Begin typing your search above and press return to search.
exit_to_app
exit_to_app
psc kerala
cancel
Homechevron_rightNewschevron_rightKeralachevron_rightസ്​ക്രീനിങ്​...

സ്​ക്രീനിങ്​ ടെസ്​റ്റ്​ വിജയിച്ചവർക്ക്​ മാത്രം അന്തിമ പരീക്ഷ; പി.എസ്​.സിയിൽ സുപ്രധാന മാറ്റങ്ങൾ

text_fields
bookmark_border

തിരുവനന്തപുരം: സ്​ക്രീനിങ്​ ടെസ്​റ്റ് വിജയിച്ചവരെ മാത്രമേ ഇനി അന്തിമ പരീക്ഷക്ക്​ ​പരീഗണിക്കൂവെന്ന്​ പി.എസ്​.സി ചെയർമാൻ എം.കെ. സക്കീർ. കാതലായ മാറ്റങ്ങളാണ്​ പി.എസ്​.സി കൊണ്ടുവന്നിട്ടുള്ളത്​. കാലങ്ങളായി ഒരൊറ്റ പരീക്ഷയാണ്​ ഇതുവരെ നടത്തിയിരുന്നത്​. യു.പി.എസ്​.സിക്ക്​ സമാനമായി സ്​ക്രീനിങ്​ ടെസ്​റ്റ്​ നടത്തിയ ശേഷം അതിൽനിന്ന്​ തെരഞ്ഞെടുക്കുന്നവരെ മാത്രമേ ഇനി അന്തിമ പരീക്ഷക്ക്​ ഇരുത്തൂ.

ഇതുവ​ഴി രണ്ടാംഘട്ടത്തിലേക്ക്​ മികവുള്ളവർ മാത്രമേ വരികയുള്ളൂ. അന്തിമ പരീക്ഷയിലെ റാങ്കായിരിക്കും നിയമന ലിസ്​റ്റിലേക്ക്​ പരിഗണിക്കുക. അതേസമയം, സ്​ക്രീനിങ്​ പരീക്ഷയിലെ മാർക്ക്​ അന്തിമ പരീക്ഷ ഫലത്തെ ബാധിക്കില്ല. ഇപ്രകാരമുള്ള ആദ്യ പരീക്ഷ ഡിസംബറിൽ നടക്കും.

ഉദ്യോഗാർഥികൾ കാലങ്ങളായി ആവ​ശ്യപ്പെട്ടിരുന്നു മാറ്റാമായിരുന്നു ഇതെന്ന്​ ചെയർമാൻ പറഞ്ഞു. സർക്കാറി​െൻറ അനുമതിയോടെ ഭേദഗതി തിങ്കളാഴ്​ച നിലവിൽ വന്നു. പത്താം ക്ലാസ്​, പ്ലസ്​ടു, ഡിഗ്രി യോഗ്യതക്കനുസരിച്ചായിരിക്കും സ്​ക്രീനിങ്​ ടെസ്​റ്റ്​ നടത്തുക. പുതിയരീതി നിലവിൽ വരുന്നതോടെ അന്തിമ പരീക്ഷ ഫലം ഒന്ന്​-രണ്ട്​ മാസത്തിനുള്ളിൽ പ്രസിദ്ധീകരിക്കാൻ കഴിയും. പുതിയ രീതി നടപ്പാക്കുന്നതിനാലാണ്​ നാനൂറിലേറെ പുതിയ പരീക്ഷ​ വിജ്​ഞാപനങ്ങൾ പി.എസ്​.സി നൽകാതിരുന്നത്​.

കോവിഡ്​ കാരണം മാറ്റിയ പരീക്ഷകൾ സെപ്​റ്റംബർ, ഒക്​ടോബർ മാസങ്ങളിൽ നടക്കുമെന്നും ചെയർമാൻ അറിയിച്ചു. സർട്ടിഫിക്കറ്റ്​ വെരിഫിക്കേഷന്​ ഓൺലൈൻ സംവിധാനം ഒരുക്കും. ഇവർ താൽക്കാലികമായി മാത്രമായിരിക്കും ലിസ്​റ്റിലുണ്ടാവുക. മെയിൻ ലിസ്​റ്റ്​ ഇടുന്നതിന്​ മുമ്പ്​ ഇവർ ഓഫിസിൽ ഹാജരാകേണ്ടതുണ്ട്​.

പി.എസ്​.സിയുടെ റാങ്ക്​ ലിസ്​റ്റുകൾ സമയബന്ധിതമായി പ്രഖ്യാപിക്കും. കോവിഡ്​ കാലത്തും നിയമനങ്ങൾ നടക്കുന്നതിനാൽ നിലവിലെ റാങ്ക്​ ലിസ്​റ്റുകൾ നീട്ടില്ല. അതേസമയം, പി.എസ്​.സിക്കെതിരായി ഉയർന്ന ആരോപണങ്ങൾക്ക്​ മറുപടി പറയാനും വാദപ്രതിവാദങ്ങൾക്കും​ തൽക്കാലം മുതിരുന്നില്ലെന്നും ചെയർമാൻ പറഞ്ഞു.

Show Full Article
TAGS:psc exam kerala psc screening test psc exam 
News Summary - screening test in psc exams before main exam
Next Story