കുമരകത്തിന്​ നന്ദി പറഞ്ഞ്​, ഓണമുണ്ട്​, ‘ലോകം’ മടങ്ങി

കോ​ട്ട​യം: കേ​ര​ള​ത്തെ നെ​ഞ്ചോ​ടു​ചേ​ർ​ത്ത്, കു​മ​ര​ക​ത്തി​ന്‍റെ ഹൃ​ദ്യ​സ്വീ​ക​ര​ണ​ത്തി​ന്​ ന​ന്ദി പ​റ​ഞ്ഞ്​ ലോ​കം മ​ട​ങ്ങി. ജി20 ​സ​മ്മേ​ള​ന ഭാ​ഗ​മാ​യു​ള്ള ര​ണ്ടാം ഷെ​ര്‍പ യോ​ഗ​ത്തി​ന്​ കു​മ​ര​ക​ത്ത്​ സ​മാ​പ​നം. മ​നം നി​റ​ച്ച ഓ​ണാ​ഘോ​ഷ​ത്തി​നു​ശേ​ഷ​മാ​യി​രു​ന്നു ജി 20 ​പ്ര​തി​നി​ധി​ക​ളു​ടെ മ​ട​ക്കം.

തൂ​ശ​നി​ല​യി​ല്‍ നി​ര​ന്ന വി​ഭ​വ​ങ്ങ​ളു​ടെ എ​ണ്ണ​വും നി​റ​വും കൗ​തു​കം പ​ക​ർ​ന്ന​തി​നൊ​പ്പം ഓ​ണ​സ​ദ്യ ഇ​വ​ർ​ക്ക്​ പു​ത്ത​ൻ അ​നു​ഭ​വ​മാ​യി.

ഷെ​ര്‍പ യോ​ഗ​ത്തി​ന്‍റെ ഭാ​ഗ​മാ​യ ച​ര്‍ച്ച​ക​ള്‍ ശ​നി​യാ​ഴ്ച വൈ​കീ​ട്ട് അ​വ​സാ​നി​ച്ചി​രു​ന്നു. ഞാ​യ​റാ​ഴ്ച മു​ഴു​ദി​ന ഓ​ണാ​ഘോ​ഷ പ​രി​പാ​ടി​ക​ളാ​യി​രു​ന്നു ഇ​വ​ർ​ക്കാ​യി കു​മ​ര​കം ക​രു​തി​​വെ​ച്ചി​രു​ന്ന​ത്.

കു​മ​ര​കം കോ​ക്ക​ന​ട്ട് ല​ഗൂ​ണ്‍ റി​സോ​ര്‍ട്ടി​ലാ​ണ് ഓ​ണാ​ഘോ​ഷം. രാ​വി​ലെ അ​തി​ഥി​ക​ളെ മു​ല്ല​പ്പൂ ന​ല്‍കി​യാ​ണ് വ​ര​വേ​റ്റ​ത്. പി​ന്നാ​ലെ, തി​രു​വാ​തി​ര, ഊ​ഞ്ഞാ​ലാ​ട്ടം, പു​ലി​ക്ക​ളി, കു​മ്മാ​ട്ടി​ക്ക​ളി, ക​ള​രി​പ്പ​യ​റ്റ്, ക​ള​മെ​ഴു​ത്തും​പാ​ട്ട് എ​ന്നി​ങ്ങ​നെ വി​വി​ധ പ​രി​പാ​ടി​ക​ൾ ​വി​ദേ​ശ​പ്ര​തി​നി​ധി​ക​ൾ​ക്കാ​യി അ​വ​ത​രി​പ്പി​ച്ചു. ഇ​തി​നി​ടെ, ഓ​ണ​പ്പൂ​ക്ക​ള​വും ഒ​രു​ക്കി. പൂ​ക്ക​ള​മൊ​രു​ക്കാ​ന്‍ ചി​ല​ര്‍ ഒ​പ്പം​കൂ​ടി​യ​പ്പോ​ള്‍ പു​ലി​ക​ള്‍ക്കൊ​പ്പം തു​ള്ള​നാ​യി​രു​ന്നു മ​റ്റ്​ ചി​ല​ര്‍ക്ക്​ മോ​ഹം. ക​ലം ത​ല്ലി​പ്പൊ​ട്ടി​ക്ക​ലി​ലും വ​ടം​വ​ലി മ​ത്സ​ര​ത്തി​ലു​മൊ​ക്കെ ഇ​വ​ർ ആ​വേ​ശ​ത്തോ​ടെ പ​ങ്കു​ചേ​ർ​ന്നു. ക​ലം ത​ല്ലി​പ്പൊ​ട്ടി​ക്ക​ലി​ൽ ഇ​ന്ത്യ​ന്‍ ഷെ​ര്‍പ അ​മി​താ​ഭ് കാ​ന്തും ഒ​രു​കൈ​നോ​ക്കി. ഇ​ത്​ മൊ​ബൈ​ല്‍ ഫോ​ണി​ല്‍ വി​ദേ​ശ​പ്ര​തി​നി​ധി​ക​ളും പ​ക​ർ​ത്തി. ഓ​രോ ഇ​ന​ങ്ങ​ളു​ടെ​യും പ്ര​ത്യേ​ക​ത​ക​ളും ഇ​വ​ർ ചോ​ദി​ച്ച​റി​ഞ്ഞു.

ഏ​റ്റ​വു​മൊ​ടു​വി​ല്‍, സ​ദ്യ​യി​ലേ​ക്ക് എ​ത്തി​യ​പ്പോ​ള്‍ പ്ര​തി​നി​ധി​ക​ള്‍ മ​ല​യാ​ള​ത്ത​നി​മ​യി​ലാ​യി. മു​ണ്ടു​ടു​ത്തും സാ​രി​യ​ണി​ഞ്ഞു​മെ​ത്തി​യ പ്ര​തി​നി​ധി​ക​ള്‍ ഓ​രോ വി​ഭ​വ​ത്തെ​ക്കു​റി​ച്ചും ചോ​ദി​ച്ച​റി​ഞ്ഞു.

സ​ദ്യ അ​വ​സാ​നി​പ്പി​പ്പ്​ പാ​യ​സ​വും പ​ഴ​വു​മെ​ത്തി​യ​തോ​ടെ എ​ങ്ങ​നെ ക​ഴി​ക്കു​മെ​ന്ന ആ​ധി​യാ​യി​രു​ന്നു പ​ല​ര്‍ക്കും. പി​ന്നാ​ലെ, പ​ച്ച​മോ​രു ന​ല്‍കി​യ​പ്പോ​ള്‍ പ​ല​രും പ​ര​സ്പ​രം നോ​ക്കി.

ഇ​തി​നി​ട​യി​ലും ചി​ല​ർ സ്വ​ന്തം നാ​ട്ടി​ലെ ഭ​ക്ഷ​ണം ആ​വ​ശ്യ​പ്പെ​ട്ട്​ ക​ഴി​ച്ചു. സ​ദ്യ​ക്കു​ശേ​ഷം മു​റു​ക്കാ​നും ന​ൽ​കി​യി​രു​ന്നു. ഇ​തോ​ടെ നാ​ലു​ദി​വ​സം നീ​ണ്ട ഷെ​ർ​പ യോ​ഗ​ത്തി​ന്​ അ​വ​സാ​ന​മാ​യി. വെ​ള്ളി, ശ​നി ദി​വ​സ​ങ്ങ​ളി​ലാ​യി​രു​ന്നു പ്ര​ധാ​ന ച​ർ​ച്ച​ക​ൾ ന​ട​ന്ന​ത്. ഇ​നി ജി20​യു​ടെ ഉ​ദ്യോ​ഗ​സ്ഥ​ത​ല മീ​റ്റി​ങ് ആ​റു മു​ത​ല്‍ ഒ​മ്പ​തു​വ​രെ കു​മ​ര​ക​ത്തെ ഇ​തേ വേ​ദി​ക​ളി​ല്‍ ന​ട​ക്കും. വി​ക​സ​ന​കാ​ര്യ​ങ്ങ​ളാ​കും ഇ​തി​ൽ ച​ര്‍ച്ച​യാ​കു​ക.