സംഘപരിവാരം രാജ്യത്തെ ഏറ്റവും അപകടം പിടിച്ച അക്രമി സംഘമാണെന്ന്​ ടി.എൻ. പ്രതാപൻ എം.പി

തൃശൂർ: വിഷു ദിനത്തിൽ പതിനഞ്ച് വയസ്സ് മാത്രം പ്രായമുള്ള കുട്ടിയെ ക്രൂരമായി കൊലപ്പെടുത്തിയ സംഘപരിവാരം രാജ്യത്തെ ഏറ്റവും അപകടം പിടിച്ച അക്രമി സംഘമാണെന്ന്​ ടി.എൻ. പ്രതാപൻഎം.പി നരകാസുര ജന്മങ്ങളാണ് അവർ. അവർക്ക് സ്നേഹത്തിന്റെ ഭാഷയറിയില്ലെന്നും അദ്ദേഹം ​ഫേസ്​ബുക്കിൽ കുറിച്ചു. പോസ്റ്റിന്‍റെ പൂർണരൂപം

വിഷു ദിനത്തിൽ വെറും പതിനഞ്ച് വയസ്സ് മാത്രം പ്രായമുള്ള ഒരു കുട്ടിയെ ക്രൂരമായി കൊലപ്പെടുത്താമെങ്കിൽ അത് സംഘ്പരിവാരത്തിന് മാത്രം വശമുള്ള കാര്യമാണ്. എന്തുമാത്രം മലീമസമായിരിക്കണം അവരുടെ മനസ്സുകൾ; എത്രമേൽ ക്രൂരവും. അഭിമന്യു എന്ന പത്താം ക്‌ളാസുകാരന്റെ ചേതനയറ്റ ശരീരം കാണാനുള്ള ത്രാണിയില്ല. സംഘപരിവാരം രാജ്യത്തെ ഏറ്റവും അപകടം പിടിച്ച അക്രമി സംഘമാണ് എന്നതിൽ തർക്കമില്ല. നരകാസുര ജന്മങ്ങളാണ് അവർ. അവർക്ക് സ്നേഹത്തിന്റെ ഭാഷയറിയില്ല.
അഭിമന്യുവിന് ആദരാഞ്ജലികൾ.