ക​ണ​ക്ക് ക്ലാ​സി​ൽ തെ​റ്റു​പ​റ്റി​യ​തി​ന് വിദ്യാർഥിക്ക് ക്രൂ​ര​ മ​ർ​ദനം: കേസ് ഒതുക്കിത്തീർക്കാൻ ശ്രമിക്കുന്നതായി ആക്ഷേപം

കീ​ഴ്മാ​ട്: സ്‌​കൂ​ൾ വി​ദ്യാ​ർ​ഥി​യെ അ​ധ്യാ​പി​ക മ​ർ​ദി​ച്ച സം​ഭ​വ​ത്തി​ൽ ആ​ലു​വ പൊ​ലീ​സ് കേ​സ് ഒ​തു​ക്കി​ത്തീ​ർ​ക്കാ​ൻ ശ്ര​മി​ക്കു​ന്ന​താ​യി ആ​ക്ഷേ​പം. ഇ​തി​െൻറ ഭാ​ഗ​മാ​യി ബ​ന്ധു​ക്ക​ൾ​ക്ക് കേ​സി​െൻറ എ​ഫ്.​ഐ.​ആ​ർ കോ​പ്പി ന​ൽ​കാ​തി​രി​ക്കാ​ൻ ശ്ര​മം ന​ട​ന്നി​രു​ന്നു. വൈ​കി​യാ​ണ് കോ​പ്പി ന​ൽ​കി​യ​ത്. കു​ട്ട​മ​ശ്ശേ​രി ഗ​വ.​സ്കൂ​ളി​ൽ 10ാം ക്ലാ​സ് വി​ദ്യാ​ർ​ഥി​ക്കാ​ണ് മ​ർ​ദ​ന​മേ​റ്റ​ത്. ക​ണ​ക്ക് ക്ലാ​സി​ൽ തെ​റ്റു​പ​റ്റി​യ​തി​നാ​ണ് കു​ട്ടി​യെ ക്രൂ​ര​മാ​യി മ​ർ​ദി​ച്ച​ത്. കു​ട്ടി​യു​ടെ കൈ​ക്ക് ഗു​രു​ത​ര​മാ​യി പ​രി​ക്കേ​റ്റു. ക​ഴി​ഞ്ഞ ബു​ധ​നാ​ഴ്ച​യാ​ണ് സം​ഭ​വം.

ചി​കി​ത്സ​ക്ക്​ പ്ര​വേ​ശി​പ്പി​ച്ച ആ​ലു​വ ജി​ല്ല ആ​ശു​പ​ത്രി​യി​ൽ​നി​ന്ന് പൊ​ലീ​സി​ന് വി​വ​രം ന​ൽ​കി​യെ​ങ്കി​ലും തി​ങ്ക​ളാ​ഴ്ച​യാ​ണ് മൊ​ഴി​യെ​ടു​ത്ത​ത്. ഇ​ങ്ങ​നെ​യൊ​രു സം​ഭ​വം ന​ട​ന്നി​ട്ടി​ല്ലെ​ന്ന നി​ല​പാ​ടാ​ണ് സ്‌​കൂ​ൾ അ​ധി​കൃ​ത​ർ തു​ട​ക്ക​ത്തി​ൽ എ​ടു​ത്ത​ത്. നാ​ട്ടു​കാ​രും ബ​ന്ധു​ക്ക​ളും പ്ര​ശ്‌​ന​ത്തി​ൽ ഇ​ട​പെ​ട്ട​തോ​ടെ​യാ​ണ് കേ​െ​സ​ടു​ക്കാ​ൻ പൊ​ലീ​സ് ത​യാ​റാ​യ​ത്. ഇ​തി​നി​ടെ, കു​ട്ടി​യെ മ​ർ​ദി​ച്ചെ​ന്ന പ​രാ​തി​യി​ൽ കേ​സ് എ​ടു​ത്തി​ട്ടു​ണ്ടെ​ന്ന് എ​സ്.​ഐ പ​റ​ഞ്ഞു. കൂ​ടു​ത​ൽ അ​ന്വേ​ഷ​ണം വേ​ണം. മ​റ്റ് വി​ദ്യാ​ർ​ഥി​ക​ളു​ടെ മൊ​ഴി​യെ​ടു​ക്കേ​ണ്ട​തു​ണ്ടെ​ന്നും എ​സ്.​ഐ പ​റ​ഞ്ഞു.