സ്​കൂളുകൾ തുറക്കാൻ സജ്ജമെന്ന്​ പൊതുവിദ്യാഭ്യാസ വകുപ്പ്​

തിരുവനന്തപുരം: സംസ്ഥാനത്ത്​ സ്​കൂളുകൾ തുറക്കാനുള്ള സജ്ജീകരണങ്ങളെല്ലാം പൂർത്തിയായെന്ന്​ വിദ്യഭ്യാസ വകുപ്പ്​. പൊതുവിദ്യഭ്യാസ വകുപ്പ്​ സെക്രട്ടറിയാണ്​ ഇക്കാര്യം അറിയിച്ചത്​. ആരോഗ്യവകുപ്പും ദുരന്തനിവാരണ വകുപ്പും അനുമതി നൽകിയാൽ സ്​കൂളുകൾ തുറക്കുമെന്നും സെ​ക്രട്ടറി എ.ഷാജഹാൻ പറഞ്ഞു.

വിദ്യാഭ്യാസ വകുപ്പ്​ എല്ലാ മുൻകരുതലുകളും സ്വീകരിച്ചിട്ടുണ്ട്​. പ്രവേശന നടപടികൾ പുർത്തിയായെന്നും അദ്ദേഹം പറഞ്ഞു. ആദ്യഘട്ടത്തിൽ 9,10,11,12 ക്ലാസുകളിൽ മാത്രമാവും അധ്യയനമുണ്ടാവുക. പിന്നീട്​ ഹൈസ്​കൂൾ, ഹയർസെക്കൻഡറി തലങ്ങളിൽ പൂർണമായ തോതിൽ അധ്യയനമുണ്ടാവും.

അതേസമയം, എൽ.പി, യു.പി ക്ലാസുകൾ തുടങ്ങുന്നതിൽ ഇനിയും ധാരണയായിട്ടില്ല. ഈ വർഷം പ്രൈമറി, അപ്പർ പ്രൈമറി ക്ലാസുകൾ പുനഃരാരംഭിക്കാനുള്ള സാധ്യതകൾ വിരളമാണെന്നാണ്​ റിപ്പോർട്ടുകൾ.