എസ്​.ബി.ഐക്കെതിരായ ഹരജി ഹൈകോടതി തള്ളി; ന​ൽ​കി​യ​ത്​ അ​നാ​വ​ശ്യ​ഹ​ര​ജി​യെ​ന്ന്​ കോ​ട​തി

കൊ​ച്ചി: എ​സ്.​ബി.​ഐ അ​ധി​കൃ​ത​രു​ടെ വീ​ഴ്ച​മൂ​ലം ബാ​ങ്കി​ങ്​ ഉ​പ​ഭോ​ക്താ​ക്ക​ളു​ടെ വി​വ​ര​ങ്ങ​ൾ ചോ​ർ​ന് നെ​ന്ന്​ ആ​രോ​പി​ക്കു​ന്ന പൊ​തു​താ​ൽ​പ​ര്യ​ഹ​ര​ജി പി​ഴ​സ​ഹി​തം ഹൈ​കോ​ട​തി ത​ള്ളി. വി​വ​ര​ങ്ങ​ൾ ചോ​ർ​ന ്ന സം​ഭ​വ​ത്തെ​ക്കു​റി​ച്ച്​ സ്വ​ത​ന്ത്ര ഏ​ജ​ൻ​സി അ​ന്വേ​ഷി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് പെ​രി​ന്ത​ൽ ​മ​ണ്ണ സ്വ​ദേ​ശി ഷ​ഹീ​ർ അ​ലി ന​ൽ​കി​യ ഹ​ര​ജി​യാ​ണ്​ ചീ​ഫ്​ ജ​സ്​​റ്റി​സ്​ ഋ​ഷി​കേ​ശ്​ റോ​യ്, ജ​സ്​​റ്റി​സ്​ എ.​കെ. ജ​യ​ശ​ങ്ക​ര​ൻ ന​മ്പ്യാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ 10,000 രൂ​പ പി​ഴ​യ​ട​ക്ക​ണ​മെ​ന്ന നി​ർ​ദേ​ശ​ത്തോ​ടെ ത​ള്ളി​യ​ത്.

എ​സ്.​ബി.​ഐ ഉ​പ​ഭോ​ക്താ​ക്ക​ളു​ടെ വി​വ​ര​ങ്ങ​ൾ ബാ​ങ്കി​​െൻറ സെ​ർ​വ​റി​ൽ​നി​ന്ന് ചോ​ർ​ന്നെ​ന്നും ഒാ​ൺ​ലൈ​ൻ ഇ​ട​പാ​ടു​ക​ൾ ത​ട​സ്സ​പ്പെ​ട്ടെ​ന്നു​മു​ള്ള മാ​ധ്യ​മ​വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ലാ​ണ് ഹ​ര​ജി​ക്കാ​ര​ൻ കോ​ട​തി​യെ സ​മീ​പി​ച്ച​ത്. എ​സ്.​ബി.​ഐ ജ​ന​റ​ൽ മാ​നേ​ജ​ർ അ​ഞ്ചു​കോ​ടി രൂ​പ കേ​ര​ള ലീ​ഗ​ൽ സ​ർ​വി​സ് അ​തോ​റി​റ്റി​ക്ക് (കെ​ൽ​സ) പി​ഴ​യാ​യി ന​ൽ​കാ​ൻ നി​ർ​ദേ​ശി​ക്ക​ണ​മെ​ന്നും ഹ​ര​ജി​യി​ൽ ആ​വ​ശ്യ​പ്പെ​ട്ടി​രു​ന്നു.

എ​ന്നാ​ൽ, ഉ​പ​ഭോ​ക്താ​ക്ക​ളു​ടെ വി​വ​ര​ങ്ങ​ൾ ചോ​ർ​ന്നി​ട്ടി​ല്ലെ​ന്നും സെ​ർ​വ​റി​ൽ ഇ​വ സു​ര​ക്ഷി​ത​മാ​ണെ​ന്നും എ​സ്.​ബി.​ഐ വി​ശ​ദീ​ക​രി​ച്ചു. ജ​നു​വ​രി 31ന് ​ഹൈ​ദ​രാ​ബാ​ദ് സ​െൻറ​റി​ലെ ക​ണ​ക്ടി​വി​റ്റി​യു​മാ​യി ബ​ന്ധ​പ്പെ​ട്ട് ചി​ല സാ​ങ്കേ​തി​ക​ത​ട​സ്സ​ങ്ങ​ൾ ഉ​ണ്ടാ​യ​താ​ണ്​ തെ​റ്റി​ദ്ധാ​ര​ണ​ക്ക്​ ഇ​ട​യാ​ക്കി​യ​തെ​ന്നും വ്യ​ക്ത​മാ​ക്കി. തു​ട​ർ​ന്ന് ഹ​ര​ജി​ക്കാ​ര​നോ​ട്​ ചീ​ഫ് ജ​സ്​​റ്റി​സ് ഉ​ൾ​പ്പെ​ട്ട ഡി​വി​ഷ​ൻ ബെ​ഞ്ച് വി​ശ​ദീ​ക​ര​ണം തേ​ടി​യെ​ങ്കി​ലും കൃ​ത്യ​മാ​യ മ​റു​പ​ടി​യു​ണ്ടാ​യി​ല്ല. തു​ട​ർ​ന്നാ​ണ്, അ​നാ​വ​ശ്യ​ഹ​ര​ജി​യാ​ണ്​ ന​ൽ​കി​യ​തെ​ന്ന്​ വി​ല​യി​രു​ത്തി പി​ഴ​യ​ട​ക്കാ​ൻ ഉ​ത്ത​ര​വി​ട്ട​ത്. മൂ​ന്നാ​ഴ്ച​ക്ക​കം 10,000 രൂ​പ കെ​ൽ​സ​ക്ക്​ ന​ൽ​കാ​നാ​ണ്​ നി​ർ​ദേ​ശം.