4500 കോടിയുടെ ഇ-മൊബിലിറ്റി പദ്ധതിയിൽ അഴിമതി -ചെന്നിത്തല

തിരുവനന്തപുരം: കോവിഡ്​ കാരണം ജനങ്ങൾ ബുദ്ധിമുട്ടു​േമ്പാൾ സർക്കാറി​െൻറ ശ്രദ്ധ മുഴുവൻ അഴിമതിയിലാണെന്ന്​ പ്രതിപക്ഷ നേതാവ്​ രമേശ്​ ചെന്നിത്തല ആരോപിച്ചു. നടപ്പാകില്ലെന്ന്​ ഉറപ്പുള്ള വൻകിട പദ്ധതികളുടെ പേര്​ പറഞ്ഞ്​ കൺസൾട്ടൻസിയെ നിയോഗിക്കുകയും അതുവഴി കൊള്ള നടത്തുകയും ചെയ്യുകയാണ് സർക്കാർ​. ഇതിന്​ ഒടുവില​ത്തെ ഉദാഹരണമാണ്​ ഇ-മൊബിലിറ്റി പദ്ധതി.

4500 കോടി രൂപ മുടക്കി 3000 ഇലക്​ട്രിക്​ ബസുകൾ നിർമിക്കുന്ന പദ്ധതിയാണിത്​. ഇതി​െൻറ വിശദപദ്ധതി തയാറാക്കാനുള്ള കൺസൾട്ടൻസി നൽകിയത്​​ ലണ്ടൻ ആസ്​ഥാനമായ പ്രൈസ്​ വാട്ടർ ഹൗസ്​ കൂപ്പർ എന്ന കമ്പനിക്കാണ്. ഏറെ ദുരൂഹതകൾ നിറഞ്ഞതാണ്​ ഈ കരാർ​. ഈ കമ്പനിക്കെതിരെ ഒമ്പത്​ കേസുകളാണ്​ ഇന്ത്യയിലുള്ളത്​. കൂടാതെ സെക്യുരിറ്റീസ്​ ആൻഡ്​ എക്​സ്​ചേഞ്ച്​ ബോർഡ്​ ഓഫ്​ ഇന്ത്യ (സെബി) കമ്പനിയെ രണ്ട്​ വർഷത്തേക്ക്​ നിരോധിച്ചിട്ടുമുണ്ട്​.

മൂന്ന്​ കരാറുകളാണ്​ ഇവർക്ക്​ കേരള സർക്കാർ നൽകിയത്​. കൊച്ചി-പാലക്കാട്​ വ്യാവസായിക ഇടനാഴി, കെഫോൺ എന്നിവയാണ്​ മറ്റു രണ്ട്​ കരാറുകൾ. ഇവർക്ക്​ നൽകുന്നതിനെതിരെ മുൻ ഡൽഹി ഹൈകോടതി ജഡ്​ജിയും 20ാമത്​ ലോ കമീഷൻ ഓഫ്​ ഇന്ത്യ ചെയർമാനുമായ അജിത്​ പ്രകാശ്​ ഷാ മുഖ്യമന്ത്രി പിണറായി വിജയന്​ കത്തയച്ചിരുന്നു. ഈ കത്തിൻമേൽ എന്ത്​ നടപടിയാണ്​ സർക്കാർ സ്വീകരിച്ചതെന്ന്​ വ്യക്​തമാക്കണമെന്ന്​ ചെന്നിത്തല ആവശ്യപ്പെട്ടു.

എല്ലാവിധ മാനദണ്ഡങ്ങളും കാറ്റിൽപറത്തിയാണ്​ കരാർ​ നൽകിയത്​. മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിലാണ്​ കൺസൾട്ടൻസി നൽകാനുള്ള തീരുമാനം എടുക്കുന്നത്​. കരാർ നൽകുന്നതിന്​ മുമ്പ്​ ടെൻഡർ വിളിക്കുകയോ സെക്രട്ടറ​ിയേറ്റ്​ മാന്വൽ പരിപാലിക്കുകയോ ചെയ്​തിട്ടില്ല.

2019 ആഗസ്​റ്റ്​ ഏഴിന്​ ​യോഗം ചേരുകയും നാല്​ ദിവസം കഴിഞ്ഞ്​ കരാർ നൽകുകയുമായിരുന്നു. ഇപ്രകാരം കരാർ നൽകാൻ മുഖ്യമന്ത്രിക്ക്​ അധികാരമില്ല. ഈ കരാ​ റദ്ദ്​ ചെയ്​ത് കുറ്റക്കാർക്കെതിരെ​ നിയമ നടപടി സ്വീകരിക്കണം. കരാർ ഗതാഗത മന്ത്രിയുടെ അറിവോടെയാണോ എന്നും മുഖ്യമന്ത്രി വ്യക്​തമാക്കണം.

ഇത്​ കൂടാതെ നിരവധി അഴിമതികളാണ്​ പ്രതിപക്ഷം പുറത്തുകൊണ്ടുവന്നത്​. സ്​പ്രിൻക്ലർ വിവാദത്തിൽ ആദ്യം സർക്കാർ പ്രതിപക്ഷത്തെയും മാധ്യമങ്ങളെയും പരിഹസിച്ചു. എന്നാൽ, കരാറിൽനിന്ന്​ സർക്കാറിന്​ പിൻമാറേണ്ടിവന്നു. ബെവ്​ക്യൂ ആപ്പുമായും ബന്ധപ്പെട്ട്​ നിരവധി അഴിമതി ആരോപണങ്ങളാണ്​ ഉയർന്നിട്ടുള്ളത്​. ബിവറേജസ്​ കോർപറേഷന്​ കനത്ത നഷ്​ടമാണ്​ ഉണ്ടായത്​. എന്നാൽ, ഇതിനെയെല്ലാം ന്യായീകരിക്കുന്ന മറുപടിയാണ്​ മന്ത്രിയിൽനിന്ന്​ ഉണ്ടായതെന്നും രമേശ്​ ചെന്നിത്തല ആരോപിച്ചു.

മറുപടി രേഖകൾ പരിശോധിച്ചശേഷം -ഗതാഗത മന്ത്രി

തിരുവനന്തപുരം: പ്രതിപക്ഷ നേതാവ്​ ഉന്നയിച്ച ആരോപണങ്ങൾക്ക്​ ഫയലുകൾ പരിശോധിച്ചശേഷം മറുപടി നൽകാമെന്ന്​ ഗതാഗത മന്ത്രി എ.കെ. ശശീന്ദ്രൻ അറിയിച്ചു. കോവിഡ്​ കാലത്ത്​ ഗതഗാത വകുപ്പ്​ ആരുമായും കരാറിൽ ഏർപ്പെട്ടിട്ടില്ല.

ഇ-മൊബിലിറ്റി പോളിസി സർക്കാർ അംഗീകരിച്ചതാണ്​. അതി​െൻറ ഭാഗമായി സർക്കാർ ചില നടപടികൾ സ്വീകരിച്ചിട്ടുണ്ട്​. കൺസൾട്ടൻസിയെ നിയമിച്ചതി​െൻറ കാര്യങ്ങൾ പരിശോധിച്ച് കൃത്യമായി​ മറുപടി നൽകുമെന്നും മന്ത്രി പറഞ്ഞു.