ഇറ്റാലിയൻ കടൽക്കൊല കേസിൽ നഷ്​ടപരിഹാരം വേണമെന്ന്​ ബോട്ടിലുണ്ടായിരുന്ന തൊഴിലാളികൾ; ബോട്ടുടമക്ക്​ രണ്ട്​ കോടി കൊടുക്കുന്നത്​ സുപ്രീംകോടതി തടഞ്ഞു

ന്യൂഡൽഹി: ഇറ്റാലിയൻ കടൽക്കൊല കേസ്​ ഒത്തുതീർപ്പാക്കിയപ്പോൾ സെൻറ്​ ആൻറണീസ് ബോട്ടുടമക്ക്​ നൽകാൻ നിശ്ചയിച്ച നഷ്​ടപരിഹാരത്തുകയായ രണ്ട്​ കോടി രുപ കൈമാറുന്നത് സുപ്രീംകോടതി തടഞ്ഞു. ബോട്ടുടമക്ക്​ കിട്ടിയ തുകയിൽ നിന്ന്​ നഷ്​ടപരിഹാര വിഹിതം ആവശ്യപ്പെട്ട്​ വെടിവെയ്​പ്​ നടക്കു​േമ്പാൾ ബോട്ടി​ലുണ്ടായിര​ുന്നഏഴ്​ മൽസ്യതൊഴിലാളികൾ സുപ്രീംകോടതിയിൽ സമർപ്പിച്ച ഹരജിയിലാണ്​ നടപടി​. സെൻറ്​ ആൻറണീസ് ബോട്ടുടമക്ക്​ നോട്ടീസ് അയച്ച ജസ്​റ്റിസ്​ ഇന്ദിര ബാനർജി അധ്യക്ഷയായ ബെഞ്ച് രണ്ടാഴ്ചക്ക്​ ശേഷം ഹരജികൾ പരിഗണിക്കും.

ഹരജികളിൽ നിലപാട് അറിയിക്കാൻ കേരള സർക്കാറിനോടും നിർദേശിച്ച സുപ്രീംകോടതി അതുവരെ ബോട്ടുടമക്കുള്ള രണ്ട് കോടി രൂപ കൈമാറരുത്​ എന്ന്​ ഉത്തരവിട്ടു. മത്സ്യത്തൊഴിലാളികൾക്ക് കേരള ഹൈക്കോടതിയെ നേരിട്ട് സമീപിക്കാവുന്നതാണെന്ന് കേന്ദ്ര സർക്കാറിന്​ വേണ്ടി സോളിസിറ്റർ ജനറൽ തുഷാർ മേത്ത നിലപാട് വ്യക്തമാക്കി. കേന്ദ്രസർക്കാർ നിർദേശത്തോട് ബെഞ്ച്​ അനുകൂലമായാണ് പ്രതികരിച്ചത്.

2012 ഫെബ്രുവരി 15നാണ്​ അറബിക്കടലിൽ കേരളതീരത്ത്​ എൻറിക ​െലസ്സി എന്ന കപ്പലിൽ നിന്ന്​ ഇറ്റാലിയൻ നാവികർ നടത്തിയ വെടിവെയ്​പിൽ രണ്ട്​ മൽസ്യതൊഴിലാളികൾ കൊല്ലപ്പെട്ടത്​. ഇറ്റാലിയൻ സർക്കാറിൽ നിന്ന്​ 10 കോടി നഷ്​ടപരിഹാരം വാങ്ങി കേന്ദ്ര സർക്കാർ ഇറ്റലിയുമായി ഒത്തുതീർപ്പുണ്ടാക്കിയതിനെ ത​ുടർന്നാണ്​ സുപ്രീംകോടതി ജൂൺ 15ന്​ കടൽകൊല കേസ്​ തീർപ്പാക്കിയത്​. അതിൽ നാല്​ കോടി വീതം കൊല്ലപ്പെട്ടവരുടെ ആശ്രിതർക്കും രണ്ട്​ കോടി ബോട്ടുടമക്കും നൽകാനായിരുന്നു സുപ്രീംകോടതി വിധി. എന്നാൽ ബോട്ടിലുണ്ടായിരുന്ന 12 ​േപരിൽ ഏഴ്​ ആളുകൾ തങ്ങൾക്കും പരിക്കേറ്റതിനാൽ നഷ്​ടപരിഹാരം വേണമെന്ന്​ ആവശ്യപ്പെട്ട്​ സുപ്രീംകോടതിയിലെത്തി.