​ന​മെ​ടു​ക്കു​ന്ന​തു​വ​രെ കാ​ത്തി​രി​ക്കാ​ൻ ഫി​ലിം ചേം​ബ​ർ തീ​രു​മാ​നം. കൊ​ച്ചി​യി​ൽ സി​നി​മ സം​ഘ​ട​ന​ക​ൾ ന​ട​ത്തി​യ സം​യു​ക്ത യോ​ഗ​ത്തി​ല്‍ നി​ര്‍മാ​താ​ക്ക​ളും തി​യ​റ്റ​ര്‍ ഉ​ട​മ​ക​ളും വി​ത​ര​ണ​ക്കാ​രും പ​ങ്കെ​ടു​ത്തു.

സെ​ക്ക​ൻ​ഡ് ഷോ ​ഇ​ല്ലാ​ത്ത​തി​നാ​ൽ റി​ലീ​സി​ന് പ്ര​തീ​ക്ഷ‍ി​ച്ചി​രു​ന്ന പ്ര​ധാ​ന മ​ല​യാ​ള സി​നി​മ​ക​ൾ ഈ​യാ​ഴ്ച​യും തി​യ​റ്റ​റി​ലെ​ത്തി​ല്ല. അ​തേ​സ​മ​യം, ഏ​താ​നും ചി​ല മ​ല​യാ​ള ചി​ത്ര​ങ്ങ​ളും ഇ​ത​ര ഭാ​ഷ​ചി​ത്ര​ങ്ങ​ളും പ്ര​ദ​ര്‍ശ​നം തു​ട​രും. കോ​വി​ഡ് അ​ട​ച്ചു​പൂ​ട്ട​ലി​നു​ശേ​ഷം തി​യ​റ്റ​റു​ക​ളി​ൽ പ​കു​തി സീ​റ്റു​ക​ളി​ൽ പ്രേ​ക്ഷ​ക​രു​മാ​യി പ്ര​ദ​ർ​ശ​നം അ​നു​വ​ദി​ച്ചി​രു​ന്നു. എ​ന്നാ​ൽ, സെ​ക്ക​ൻ​ഡ് ഷോ ​ന​ട​ത്താ​ൻ അ​നു​മ​തി ന​ൽ​കി​യി​ട്ടി​ല്ല.

പു​തി​യ ചി​ത്ര​ങ്ങ​ളി​ല്ലാ​ത്ത​തി​നാ​ല്‍ സം​സ്ഥാ​ന​ത്തെ 25 ശ​ത​മാ​ന​ത്തി​ലേ​റെ തി​യ​റ്റ​റു​ക​ൾ അ​ട​ഞ്ഞു​കി​ട​ക്കു​ക​യാ​ണ്. പ്ര​ദ​ര്‍ശ​ന​സ​മ​യം നീ​ട്ടി​ന​ല്‍ക​ണ​മെ​ന്ന ആ​വ​ശ്യ​ത്തി​ല്‍ സ​ര്‍ക്കാ​റിെൻറ ഭാ​ഗ​ത്തു​നി​ന്ന് അ​നു​കൂ​ല മ​റു​പ​ടി ഉ​ണ്ടാ​കാ​ത്ത സാ​ഹ​ച​ര്യ​ത്തി​ലാ​ണ് ഫി​ലിം ചേം​ബ​ര്‍ യോ​ഗം ചേ​ര്‍ന്ന​ത്. സ​ർ​ക്കാ​റു​മാ​യി ച​ർ​ച്ച​ക​ൾ തു​ട​രു​ക​യാ​ണെ​ന്ന് കേ​ര​ള ഫി​ലിം ചേം​ബ​ർ പ്ര​സി​ഡ​ൻ​റ് കെ. ​വി​ജ​യ​കു​മാ​ർ പ​റ​ഞ്ഞു. നി​ർ​മാ​താ​ക്ക​ളാ​യ ആ​ൻ​റോ ജോ​സ​ഫ്, ആ​ൻ​റ​ണി പെ​രു​മ്പാ​വൂ​ർ, ഡി​സ്ട്രി​ബ്യൂ​ട്ട​ർ എ​വ​ർ​ഷൈ​ൻ മ​ണി, തി​യ​റ്റ​ർ ഉ​ട​മ​ക​ളാ​യ സു​രേ​ഷ് ഷേ​ണാ​യി സാ​ജു ജോ​ണി തു​ട​ങ്ങി​യ​വ​ർ ച​ർ​ച്ച​യി​ൽ പ​ങ്കെ​ടു​ത്തു.