ശിവശങ്കറിനെ മുഖ്യമന്ത്രിക്ക്​ ഭയം; നൂറുദിന കര്‍മ്മ പരിപാടി പി.ആര്‍ തട്ടിപ്പെന്ന്​ വി.ഡി സതീശൻ

പ്രിൻസിപ്പൽ സെക്രട്ടറിയായിരുന്ന എം. ശിവ ശങ്കറിനെ മുഖ്യമന്ത്രിക്ക് ഭയമാണെന്ന് പ്രതിപക്ഷനേതാവ് വി.ഡി സതീശൻ. അഴിമതിയുടേയും സാമൂഹ്യ വിരുദ്ധ പ്രവർത്തനങ്ങളുടേയും കേന്ദ്രമായിരിന്നു മുഖ്യമന്ത്രിയുടെ ഓഫീസ്​. ഭയം കൊണ്ടാണ് മുഖ്യമന്ത്രി ശിവശങ്കറിനെ ന്യായീകരിക്കുന്നതെന്നും സതീശൻ പറഞ്ഞു.

സർക്കാറി​െൻറ വാർഷികത്തോടനുബന്ധിച്ച്​ നൂറുദിന കര്‍മ്മ പരിപാടി എന്നത്​ ഇടതു സര്‍ക്കാരിന്‍റെ മറ്റൊരു പി.ആര്‍ തട്ടിപ്പാണെന്നും കഴിഞ്ഞ ബജറ്റില്‍ പറഞ്ഞത് തന്നെയാണ് മുഖ്യമന്ത്രി വീണ്ടും അവതരിപ്പിച്ചതെന്നും സതീശന്‍ പറഞ്ഞു. ഭരണ പരാജയത്തിന്‍റെ ജാള്യത മായ്ക്കാനുള്ള പി.ആര്‍ തന്ത്രം മാത്രമാണിതെന്നും അദ്ദേഹം പറഞ്ഞു.