സന്ദീപ്​ വധം: ആസൂത്രണം നടത്തിയത്​ ലോഡ്​ജിൽ, പ്രതികളെ ഇന്ന്​ കസ്റ്റഡിയിൽ വാങ്ങും

പത്തനംതിട്ട: സി.പി.എം ലോക്കൽ സെക്രട്ടറി സന്ദീപി​​െൻറ ​െകാലപാതകത്തിലേക്ക്​ നയിക്കാനുണ്ടായ കാരണം എന്തെന്നതിൽ അവ്യക്​തത തുടരുന്നു. അതേസമയം കൊലപാതകം ആസൂ​ത്രിതമാണെന്ന്​ വ്യക്​തമായിട്ടുണ്ട്​. തിരുവല്ലക്കടുത്ത്്​ കുറ്റപ്പുഴയിലെ ലോഡ്​ജിൽ രണ്ട്​ ദിവസം തങ്ങിയാണ്​ പ്രതികൾ കൊലപാതകം ആസൂത്രണം ചെയ്​തത്​.

ജിഷ്​ണുവിന്​ സന്ദീപിനോടുള്ള വ്യക്​തി വൈരാഗ്യമാണ്​ കൊലക്ക്​ കാരണമായതെന്നാണ്​ കരുതുന്നത്​. 'ജവാൻ' മദ്യം ഉണ്ടാക്കുന്ന പുളിക്കീഴ് ട്രാവൻകൂർ ഷുഗേഴ്​സ്​ ആൻഡ് കെമിക്കൽസിലാണ്​ ജിഷ്​ണുവി​െൻറ അമ്മക്ക്​ ജോലി.

സംഘ്​പരിവാർ സംഘടനകളുടെ പ്രവർത്തകനായ ജിഷ്​ണുവി​െൻറ അമ്മയുടെ ജോലി കളയിക്കാൻ സന്ദീപ്​ ശ്രമിച്ചിരുന്നുവെന്നാണ്​ പറയുന്നത്​. ഇതി​െൻറ ​ൈവരാഗ്യമാണോ കൊലക്ക്​ പിന്നിലെന്നാണ്​ പരിശോധിക്കുന്നത്​. എന്നാൽ, ഇങ്ങനെ ഒരു തർക്കമുള്ളതായി അറിയില്ലെന്നാണ്​ തിരുവല്ലയിലെ സി.പി.എം നേതാക്കൾ പറയുന്നത്​.

ജിഷ്ണു നേരത്തേ മുതൽ ക്രിമിനൽ കേസുകളിൽ പ്രതിയായിരുന്നു. മേഖലയിലുണ്ടാകുന്ന പല കേസുകളിലും ജിഷ്​ണുവിനെ പ്രതിയാക്കാൻ സന്ദീപ്​ ശ്രമിച്ചിരുന്നതായി ചിലർ പറയുന്നു. പ്രതികളെ ശനിയാഴ്​ച പൊലീസ്​ കസ്​റ്റഡിയിൽ വാങ്ങും. തുടർന്ന്​ കൂടുതൽ ചോദ്യം ചെയ്യും.

സി.പി.എം പ്രവർത്തകർ ഒത്തുചേരാറുള്ളത്​ ചാത്തങ്കരിയിലെ പെട്ടിക്കടയിലാണ്​. രണ്ട്​ ബൈക്കുകളിലായാണ്​ പ്രതികൾ സ്​ഥലത്ത്​ എത്തിയതെന്ന്​ പെട്ടിക്കട വ്യാപാരി പറഞ്ഞു. സംഘം വെറുതെ അസഭ്യം പറഞ്ഞുകൊണ്ടിരുന്നു.

എന്നിട്ട്​ ത​െൻറ കടയിലെ ഒന്ന്​ രണ്ട്​ മിഠായി ഭരണികൾ തല്ലിപ്പൊട്ടിച്ചു. സന്ദീപിനും രാജേഷിനുമൊക്കെ നീ ഇവിടെ ഇരിക്കാൻ ഇടംനൽകുമല്ലേടാ എന്നും ചോദിച്ചു. എല്ലാവരുടെ ​ൈകയിലും ആയുധങ്ങളുണ്ടായിരുന്നു. വടിവാൾ അടക്കം ഷർട്ടിന്​ ഇടയിലൂടെ കാണാമായിരുന്നു. പിച്ചാത്തിക്കാണ്​ ഭരണികൾ തല്ലിപ്പൊട്ടിച്ചത്​. കടമുക്കിൽ ഈസമയം നിരവധിപേർ നിൽപുണ്ടായിരുന്നു. എല്ലാവരും ഭയന്നുപോയി. ഇവർ സന്ദീപിനെ തിരക്കിയാണ്​ കടയിലെത്തിയതെന്ന്​​ സംഭവശേഷമാണ്​ മനസ്സിലായതെന്നും വ്യാപാരി പറഞ്ഞു.

പൊലീസ്​ വാദം തള്ളി സി.പി.എം

സി.പി.എം പെരിങ്ങര ലോക്കൽ സെക്രട്ടറി സന്ദീപ് കുമാറിനെ കുത്തിക്കൊന്ന സംഭവത്തില്‍ പൊലീസ്​ വാദം തള്ളി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. കൊലക്ക്​ പിന്നിലെ ഗൂഢാലോചനയെക്കുറിച്ച്​ ഉന്നതതല അന്വേഷണം വേണമെന്നും അദ്ദേഹം വാർത്തസമ്മേളനത്തിൽ ആവശ്യപ്പെട്ടു.

നടന്നത് ക്രൂരമായ കൊലപാതകമാണ്. ജനകീയ നേതാവായിരുന്ന സന്ദീപിനെ അരുംകൊല ചെയ്തത് ആസൂത്രിതമായാണ്. സംഭവത്തിന്​ പിന്നിൽ ആർ.എസ്.എസ്-ബി.ജെ.പി സംഘമാണ്​. കൊലപാതകത്തിന്​ പിന്നിൽ രാഷ്​ട്രീയമില്ലെന്ന പൊലീസ്​ വാദം അദ്ദേഹം തള്ളി.

അന്വേഷണം പൂർത്തിയാകുന്നതിന്​ മുമ്പ്​ പൊലീസ്​ അത്തരമൊരു നിരീക്ഷണം എങ്ങനെ നടത്തിയെന്നത്​​ പരിശോധിക്കേണ്ടതാണ്​. 2016ന്​ ശേഷം 20 സി.പി.എം പ്രവർത്തകർ​ കൊല്ലപ്പെട്ടു​. 15 ​േപരെയും കൊലപ്പെടുത്തിയത്​ ആർ.എസ്​.എസ്​-ബി.ജെ.പിക്കാരാണ്​. 588 സി.പി.എം പ്രവർത്തകരാണ്​ വിവിധ രാഷ്​ട്രീയ എതിരാളികളാൽ കൊല്ലപ്പെട്ടത്​. ഇതിൽ 215 പേരെ കൊലപ്പെടുത്തിയതും ബി.ജെ.പിക്കാരാണ്​. അവർ ഏത്​ കൊലപാതകമാണ്​ സമ്മതിച്ചിട്ടുള്ളത്​. മഹാത്മ ഗാന്ധിയെ കൊന്നതുപോലും അവർ സമ്മതിച്ചിട്ടുണ്ടോ?

കൊലക്ക്​​ ബദൽ കൊല എന്നത്​ സി.പി.എം സമീപനമല്ല. കൊലയാളികളെ അമർച്ച ചെയ്യാനും മാറ്റിനിർത്താനും ജനം രംഗത്തു​വരണം. ദിവസങ്ങളായി ആർ.എസ്​.എസും എസ്​.ഡി.പി.ഐയും വിവിധ പ്രശ്​നങ്ങൾ കുത്തിപ്പൊക്കാൻ ശ്രമിക്കുന്നുണ്ട്​. വർഗീയ ധ്രുവീകരണത്തിനാണ്​ അവരുടെ ശ്രമം. ഇരുവിഭാഗങ്ങൾക്കുമെതിരെ സർക്കാർ ശക്തമായ നടപടി സ്വീകരിക്കണം.

വികസന പ്രവർത്തനങ്ങൾ അട്ടിമറിക്കാൻ യു.ഡി.എഫും ബി.ജെ.പിയും ശ്രമിക്കുകയാണ്​. അതി​െൻറ ഭാഗമാണ്​ കെ റെയിലിനെതിരായ സമരം. ആരെയും കണ്ണീർ കുടിപ്പിച്ച്​ പദ്ധതി നടപ്പാക്കില്ല. പ്രശ്​നങ്ങൾ ചുണ്ടിക്കാണിക്കുന്നതിന്​​ പകരം ഏത്​ പദ്ധതിയെയും കണ്ണടച്ച്​ എതിർക്കുകയാണ്​ പ്രതിപക്ഷം. വഖഫ്​ ബോർഡ്​ നിയമനത്തിൽ മുസ്​ലിം സംഘടനകളുടെ ആശങ്ക ഒഴിവാക്കുമെന്ന്​ മുഖ്യമന്ത്രിതന്നെ വ്യക്തമാക്കിയിട്ടുണ്ട്​.

പെരിയ ഇരട്ടക്കൊലക്കേസിൽ അടിസ്ഥാനരഹിതമായ കാര്യങ്ങൾ കണ്ടെത്തി ചിലരെ പ്രതിയാക്കാനാണ്​ സി.ബി.ഐ ശ്രമം. നിരപരാധികളെ പ്രതിയാക്കിയാൽ അവർക്കൊപ്പം പാർട്ടി നിൽക്കും. ​ക്രൈംബ്രാഞ്ച്​ അന്വേഷണത്തിൽ ​േപാരായ്​മയുണ്ടായെങ്കിൽ സി.ബി.ഐ അന്വേഷിച്ച്​ കണ്ടെത്ത​ട്ടെയെന്നും കോടിയേരി പറഞ്ഞു.