കോളജുകളിൽ ഡിഗ്രി, പി.ജി കോഴ്​സുകളിൽ സീറ്റ്​ വർധന

തിരുവനന്തപുരം: സംസ്ഥാനത്തെ ആർട്​സ്​ ആൻഡ്​​ സയൻസ്​ കോളജുകളിൽ നിലവിലുള്ള ബിരുദ, ബിരുദാനന്തര കോഴ്​സുകൾക്ക്​ സീറ്റ്​ വർധിപ്പിച്ച്​ ഉത്തരവ്​. ബിരുദകോഴ്​സുകളിൽ ആകെ സീറ്റ്​ 70 ൽ കവിയരുതെന്ന നിബന്ധനയോടെ വർധന അന​ുവദിക്കും. ബിരുദാനന്തര കോഴ്​സുകളിൽ ​ സയൻസ് വിഷയങ്ങൾക്ക് 25 സീറ്റിൽ കവിയാതെ വർധനക്കാണ്​ അനുമതി. ആർട്സ്, കോമേഴ്സ് വിഷയങ്ങൾക്ക് 30 സീറ്റിൽ കൂടാതെയുമാണ്​ വർധന അനുവദിക്കുക.

ഏതെങ്കിലും കോഴ്​സുകളിൽ നിലവിൽ ഇതിൽ കൂടുതൽ സീറ്റുകളുണ്ടെങ്കിൽ അത് തുടർന്നും ലഭ്യമാക്കാം. സീറ്റ്​ വർധന​ വേണ​മോ എന്ന കാര്യത്തിൽ ബന്ധപ്പെട്ട കോളജുകൾക്ക് തീരുമാനമെടുക്കാം. കോളജുകളുടെ സൗകര്യമനുസരിച്ചും നിലവിലുള്ള നിയമപ്രകാരവും സർക്കാറിന് അധിക ധനബാധ്യത ഉണ്ടാകാത്ത രീതിയിലും അധിക സീറ്റുകൾ ഈ അധ്യയനവർഷംതന്നെ അനുവദിച്ച്​ സർവകലാശാലകൾ അലോട്ട്മെൻറിൽ ഉൾപ്പെടുത്തണമെന്നും പറയുന്നു.