കോർപറേഷനിലെ പട്ടികജാതി ഫണ്ട്​ തട്ടിപ്പ്​: രണ്ടുപേർ അറസ്റ്റിൽ

തി​രു​വ​ന​ന്ത​പു​രം: കോ​ർ​പ​റേ​ഷ​നി​ൽ പ​ട്ടി​ക​ജാ​തി വ​നി​ത​ക​ൾ​ക്കു​ള്ള ഫ​ണ്ട് ത​ട്ടി​യെ​ടു​ത്ത കേ​സി​ൽ ര​ണ്ടു​പേ​ർ അ​റ​സ്റ്റി​ൽ. തി​രു​വ​ല്ലം സ്വ​ദേ​ശി സി​ന്ധു, ഇ​വ​രു​ടെ സ​ഹാ​യി ക​ര​കു​ളം സ്വ​ദേ​ശി അ​ജി​ത എ​ന്നി​വ​രെ​യാ​ണ് മ്യൂ​സി​യം പൊ​ലീ​സ് വെ​ള്ളി​യാ​ഴ്ച രാ​ത്രി അ​റ​സ്റ്റ് ചെ​യ്​​ത​ത്. മൂ​ന്നു​പേ​ർ കൂ​ടി വ​ല​യി​ലു​ണ്ടെ​ന്നും വ​രും ദി​വ​സ​ങ്ങ​ളി​ൽ അ​റ​സ്റ്റി​ലാ​കു​മെ​ന്നും പൊ​ലീ​സ് അ​റി​യി​ച്ചു. വ്യാ​ജ ജാ​തി സ​ർ​ട്ടി​ഫി​ക്ക​റ്റു​ണ്ടാ​ക്കി കോ​ർ​പ​​റേ​ഷ​നി​ൽ​നി​ന്ന് പ​ട്ടി​ക​ജാ​തി വ​നി​ത​ക​ൾ​ക്കു​ള്ള സ​ബ്സി​ഡി​യു​ള്ള സ്വ​യം തൊ​ഴി​ൽ വാ​യ്പ​ക​ളാ​ണ്​ ഇ​വ​ർ ത​ട്ടി​യെ​ടു​ത്ത​ത്. ഗു​ണ​ഭോ​ക്താ​ക്ക​ൾ അ​റി​യാ​തെ​യാ​യി​രു​ന്നു ത​ട്ടി​പ്പ്.

2015-16 സ​മ​യ​ത്ത് കോ​ർ​പ​റേ​ഷ​നി​ൽ എ​സ്.​സി പ്ര​മോ​ട്ട​റാ​യി​രു​ന്നു സി​ന്ധു. ആ ​സ​മ​യ​ത്ത് ഇ​വ​രു​ടെ പ​ക്ക​ലു​ണ്ടാ​യി​രു​ന്ന ഗു​ണ​ഭോ​ക്താ​ക്ക​ളു​ടെ പേ​രു​ക​ൾ ഉ​പ​യോ​ഗി​ച്ചാ​ണ് ആ​ദ്യം ത​ട്ടി​പ്പ് തു​ട​ങ്ങി​യ​ത്. ഗു​ണ​ഭോ​ക്താ​ക്ക​ൾ അ​റി​യാ​തെ രേ​ഖ​ക​ൾ പ്ര​തി​ക​ൾ വ്യാ​ജ​മാ​യു​ണ്ടാ​ക്കി.

പി​ന്നീ​ട് സി​ന്ധു​വി​ന്റെ അ​ശ്വ​തി അ​സോ​സി​യേ​റ്റ്സി​ന്റെ പേ​രി​ൽ ബാ​ങ്കി​ൽ​നി​ന്നു​ള്ള ചെ​ക്കു​ക​ൾ ഒ​പ്പി​ട്ടു​വാ​ങ്ങി. ത​ന്റെ സ്ഥാ​പ​നം സ്വ​യം തൊ​ഴി​ലി​ന് വേ​ണ്ട സാ​ധ​ന​ങ്ങ​ൾ കൈ​മാ​റു​ന്നെ​ന്ന് പ​റ​ഞ്ഞാ​ണ് ചെ​ക്കു​ക​ൾ മാ​റി​യെ​ടു​ത്ത​ത്.ഇ​വ​രെ സ​ഹാ​യി​ച്ചെ​ന്ന കു​റ്റ​ത്തി​നാ​ണ് അ​ജി​ത അ​റ​സ്റ്റി​ലാ​യ​ത്. രേ​ഖ​ക​ളു​ണ്ടാ​ക്കാ​ൻ സ​ഹാ​യി​ക്കു​ന്ന​ത് അ​ജി​ത​യാ​ണെ​ന്ന് പൊ​ലീ​സ് പ​റ​ഞ്ഞു. കോ​ടി​ക്ക​ണ​ക്കി​ന് രൂ​പ ഇ​വ​ർ ത​ട്ടി​ച്ചെ​ന്ന് പൊ​ലീ​സ് വ്യ​ക്ത​മാ​ക്കി. സ്വ​യം​തൊ​ഴി​ൽ പ​ദ്ധ​തി​ക്കു​ള്ള വാ​യ്പ സ​ബ്സി​ഡി പ​ദ്ധ​തി​യി​ലാ​ണ് ത​ട്ടി​പ്പ്. ശ​നി​യാ​ഴ്ച കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്യും.