സ്കൂൾ ഉച്ച ഭക്ഷണ പദ്ധതി: 77.6 കോടി അനുവദിച്ചു

തി​രു​വ​ന​ന്ത​പു​രം: ഹൈ​കോ​ട​തി ഉ​ത്ത​ര​വി​ന്​ പി​ന്നാ​ലെ, സ്കൂ​ൾ ഉ​ച്ച​ഭ​ക്ഷ​ണ പ​ദ്ധ​തി​യി​ലെ കു​ടി​ശ്ശി​ക​യി​ന​ത്തി​ൽ 77.6 കോ​ടി രൂ​പ പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ ​പേ​രി​ലു​ള്ള അ​ക്കൗ​ണ്ടി​ലേ​ക്ക്​ ട്രാ​ൻ​സ്​​ഫ​ർ ചെ​യ്തും തു​ക റി​ലീ​സ്​ ചെ​യ്തും സ​ർ​ക്കാ​ർ ഉ​ത്ത​ര​വ്. മൂ​ന്നു​മാ​സ​ത്തെ തു​ക കു​ടി​ശ്ശി​ക​യാ​യ​തി​നെ​തി​രെ കെ.​പി.​എ​സ്.​ടി.​എ ഹൈ​കോ​ട​തി​യെ സ​മീ​പി​ച്ചി​രു​ന്നു. തു​ക അ​നു​വ​ദി​ക്കാ​ൻ തീ​രു​മാ​നി​ച്ച​താ​യി സ​ർ​ക്കാ​ർ കോ​ട​തി​യെ അ​റി​യി​ച്ചു. ആ ഉ​ത്ത​ര​വ്​ ഹാ​ജ​രാ​ക്കാ​ൻ കോ​ട​തി നി​ർ​ദേ​ശി​ച്ചി​രു​ന്നു. ഇ​തി​ന്​ പി​ന്നാ​ലെ​യാ​ണ്​ തു​ക ട്രാ​ൻ​സ്ഫ​ർ ചെ​യ്തും റി​ലീ​സ്​ ചെ​യ്തും ഉ​ത്ത​ര​വി​റ​ക്കി​യ​ത്.

സ​ർ​ക്കാ​ർ പ​ണം അ​നു​വ​ദി​ക്കാ​ത്ത​തി​നാ​ൽ പ്ര​ധാ​ന അ​ധ്യാ​പ​ക​ർ ക​ട​ക്കെ​ണി​യി​ലാ​ണെ​ന്നും പ​രി​ഹാ​ര​മു​ണ്ടാ​ക്ക​ണ​മെ​ന്നും ആ​വ​ശ്യ​പ്പെ​ട്ടു​ള്ള ഹ​ര​ജി​യാ​ണ്​ പ​രി​ഗ​ണി​ച്ച​ത്. ഇ​തി​ന്​ പി​ന്നാ​ലെ​യാ​ണ്​ തീ​രു​മാ​നം.

സെ​പ്റ്റം​ബ​ർ, ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ലെ കേ​ന്ദ്ര വി​ഹി​തം മു​ൻ​കൂ​റാ​യും സം​സ്ഥാ​ന വി​ഹി​ത​വും അ​ധി​ക വി​ഹി​ത​വും അ​നു​വ​ദി​ച്ചാ​ണ്​ ഉ​ത്ത​ര​വ്. ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ലെ കേ​ന്ദ്ര​വി​ഹി​ത​മാ​യ 37.96 കോ​ടി രൂ​പ​യും സെ​പ്റ്റം​ബ​ർ, ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ലെ സം​സ്ഥാ​ന വി​ഹി​ത​മാ​യ 35.04 രൂ​പ​യും ചേ​ർ​ത്ത് 73.01 കോ​ടി രൂ​പ​യും സം​സ്ഥാ​നം അ​ധി​ക സ​ഹാ​യ​മാ​യി അ​നു​വ​ദി​ച്ച 4.58 കോ​ടി ചേ​ർ​ത്താ​ണ് പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ പേ​രി​ലു​ള്ള സിം​ഗ്​​ൾ നോ​ഡ​ൽ അ​ക്കൗ​ണ്ടി​ലേ​ക്ക് റി​ലീ​സ് ചെ​യ്ത​ത്‌.