'കോൺഗ്രസിനെ രക്ഷിക്കാൻ കെ. സുധാകരൻ വരണം'; കെ.പി.സി.സി ആസ്​ഥാനത്ത്​ വീണ്ടും പോസ്റ്ററുകൾ

തിരുവനന്തപുരം: തദ്ദേശതെരഞ്ഞെടുപ്പിലേറ്റ പരാജയ​ത്തെ തുടർന്ന്​ കോൺഗ്രസിനെ രക്ഷിക്കാൻ തലപ്പത്ത്​ കെ. സുധാകരനെ കൊണ്ടുവരണമെന്ന്​ ആവശ്യപ്പെട്ട്​ വീണ്ടും പോസ്റ്ററുകൾ. കെ.പി.സി.സി ആസ്​ഥാനത്താണ്​ പോസ്റ്ററുകൾ പതിപ്പിച്ചത്​. സേവ്​ കോൺഗ്രസ്​ എന്ന പേരിലാണ്​ പോസ്റ്ററുകൾ.

കോൺഗ്രസി​െല ​ഗ്രൂപ്പ്​ പോര്​ അവസാനിപ്പിക്കണം. കോൺഗ്രസിന്‍റെ മുന്നേറ്റത്തിന്​ കെ. സുധാകരനെ കെ.പി.സി.സി അധ്യക്ഷനാക്കണമെന്നും പോസ്റ്ററിൽ ആവശ്യപ്പെടുന്നു.

തദ്ദേശ തെരഞ്ഞെടുപ്പിലെ കോൺഗ്രസിലെ തോൽവിക്ക്​ പിന്നാലെ തിരുവനന്തപുരത്തും തൃശൂരും കോഴിക്കോട്ടും പോസ്റ്ററുകൾ പ്രത്യക്ഷപ്പെട്ടിരുന്നു. കെ. സുധാകരനെയും കെ. മുരളീധരനെയും അനുകൂലിച്ചുകൊണ്ടുമായിരുന്നു പോസ്​റ്ററുകൾ. ഇരുവരുടെയും നേതൃ സ്​ഥാനത്ത്​ കൊണ്ടുവരണമെന്നായിരുന്നു ആവശ്യം.