25 കിലോ സ്വർണം ബാഗേജിലുണ്ടെന്ന്​ സരിത്​ പറഞ്ഞു -അഭിഭാഷക​െൻറ വെളിപ്പെടുത്തൽ

തിരുവനന്തപുരം: സ്വർണക്കടത്തു കേസിൽ വെളിപ്പെട​ുത്തലുമായി പ്രതി സരിത്തി​​​​െൻറ അഭിഭാഷകൻ. 25 കിലോ സ്വർണം ബാഗേജിലുണ്ടെന്ന്​ സരിത്​ പറഞ്ഞുവെന്ന്​ അഭിഭാഷകൻ കൃഷ്​ണൻ നായർ വെളിപ്പെടുത്തി.  നിരവധി ഉന്നതർക്കും സ്വർണക്കടത്തിൽ പങ്കുണ്ടെന്ന്​ സരിത്​ പറഞ്ഞതായും അദ്ദേഹം മാധ്യമങ്ങളോട്​ പറഞ്ഞു.

ഈ മാസം നാലിന്​ സരിത്​ തന്നെ കാണാൻ വന്നിരുന്നു. അ​േപ്പാഴാണ്​ നയതന്ത്ര ബാഗേജുമായി ബന്ധപ്പെട്ട്​ ചില പ്രശ്​നങ്ങളുണ്ടെന്നും അതിൽ 25 കി​േലാ സ്വർണം ഉണ്ടെന്ന്​ പറയ​പ്പെടുന്നുവെന്നും പറയുന്നത്​. അതുകൊണ്ട്​ കസ്​റ്റംസ്​ എത്താൻനിർദേശിക്കുന്നുവെന്നും പോകണോ എന്ന്​ ചോദിക്കുകയും ചെയ്​തു. അഞ്ചാം തീയതി രാവിലെ പോകേണ്ടെന്നും വൈകുന്നേരം പോയാൽ മതിയെന്നും താൻ നിർദേ​ശിച്ചു. ത​​​​െൻറ നിർദേശം പോലും ലംഘിച്ച്​ സരിത്ത്​ പോയത്​ നിരപരാധിയാണെന്ന ചിന്തകൊണ്ടാണെന്നും അഭിഭാഷകൻ പറഞ്ഞു.

ഇപ്പോൾ വന്ന ബാഗേജിൽ ആയുധങ്ങളൊന്നുമില്ല.​ ഇത്​ സാമ്പത്തിക ക​ുറ്റകൃത്യം മാത്രമാണെന്നും ഇതിൽ​ വേറെയും കണ്ണികളുണ്ടെന്നും അഭിഭാഷകൻ പറഞ്ഞു. രാജ്യം നശിക്കു​കയോ രാജ്യത്തി​​​​െൻറ സമ്പദ്​ വ്യവസ്ഥ തകരുകയോ ചെയ്​താലും തങ്ങൾക്ക്​ സൗഭാഗ്യത്തിൽ ജീവിക്കണമെന്ന്​ ചിന്തിക്കുന്ന സ്വർണ കച്ചവടക്കാരാണ്​ ഇതിന്​ പിന്നിൽ. അവരൊക്കെ വീണ്ടും സ്വതന്ത്രമായി ഈ ബിസിനസ്​ തന്നെ ചെയ്യും. ഇതിനു പിന്നിലുള്ളവരെ പിന്നീട്​ വെളിപ്പെടുത്തുമെന്നും അഭിഭാഷകൻ പറഞ്ഞു.