സംഘടനാ കാര്യങ്ങൾ ചിട്ടയോടെ നടക്കുന്നു; അതിന്‍റെ ആത്മവിശ്വാസമുണ്ടെന്ന്​ വി.ഡി സതീശൻ

സംസ്​ഥാനത്ത്​ കോൺഗ്രസ്​ പാർട്ടിയിൽ ഇപ്പോൾ നടക്കുന്ന സംഘടനാ കാര്യങ്ങൾ വളരെ ചിട്ടയോടെയാണെന്നും​ അവക്ക്​ കൃത്യമായ ലക്ഷ്യമുണ്ടെന്നും പ്രതിപക്ഷ നേതാവ്​ വി.ഡി സതീശൻ. ഇപ്പോൾ നടക്കുന്നത്​ പുതിയ കാര്യങ്ങളാണ്​. അതിനെതുടർന്നുള്ള ഒരു ആത്മവിശ്വാസം പാർട്ടിയിലുണ്ടെന്നും സതീശൻ മാധ്യമങ്ങളോട്​ പറഞ്ഞു.

പാർട്ടിയുമായി ബന്ധപ്പെട്ട മുഴുവൻ കാര്യങ്ങളും കെ.പി.സി.സി പ്രസിഡന്‍റ്​ പറയുമെന്നും സതീശൻ പറഞ്ഞു. രണ്ട്​ പരാജയങ്ങൾക്ക്​ ശേഷം, കേരളത്തിൽ യു.ഡി.എഫിനെ തിരികെ കൊണ്ടുവരികയാണ്​ ലക്ഷ്യം. അതിന്​ കൃത്യമായ ഒരു 'പ്ലാൻ ഒാഫ്​ ആക്ഷൻ' ഉണ്ട്​. അതനുസരിച്ചുള്ള കാര്യങ്ങളാണ്​ നടക്കുന്നതെന്നും വി.ഡി സതീശൻ പറഞ്ഞു.