രണ്ടാഴ്​ചക്കിടെ പാളംതെറ്റൽ രണ്ടാംവട്ടം; സുരക്ഷ പരിശോധനയില്ലാതെ ചരക്ക്​ വാഗണുകൾ

തി​രു​വ​ന​ന്ത​പു​രം: ഗു​ഡ്​​സ്​ ട്രെ​യി​നു​ക​ളു​ടെ പാ​ളം തെ​റ്റ​ൽ ആ​വ​ർ​ത്തി​ക്കു​​മ്പോ​ഴും ച​ര​ക്ക്​ വാ​ഗ​ണു​ക​ളു​ടെ സു​​ര​ക്ഷ പ​രി​ശോ​ധ​ന​ക്കും ക്ഷ​മ​ത ഉ​റ​പ്പു​വ​രു​ത്താ​നും മ​തി​യാ​യ സം​വി​ധാ​ന​ങ്ങ​ളി​ല്ല. ര​ണ്ടാ​ഴ്ച​ക്കി​ടെ, ര​ണ്ടാ​മ​ത്തെ ട്രെ​യി​ൻ അ​പ​ക​ട​ത്തി​നാ​ണ്​ സം​സ്ഥാ​നം സാ​ക്ഷി​യാ​യ​ത്. യാ​ത്ര ട്രെ​യി​നു​ക​ളു​ടെ സു​ര​ക്ഷ​ക്ക്​​ ന​ൽ​കു​ന്ന പ്രാ​ധാ​ന്യം ച​ര​ക്ക്​ ട്രെ​യി​നു​ക​ൾ​ക്കും ന​ൽ​ക​ണ​മെ​ന്നാ​ണ്​ വ്യ​വ​സ്ഥ​യെ​ങ്കി​ലും ഇ​തും പ​ല​പ്പോ​ഴും പാ​ലി​ക്കു​ന്നി​ല്ല.

പ​രി​ശോ​ധ​ന​ക​ൾ​ക്കാ​യി നേ​ര​ത്തേ​യു​ണ്ടാ​യി​രു​ന്ന ട്രെ​യി​ൻ എ​ക്​​സാ​മി​ന​ർ ഡി​പ്പോ​ക​ൾ ചെ​ല​വ്​ ചു​രു​ക്ക​ലി​ന്‍റെ ഭാ​ഗ​മാ​യി പ​ല​യി​ട​ങ്ങ​ളി​ലും നി​ർ​ത്തി. യാ​ത്ര ആ​രം​ഭി​ക്കു​ന്ന​തി​നു​മു​മ്പ്​​ ട്രെ​യി​ൻ എ​ക്സാ​മി​ന​ർ പ​രി​ശോ​ധി​ച്ച്​ ഉ​റ​പ്പു​വ​രു​ത്തി ന​ൽ​കു​ന്ന ബ്രേ​ക്ക്​ പ​വ​ർ സ​ർ​ട്ടി​ഫി​ക്ക​റ്റും ഇ​​പ്പോ​ൾ ഗു​ഡ്​​സ്​ ട്രെ​യി​നു​ക​ളു​ടെ കാ​ര്യ​ത്തി​ൽ നി​ർ​ബ​ന്ധ​മ​ല്ല.

തി​രു​നെ​ൽ​വേ​ലി​ക്കും എ​റ​ണാ​കു​ള​ത്തി​നു​മി​ട​യി​ൽ തി​രു​വ​ന​ന്ത​പു​രം, കൊ​ല്ലം സ്​​റ്റേ​ഷ​നു​ക​ളോ​ട്​ ചേ​ർ​ന്ന് നേ​ര​ത്തേ ച​ര​ക്ക്​ ട്രെ​യി​നു​ക​ൾ​ക്കാ​യി പ്ര​ത്യേ​ക പ​രി​ശോ​ധ​ന ഡി​പ്പോ​ക​ൾ പ്ര​വ​ർ​ത്തി​ച്ചി​രു​ന്നു. ചെ​ല​വ്​ ചു​രു​ക്ക​ലി​ന്‍റെ പേ​രി​ൽ ര​ണ്ടും നി​ർ​ത്തി. ബ്രേ​ക്ക്, ആ​ക്സി​ലു​ക​ൾ, ച​ക്ര​ങ്ങ​ൾ എ​ന്നി​വ​യു​ടെ ​പ്ര​വ​ർ​ത്ത​ന ശേ​ഷി, യ​ന്ത്ര​ഭാ​ഗ​ങ്ങ​ളു​ടെ തേ​യ്മാ​നം, ബാ​ല​ൻ​സ്​ ഉ​റ​പ്പു​വ​രു​ത്തു​ന്ന സ്​​പ്രി​ങ്​ സം​വി​ധാ​ന​ത്തി​ന്‍റെ ക്ഷ​മ​ത എ​ന്നി​വ​യ​ട​ക്കം പ​രി​ശോ​ധി​ച്ചാ​ണ്​ എ​ക്സാ​മി​ന​ർ സു​ര​ക്ഷ ഉ​റ​പ്പാ​ക്കു​ന്ന​ത്. നി​ല​വി​ൽ ​തി​രു​നെ​ൽ​വേ​ലി​യി​ൽ​നി​ന്ന്​ പു​റ​പ്പെ​ടു​ന്ന ച​ര​ക്ക്​ ട്രെ​യി​നു​ക​ൾ​ക്ക്​ അ​റ്റ​കു​റ്റ​പ്പ​ണി​യോ പ​രി​ശോ​ധ​ന​യോ വേ​ണ്ടി​വ​ന്നാ​ൽ എ​റ​ണാ​കു​ള​ത്തെ​ത്തി​യ ശേ​ഷ​മേ സാ​ധി​ക്കൂ.

ട്രെ​യി​ൻ ഓ​ടു​ന്ന സ​മ​യ​ത്തു​​ത​ന്നെ പ​രി​ശോ​ധ​ന ന​ട​ത്തു​ന്ന 'റോ​ളി​ങ്​ എ​ക്സാ​മി​നേ​ഷ​നു'​ക​ളാ​ണ്​ ഇ​പ്പോ​ഴു​ള്ള​ത്. മി​ക്ക​വാ​റും സ്​​റ്റേ​ഷ​നു​ക​ളോ​ട്​ ചേ​ർ​ന്നാ​ണ്​ ഇ​ത്ത​രം പ​രി​ശോ​ധ​ന. സ്​​റ്റേ​ഷ​നി​ലെ​ത്തു​മ്പോ​ൾ 15-20 കി​ലോ​മീ​റ്റ​ർ വേ​ഗ​ത്തി​ലാ​കും ച​ര​ക്കു​വ​ണ്ടി​ക​ളു​ടെ ഓ​ട്ടം. ര​ണ്ടു​ വ​ശ​ങ്ങ​​ളി​ലും ജീ​വ​ന​ക്കാ​ർ നി​ല​യു​റ​പ്പി​ച്ചാ​ണ്​ ത​ക​രാ​റു​ണ്ടോ​യെ​ന്ന്​ പ​രി​ശോ​ധി​ക്കു​ന്ന​ത്.

യാ​ത്ര ട്രെ​യി​നു​ക​ളി​ൽ ബോ​ഗി​യി​ലോ മ​റ്റോ അ​സ്വാ​ഭാ​വി​ക ശ​ബ്​​ദ​മോ ച​ല​ന​മോ അ​നു​ഭ​വ​പ്പെ​ട്ടാ​ൽ ​ശ്ര​ദ്ധ​യി​ൽ​പെ​ടു​ത്താ​ൻ യാ​ത്ര​ക്കാ​രു​ണ്ട്. എ​ന്നാ​ൽ, ഗു​ഡ്​​സ്​ വാ​ഗ​ണു​ക​ളി​ൽ ഇ​തി​ന്​ സം​വി​ധാ​ന​മി​ല്ല. യാ​ത്ര ട്രെ​യി​നു​ക​ളി​ൽ ബോ​ഗി​ക​ൾ സ​മ​യ​ബ​ന്ധി​മാ​യ അ​റ്റ​കു​റ്റ​പ്പ​ണി ന​ട​ത്തു​മെ​ങ്കി​ലും വാ​ഗ​ണു​ക​ളെ പ​രി​ഗ​ണി​ക്കാ​റി​ല്ല. ആ​ലു​വ​യി​ലെ ച​ര​ക്ക്​ ട്രെ​യി​ൻ അ​പ​ക​ട​ത്തി​ൽ ര​ണ്ടു​ കോ​ടി​യി​ലേ​റെ രൂ​പ​യു​ടെ ന​ഷ്ട​മാ​ണ്​ റെ​യി​ൽ​വേ ക​ണ​ക്കാ​ക്കു​ന്ന​ത്.

കൂടുതൽ സർവിസുകളുമായി കെ.എസ്​.ആർ.ടി.സി

തി​രു​വ​ന​ന്ത​പു​രം: ച​ര​ക്ക്​ വ​ണ്ടി പാ​ളം തെ​റ്റി​യ​തി​നെ തു​ട​ർ​ന്ന് ട്രെ​യി​ൻ ​ഗ​താ​​ഗ​തം ത​ട​സ്സ​പ്പെ​ട്ട​ സാ​ഹ​ച​ര്യ​ത്തി​ൽ കെ.​എ​സ്.​ആ​ർ.​ടി.​സി കൂ​ടു​ത​ൽ സ​ർ​വി​സു​ക​ൾ ന​ട​ത്തു​മെ​ന്ന് ​മ​ന്ത്രി ആ​ന്‍റ​ണി രാ​ജു. വെ​ള്ളി​യാ​ഴ്ച വൈ​കു​ന്നേ​രം വ​രെ​യു​ള്ള ക​ണ​ക്ക​നു​സ​രി​ച്ച്​ തൃ​ശൂ​രി​ൽ​നി​ന്ന്​ തി​രു​വ​ന​ന്ത​പു​ര​ത്തേ​ക്ക് അ​ഞ്ചും എ​റ​ണാ​കു​ളം, ആ​ല​പ്പു​ഴ എ​ന്നി​വി​ട​ങ്ങ​ളി​ൽ​നി​ന്ന്​​ ആ​റും അ​ധി​ക ബ​സു​ക​ൾ സ​ർ​വി​സ്​ ന​ട​ത്തി. എ​റ​ണാ​കു​ള​ത്തു​നി​ന്ന്​ തി​രു​വ​ന​ന്ത​പു​രം, കോ​ഴി​ക്കോ​ട്​ ഭാ​​ഗ​ങ്ങ​ളി​ലേ​ക്ക് ആ​വ​ശ്യ​ത്തി​ന് ബ​സു​ക​ൾ സ​ജ്ജ​മാ​ക്കി​യി​ട്ടു​ണ്ട്. യാ​ത്ര​ക്കാ​രു​ടെ ആ​വ​ശ്യ​ത്തി​ന​നു​സ​രി​ച്ച് കൂ​ടു​ത​ൽ സ​ർ​വി​സ്​ ന​ട​ത്താ​നും നി​ർ​ദേ​ശം ന​ൽ​കി.

ക​ൺ​ട്രോ​ൾ റൂം:
0471-2463799
9447071021
1800 599 4011