പ്രകാശിതമായ ആ മുഖം ഒരിക്കലും മനസില്‍ നിന്ന് മായില്ല -അബ്ദുല്‍ മജീദ് ഫൈസി

കോഴിക്കോട്: അന്തരിച്ച നിലമ്പൂരിലെ യു.ഡി.എഫ് സ്ഥാനാർഥിയും മലപ്പുറം ഡി.സി.സി അധ്യക്ഷനുമായ വി.വി. പ്രകാശിനെ അനുസ്മരിച്ച് എസ്.ഡി.പി.ഐ സംസ്ഥാന അധ്യക്ഷൻ പി. അബ്ദുല്‍ മജീദ് ഫൈസി. എളിമ നിറഞ്ഞ പ്രകൃതമാണ് പ്രകാശിന്‍റേതെന്നും പ്രകാശിതമായ ആ മുഖം ഒരിക്കലും മനസില്‍ നിന്ന് മായില്ലെന്നും അബ്ദുല്‍ മജീദ് ഫൈസി ഫേസ്ബുക്കിൽ കുറിച്ചു.

ഫേസ്ബുക്ക് പോസ്റ്റിന്‍റെ പൂർണരൂപം:

വി.വി പ്രകാശിന് ആദരാജ്ഞലികള്‍
ഏറെ ഞെട്ടലും വേദനയും ഉണ്ടാക്കിയ വേര്‍പാടാണ് പ്രകാശിന്‍റേത്. എപ്പോഴും പുഞ്ചിരിയോടെ മാത്രം അഭിമുഖീകരിച്ചിരുന്ന വ്യക്തിത്വമായിരുന്നു അദ്ദേഹം. എളിമ നിറഞ്ഞ പ്രകൃതം. പ്രകാശിതമായ ആ മുഖം ഒരിക്കലും മനസില്‍ നിന്ന് മായില്ല. അദ്ദേഹത്തിന്‍റെ ആകസ്മിക വിയോഗം കുടുംബത്തിനും സഹപ്രവര്‍ത്തകര്‍ക്കും ഉണ്ടാക്കിയ വേദനയില്‍ പങ്ക് ചേരുന്നു.