ജസ്​നയുടെ തിരോധാനം; അന്വേഷണം അജ്​ഞാത മൃതദേഹങ്ങളിലേക്ക്​

പത്തനംതിട്ട: വെച്ചൂച്ചിറ സ്വദേശി ജസ്നയുടെ തിരോധാനവുമായി ബന്ധപ്പെട്ട് പൊലീസ് രഹസ്യമായി അജ്ഞാത മൃതദേഹങ്ങൾ പരിശോധിക്കുന്നു. തമിഴ്നാട്, ഗോവ, കർണാടക തുടങ്ങിയ സംസ്ഥാനങ്ങളിൽ മൂന്ന് മാസത്തിനിടെ ലഭിച്ച മൃതദേഹങ്ങളാണ് പരിശോധിക്കുന്നത്.

വെച്ചൂച്ചിറയിലെ മുക്കൂട്ട് തറയിൽ നിന്നും ജസ്നയെ കാണാതായിട്ട് 94 ദിവസങ്ങൾ പിന്നിട്ടിട്ടും എവിടെ എന്നതി​​​െൻറ സൂചന പോലും ലഭിക്കാത്തതി​െന തുടർന്നാണ്​ അന്വേഷണ സംഘം അജ്ഞാത മൃതദേഹങ്ങൾ രഹസ്യമായി പരിശോധിക്കുന്നത്. തമിഴ്നാട്, ഗോവ, കർണാടകം എന്നിവിടങ്ങളിലാണ് പ്രധാനമായും പരിശോധന.

മൂന്ന് മൃതദേഹങ്ങൾ ഇത്തരത്തിൽ പരിശോധിച്ചു കഴിഞ്ഞു. പത്തനംതിട്ട എസ്‍.പി‍യുടെ കീഴിലുള്ള ഒരു സംഘം ഇപ്പോൾ തമിഴ്നാട്ടിലുണ്ട്. ക്രൈം റെക്കോർഡ്സ് ബ്യൂറോയുടെ സഹായത്തോടെ മറ്റിടങ്ങളിൽ നിന്നും വിവരങ്ങൾ ശേഖരിക്കുന്നുണ്ട്.