Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപാലത്തായി പീഡന കേസ്​...

പാലത്തായി പീഡന കേസ്​ അട്ടിമറിക്കാൻ എസ്​.ഡി.പി.ഐ ശ്രമിച്ചെന്ന്​ പി. ജയരാജൻ

text_fields
bookmark_border
P Jayarajan
cancel

കണ്ണൂർ: പാലത്തായി പീഡന കേസ്​ അട്ടിമറിക്കാൻ എസ്​.ഡി.പി.ഐ ശ്രമിച്ചെന്ന ആരോപണവുമായി സി.പി.എം നേതാവ്​ പി. ജയരാജൻ. ഈ കേസ്​ പ്രതിസന്ധിയിലേക്ക്​ നയിച്ചതിൽ ആർക്കാണ്​ പ​ങ്കെന്ന്​ പറ​േയണ്ടത്​ എസ്​.ഡി.പി.ഐയാണ്​. എസ്​.ഡി.പി​.ഐയും ലീഗും കോൺഗ്രസും മൗദൂദിസ്​റ്റുകളും പ്രതിയെ രക്ഷിക്കാൻ ആർ.എസ്​.എസിനൊപ്പം നിൽക്കുകയാണെന്നും ജയരാജൻ ഫേസ്​ബുക്കിൽ പോസ്​റ്റ്​ ചെയ്​ത വിഡിയോയിൽ ആരോപിച്ചു. 

പാലത്തായി കേസ്​ സംബന്ധിച്ച്​ തെറ്റിദ്ധാരണ പരത്താൻ പലരും ശ്രമിക്കുകയാണ്​. പീഡനത്തിന്​ ഇരയായ പെൺകുട്ടി പാനൂർ ​പൊലീസിൽ നൽകിയ മൊഴിയിലും ചൈൽഡ്​ലൈനി​​െൻറ തെളിവെടുപ്പിൽ നൽകിയ മൊഴിയിലും പീഡനം നടന്ന തീയതി സംബന്ധിച്ച്​ പറഞ്ഞിരുന്നില്ല. എന്നാൽ, മട്ടന്നൂർ മജിസ്​ട്രേറ്റ്​ കോടതി മൊഴി രേഖപ്പെടുത്തിയപ്പോൾ തീയതി എങ്ങിനെ കടന്നു വന്നു എന്ന്​ ചർച്ച ചെയ്യണം. അതിൽ ആര്​ ഇടപെട്ടു എന്ന അന്വേഷണം വസ്​തുതകളിലേക്ക്​ വെളിച്ചം വീഴ്​ത്തും. ആരാണ്​ കുട്ടിയുടെ കുടുംബത്തിന്​ വഴി തെറ്റിക്കുന്ന ഉപദേശം കൊടുത്തത്​ എന്ന്​ ചിന്തിക്കണം.  

എസ്​.കെ.എസ്​.എസ്​.എഫ്​ സംസ്​ഥാന ജനറൽ സെക്രട്ടറി സത്താർ പന്തലൂരി​​െൻറ ഫേസ്​ബുക്ക്​ പോസ്​റ്റിൽ ഇതിനിടയിൽ പ്രവർത്തിച്ച സംഘടനയെ കുറിച്ച്​ പറയുന്നുണ്ട്​. എസ്​.ഡി.പി.ഐ ആണത്​. എസ്​.ഡി.പി.ഐ കൂത്തുപറമ്പ്​ മണ്ഡലം പ്രസിഡൻറ് ഫേസ്​ബുക്കിൽ പോസ്​റ്റ്​ ചെയ്​ത വിഡിയോയിൽ പെൺകുട്ടിയുടെ കുടുംബം തങ്ങളെയാണ്​ ബന്ധപ്പെട്ടത്​, പാനൂർ സ്​റ്റേഷനിൽ പരാതി കൊടുക്കാൻ തങ്ങൾ സഹായിച്ചു, മട്ടന്നൂർ ​കോടതിയിൽ​ മൊഴി കൊടുക്കാൻ പോയപ്പോൾ അവിടുത്തെ എസ്​.ഡി.പി.ഐക്കാർ സഹായിച്ചു എ​ന്നൊക്കെ പറയുന്നുണ്ട്​. അപ്പോൾ ഈ കേസ്​ പ്രയാസത്തിലേക്ക്​ നയിച്ചതിൽ ആർക്കാണ്​ പങ്ക്​ എന്ന്​ എസ്​.ഡി.പി.ഐക്കാർ പറയണമെന്ന്​ ജയരാജൻ ആവ​​ശ്യപ്പെടുന്നു. 

പ്രതിയെ എത്രയും വേഗം അറസ്​റ്റ്​ ചെയ്യണമെന്ന്​ ആവശ്യപ്പെട്ട്​ എസ്​.ഡി.പി.ഐയും ലീഗും കോൺഗ്രസും പ്രക്ഷോഭം നടത്തിയിരുന്നു. അതേസമയം തന്നെ ​താൻ പ്രതിയുമായി ഫോണിൽ സംസാരിച്ചെന്നും എസ്​.ഡി.പി.ഐ കൂത്തുപറമ്പ്​ മണ്ഡലം പ്രസിഡൻറ് പറഞ്ഞു. ഒരേസമയം പ്രതിയെ അറസ്​റ്റ്​ ചെയ്യാൻ പ്രക്ഷോഭവും സംഘ്​പരിവാറുമായി ചർച്ചയും നടത്തി ആരാണ്​ അഡ്​ജസ്​റ്റ്​മ​െൻറ്​ നടത്തിയത്​ എന്ന്​ എസ്​.ഡി.പി.ഐ പറയണം. വരുന്ന പഞ്ചായത്ത്​-മുനിസിപ്പൽ തെരഞ്ഞെടുപ്പിൽ നാല്​ വോട്ട്​ കിട്ടാനുള്ള സങ്കുചിത രാഷ്​ട്രീയ നേട്ടത്തിന്​ വേണ്ടിയുള്ള ശ്രമമാണിതെന്ന്​ ജനം തിരിച്ചറിയണം. പാലത്തായി പെൺകുട്ടിക്ക്​ നീതി ലഭിക്കണമെന്നാവശ്യപ്പെട്ട്​ മാർച്ച്​ 21ന്​ നാട്ടുകാർ രൂപവത്​കരിച്ച ആക്ഷൻ കമ്മിറ്റിയിൽ എസ്​.ഡി.പി.ഐ ഇ​ല്ലെന്നും ജയരാജൻ ചൂണ്ടിക്കാട്ടി.   

പ്രതിക്ക്​ ജാമ്യം ലഭിച്ചത്​ സംബന്ധിച്ച പ്രചാരണ കോലാഹലത്തിൽ ശ്രദ്ധിക്കേണ്ട കൗതുകകരമായ മറ്റൊരു കാര്യമുണ്ട്​. ഒരുപക്ഷത്ത്​ പ്രതി നിരപരാധിയാണെന്നാണ്​ ആർ.എസ്​.എസ്​ പറയുന്നത്​. മറുപക്ഷത്ത്​ ലീഗും എസ്​.ഡി.പി.ഐയും മൗദൂദിസ്​റ്റുകളും പ്രതിയെ രക്ഷപ്പെടുത്താനാണ്​ നീക്ക​െമന്നും ആരോപിക്കുന്നു. രണ്ടുകൂട്ടരും പ്രതിയെ രക്ഷപ്പെടുത്താൻ കൂട്ടുനിൽക്കുകയാണ്​. ധൃതി പിടിച്ച്​ കുറ്റപത്രം കൊടുക്കണമെന്നാണ്​ രണ്ട്​ കൂട്ടരും ആവശ്യപ്പെടുന്നത്​. തുടരന്വേഷണത്തിന്​ സമയം വേണമെന്നാണ്​ പൊലീസി​​െൻറ ആവശ്യം. പ്രതി രക്ഷപ്പെടാതിരിക്കാനാണ്​ തുടരന്വേഷണത്തിന്​ കോടതി സമയം കൊടുത്തത്​. പോക്​സോ അടക്കമുള്ള കുറ്റങ്ങൾ ചുമത്തി പ്രതിക്ക്​ രക്ഷപ്പെടാനുള്ള എല്ലാ പഴുതും അടക്കണമെന്നാണ്​ സി.പി.എം നിലപാട്​. എന്നാൽ, പഴുതുള്ള കുറ്റപത്രം ധൃതിയിൽ സമർപ്പിക്കണമെന്ന്​ ആവശ്യപ്പെടുന്നതിലൂടെ പ്രതിയെ രക്ഷപ്പെടുത്തണമെന്നുള്ള ഒരു പോയൻറിൽ രണ്ട്​ കൂട്ടരും ഒരുമിക്കുകയാണെന്ന്​ ജയരാജൻ ആരോപിക്കുന്നു.  

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:muslim leaguecongressP Jayarajansdpimalayalam newspalathayi rape case
News Summary - SDPI trying to deviate Palathayi child abuse case says P. Jayarajan -kerala news
Next Story