സഹപാഠിക്ക്​ ‘സ്​നേഹവസന്തം’ പകർന്ന്​ പൂർവവിദ്യാർഥികൾ ഒരുമിച്ചു

തൊടുപുഴ: കലാലയങ്ങളു​ടെ ഇടനാഴികൾ അവിടെ നിന്നും പഠിച്ചിറങ്ങി കാലമെത്ര കഴിഞ്ഞാലും ഒാരോ വിദ്യാർഥിക്കും ഗൃഹാതുരതയു​ടെ ഒരുപിടി നനുത്ത ഒാർമകളാണ്​. സൗഹൃദവും പിണക്കവും ഇടകലർന്ന പഠനത്തിരക്കുകൾ ഒന്നു കഴിഞ്ഞുകിട്ടണേയെന്ന്​ പഠിക്കുന്ന കാലത്ത്​ ആഗ്രഹിക്കുന്നവർ തന്നെയാണ്​ വളർന്ന്​ വലുതായശേഷം ആ കുട്ടിക്കാലം മതിയായിരുന്നു എന്ന്​ ചിന്തിക്കുന്നതും. ഇവിടെ 1976ൽ പ്രവർത്തനം ആരംഭിച്ച ഒരു സ്​കൂളി​​​​െൻറ ചരിത്രത്തിലാദ്യമായി പൂർവവിദ്യാർഥികൾ ഒരുമിച്ചത്​ വെറുതെ ആയിരുന്നില്ല, തങ്ങൾക്കൊപ്പം പഠിച്ച സഹപാഠിയുടെ ചികിത്സ ധനശേഖരണാർഥമായിരുന്നു. 

25 വർഷങ്ങൾക്കിപ്പുറം തൊടുപുഴക്കടുത്ത്​ മുതലക്കോടം സ​​​െൻറ്​ ജോർജ്​ ഹൈസ്​കൂളിലെ എസ്​.എസ്​.എൽ.സി ബാച്ച്​ ‘സ്​നേഹവസന്തം 93’എന്ന പേരിൽ ഒന്നുചേർന്നപ്പോൾ സാധ്യമായത്​ അവശ്യനേരത്ത്​ എവിടെനിന്നോ പൊട്ടിമുളച്ച നന്മയു​ടെ തണൽമരമായിരുന്നു. ഏകദേശം 90,000 രൂപയാണ്​ സഹായനിധിയിലേക്ക്​ ഇവരു​ടെ കൂട്ടായ്​മ സമാഹരിച്ചത്​. 116 പേരടങ്ങിയ 1993ലെ ആ പത്താംക്ലാസ്​ ബാച്ചിലെ 63 പേരെ ഒരുമിച്ചുകൂട്ടാനായി എന്നതുതന്നെ ഇവരുടെ സമർപ്പണത്തിന്​ തെളിവാണ്​. രണ്ട്​ സഹപാഠികൾ ഒാർമകൾ അവശേഷിപ്പിച്ച്​ മരണമെന്ന അനിവാര്യതക്ക്​ കീഴടങ്ങിയതു മാ​ത്രം സംഗമത്തിൽ ചെറുനൊമ്പരമായി മാറി. ഗൾഫിലുള്ള 20 പേരിൽ നാലുപേർ പരിപാടിയിൽ പ​െങ്കടുക്കാൻ മാത്രം സമയം കണ്ടെത്തി വന്നുചേർന്നതും സന്തോഷം പകരുന്നതായി. 

2016 ആഗസ്​റ്റിലാണ്​ ഗൾഫിൽ ജോലി ചെയ്യുന്ന ബിബിൻ ജോർജ്​ അഡ്​മിൻ ആയി വാട്​സ്​ആപ്പ്​ ഗ്രൂപ്പ്​ ആരംഭിക്കുന്നത്​. പിന്നീട്​ പലർ വഴിയായി 84ഒാളം പേരുടെ നമ്പറുകൾ സംഘടിപ്പിച്ചു. വാട്​സ്​ആപ്പ്​ ഇല്ലാത്തവരടക്കം 110 പേരെ പലതവണയായി വിളിച്ച്​ ഒാർമിപ്പിച്ച്​ ഏപ്രിൽ ആറിന്​ ഉച്ചകഴിഞ്ഞ്​ മുതലക്കോടത്ത്​ സംഗമം നടത്തിയപ്പോൾ അന്ന്​ തങ്ങളെ പഠിപ്പിച്ച 17 അധ്യാപകരെ കൂടി പ​െങ്കടുപ്പിക്കാൻ സാധിച്ചു. 1991ൽ ​പെൻഷൻ പറ്റിയ അധ്യാപകൻ വരെ പ​െങ്കടുത്തു. സ്​കൂളിലേക്ക് ​പ്രത്യേകം സ്​​േനഹോപഹാരവും പൂർവ വിദ്യാർഥികൾ സമർപ്പിച്ചു. 90ഒാളം വിദ്യാർഥികളിൽ മിക്കവരും അന്ന്​ പഠിച്ചിറങ്ങിയശേഷം ആദ്യമായി കാണുന്നതിനും സംഗമം സാക്ഷ്യം വഹിച്ചു. ചില അധ്യാപകർ വിദ്യാർഥികളുടെ പേര്​ പോലും മറക്കാതെ ഒാർത്തെടുക്കുകയുണ്ടായി.

സർക്കാർ ഉദ്യോഗസ്​ഥർ, പൊലീസുകാർ, രാഷ്​ട്രീയക്കാർ, മൗലവിമാർ, വൈദികർ ഉൾപ്പെടെ സമൂഹത്തി​​​​െൻറ വിവിധ മേഖലകളിൽ വളർന്നു പന്തലിച്ച ഇൗ വിദ്യാർഥിക്കൂട്ടായ്​മ വർഷത്തിലൊരിക്കൽ സംഗമിക്കണമെന്ന ആഗ്രഹം ബാക്കിയാക്കിയാണ്​ പിരിഞ്ഞത്​. വിശേഷങ്ങളും ഓര്‍മകളും എത്ര പറഞ്ഞിട്ടും പലര്‍ക്കും തീരുന്നേയില്ലായിരുന്നു. ​മുതലക്കോടം പാരീഷ്​ഹാളിൽ ചേർന്ന സംഗമം സ്​കൂൾ മാനേജർ ഫാ.ജോസഫ് അടപ്പൂർ ഉദ്ഘാടനം ചെയ്​തു. പൂർവിദ്യാർഥിയും സംഘാടകസമിതി ജന. കൺവീനറുമായ  ഫാ. ബിജോ എൻ.ചാക്കോ അധ്യക്ഷത വഹിച്ചു. 

ഹെഡ്മാസ്​റ്റർ ഷാജു മാത്യു മുഖ്യപ്രഭാഷണം നടത്തി. കെ.എസ്​. മുഹമ്മദ് അർഷദ്, അഷ്റഫ് മനാനി, ഹബീബ് മൗലവി. ബിബിൻ ജോർജ് തുടങ്ങിയവർ സംസാരിച്ചു. അന്നത്തെ അധ്യാപകരായ എ.​​​കെ. മത്തായി, റോസ്​ലിൻ വർഗീസ്​, കെ.വി. എലിയാമ്മ, സിസ്​റ്റർ ആലിസ് മരിയ, ബേബി ജോസഫ്, ​കെ.എ. ഫ്രാൻസിസ്, ചിന്നമ്മ വി.ജോർജ്, ആലമ്മ, ജോസഫ് മാത്യു, എം.വി. ജോസ്, മേരി, കെ.എ. മത്തായി, എം.​കെ. തോമസ്, ജോർജ് കാരകുന്നേൽ, സൂസന്ന സെബാസ്​റ്റ്യൻ എന്നിവരെ ആദരിച്ചു. ജീവകാരുണ്യ നിധി ഉദ്ഘാടനവും നടന്നു.