കറുപ്പ് അഹങ്കാരമാക്കുന്ന പൊതുബോധം വരണമെന്ന് ശാരദ മുരളീധരൻ

കോ​ഴി​ക്കോ​ട്: ക​റു​പ്പി​ൽ അ​ഹ​ങ്ക​രി​ക്കു​ന്ന നി​ല​യി​ലേ​ക്ക് ന​മ്മു​ടെ പൊ​തു​ബോ​ധം മാ​റ്റി​യെ​ടു​ക്ക​ണ​മെ​ന്ന് ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​ൻ. ചേ​വാ​യൂ​ർ കി​ർ​ത്താ​ഡ്സി​ൽ ‘നെ​ർ​ദ്ധി 2025’ (നെ​ർ​ദ്ധി: ​ബെ​ട്ട​ക്കു​റു​മ ഗോ​ത്ര വി​ഭാ​ഗം നീ​ല​ഗി​രി കു​ന്നു​ക​ളെ വി​ളി​ക്കു​ന്ന പേ​ര്) ദേ​ശീ​യ ഗോ​ത്ര സാ​ഹി​ത്യോ​ത്സ​വ​ത്തി​ന്റെ ഭാ​ഗ​മാ​യി ന​ട​ന്ന ‘കു​ടും​ബ​ശ്രീ ശാ​ര​ദ; സാ​മൂ​ഹി​ക നീ​തി​യു​ടെ ഗോ​ത്രാ​തി​ജീ​വ​നം’ സം​വാ​ദ​ത്തി​ൽ സം​സാ​രി​ക്കു​ക​യാ​യി​രു​ന്നു അ​വ​ർ. സ​മൂ​ഹ​ത്തി​ലെ താ​ഴേ​ത​ട്ടി​ലു​ള്ള​വ​രാ​ണ് ക​റു​ത്ത​വ​ർ എ​ന്ന പൊ​തു​ബോ​ധം തി​രു​ത്ത​ണം. നി​റം താ​ര​ത​മ്യ​പ്പെ​ടു​ത്തി​യു​ള്ള പ​രാ​മ​ർ​ശ​ത്തി​ൽ ത​നി​ക്ക് വി​ഷ​മ​മു​ണ്ടാ​യി​രു​ന്നു​വെ​ന്ന് അ​വ​ർ തു​റ​ന്നു​പ​റ​ഞ്ഞു. ഏ​ത്‍ ചെ​റി​യ കാ​ര്യ​ങ്ങ​ളി​ലും എ​നി​ക്ക് ന​ല്ല വി​ഷ​മ​മു​ണ്ടാ​വും. പ​ക്ഷേ, അ​ത് കൊ​ണ്ട് നീ​റി, അ​തി​നെ എ​ങ്ങ​നെ പ്ര​തി​രോ​ധി​ക്ക​ണം എ​ന്ന് തീ​രു​മാ​നി​ച്ചാ​ൽ പി​ന്നെ അ​തി​നെ​ക്കു​റി​ച്ച് ഒ​ർ​ക്കി​ല്ല. അ​താ​ണ് എ​ന്‍റെ രീ​തി​യെ​ന്നും അ​വ​ർ കൂ​ട്ടി​ച്ചേ​ർ​ത്തു.

ലോ​ക​ത്തു​ത​ന്നെ ക​റു​പ്പ് പ്ര​ശ്ന​മാ​ണ്. ആ​ഫ്രി​ക്ക​ക്കാ​രു​മാ​യാ​ണ് ക​റു​പ്പി​നെ ബ​ന്ധ​പ്പെ​ടു​ത്തു​ക. ആ​ഫ്രി​ക്ക​ക്കാ​ർ വി​വ​ര​ദോ​ഷി​ക​ളും സം​സ്കാ​ര​മി​ല്ലാ​ത്ത​വ​രു​മാ​ണെ​ന്ന സാ​യി​പ്പി​ന്‍റെ സ​ങ്ക​ൽ​പ​മാ​ണ് ഇ​പ്പോ​ഴും ന​മ്മ​ൾ പി​ന്തു​ട​രു​ന്ന​ത്. ഇ​ത് പൊ​ളി​ച്ചെ​ഴു​ത​ണം. ന​മ്മു​ടെ സാ​മൂ​ഹി​ക വ്യ​വ​സ്ഥ​ത​ന്നെ ചി​ല വി​ഭാ​ഗ​ങ്ങ​ളെ പാ​ർ​ശ്വ​വ​ത്ക​രി​ക്കു​ന്നു​ണ്ട്. ഇ​ങ്ങ​നെ പാ​ർ​ശ്വ​വ​ത്ക​രി​ക്ക​പ്പെ​ട്ടാ​ൽ അ​തി​നെ തി​രു​ത്തു​ക ഏ​റെ ശ്ര​മ​ക​ര​മാ​ണെ​ന്നും അ​വ​ർ പ​റ​ഞ്ഞു. ജാ​തീ​യ​മാ​യ അ​ന്ത​രം കു​ടും​ബ​ശ്രീ​യി​ലും ഉ​ണ്ടാ​യി​രു​ന്നു. ക​ണ​ക്കെ​ടു​ത്തു നോ​ക്കി​യ​പ്പോ​ൾ കു​ടും​ബ​ശ്രീ​യി​ൽ അ​ഞ്ച് ശ​ത​മാ​ന​മാ​യി​രു​ന്നു പ​ട്ടി​ക​ജാ​തി​ക്കാ​രു​ടെ പ്രാ​തി​നി​ധ്യം. പ​ട്ടി​ക വി​ഭാ​ഗ​ക്കാ​ർ വ​ള​രെ കു​റ​വും.

ഈ ​വി​ഭാ​ഗ​ങ്ങ​ളി​ൽ​നി​ന്ന് സി.​ഡി.​എ​സ് ചെ​യ​ർ​പേ​ഴ്സ​നാ​യി വ​രു​ന്ന​ത് വ​ട്ട​പ്പൂ​ജ്യ​മാ​യി​രു​ന്നു. ഒ​രി​ക്ക​ൽ കോ​ഴി​ക്കോ​ട് ജി​ല്ല​യി​ൽ കു​ടും​ബ​ശ്രീ സി.​ഡി.​എ​സി​ന്റെ യോ​ഗ​ത്തി​ൽ പ​ങ്കെ​ടു​ക്കാ​നെ​ത്തി​യ​പ്പോ​ൾ യോ​ഗം നി​യ​ന്ത്രി​ച്ചി​രു​ന്ന​ത് പ​ഞ്ചാ​യ​ത്ത് പ്ര​സി​ഡ​ന്റും സെ​ക്ര​ട്ട​റി​യും സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​നു​മാ​യി​രു​ന്നു. സി.​ഡി.​എ​സ് ചെ​യ​ർ​പേ​ഴ്സ​ൻ എ​വി​ടെ​പ്പോ​യി എ​ന്നു ചോ​ദി​ച്ച​പ്പോ​ൾ ചാ​യ കൊ​ണ്ടു​വ​രാ​ൻ പോ​യെ​ന്ന മ​റു​പ​ടി​യാ​ണ് ല​ഭി​ച്ച​ത്. എ​ന്നാ​ൽ, പി​ന്നീ​ട് അ​തി​ൽ​നി​ന്നെ​ല്ലാം മാ​റ്റ​മു​ണ്ടാ​യെ​ന്നും അ​വ​ർ പ​റ​ഞ്ഞു. അം​ഗ​ങ്ങ​ളാ​യ സ്ത്രീ​ക​ളാ​ണ് കു​ടും​ബ​ശ്രീ​യു​ടെ വി​ജ​യം. ശാ​ര​ദ അ​തി​ന്റെ ഒ​രു ഭാ​ഗം മാ​ത്ര​മാ​ണെ​ന്ന് കു​ടും​ബ​ശ്രീ ശാ​ര​ദ എ​ന്ന പേ​രി​നെ​ക്കു​റി​ച്ചു പ​രാ​മ​ർ​ശി​ച്ച് ചീ​ഫ് സെ​ക്ര​ട്ട​റി പ​റ​ഞ്ഞു.