Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightസമസ്ത കേന്ദ്ര മുശാവറ...

സമസ്ത കേന്ദ്ര മുശാവറ അംഗം എ. മരക്കാർ ഫൈസി നിര്യാതനായി

text_fields
bookmark_border
സമസ്ത കേന്ദ്ര മുശാവറ അംഗം എ. മരക്കാർ ഫൈസി നിര്യാതനായി
cancel

തിരൂർ: പ്രമുഖ കർമശാസ്ത്ര പണ്ഡിതനും സമസ്ത കേന്ദ്ര മുശാവറ അംഗവുമായ നിറമരുതൂർ മരക്കാർ ഫൈസി (74) നിര്യാതനായി. വാർധക്യ സഹജമായ അസുഖത്തെ തുടർന്ന് തിങ്കളാഴ്ച കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. വ്യാഴാഴ്​ച ഉച്ചക്ക് 12ഒാടെയായിരുന്നു മരണം. വിശ്രമ ജീവിതത്തിനിടയിലും പൊതുരംഗത്ത് സജീവമായിരുന്നു.

താനൂർ ഇസ്​ലാഹുൽ ഉലൂം അറബിക്​ കോളജ്​, പട്ടിക്കാട്​ ജാമിഅ നൂരിയ്യ എന്നീ സ്​ഥാപനങ്ങളിലായിരുന്നു പഠനം. ജാമിഅയിൽനിന്ന്​ 1971ൽ ഒന്നാം റാങ്കോടെയാണ് പാസായത്. കരിങ്ങനാട്, കോട്ടക്കൽ പാലപ്പുറം, ചെമ്മൻകടവ്, വള്ളികാഞ്ഞിരം, കൈനിക്കര, കാരത്തൂർ ബദ്​രിയ്യ കോളജ്, പൊന്മുണ്ടം, അയ്യായ, വാണിയന്നൂർ എന്നിവിടങ്ങളിലായി ദീർഘകാലം ദർസ് നടത്തിയിട്ടുണ്ട്. അഞ്ച് വർഷത്തോളമായി താനൂർ ഇസ്​ലാഹുൽ ഉലൂം അറബിക്​ കോളജ്​ സീനിയർ മുദരിസാണ്.

സമസ്ത ഫത്​വ കമ്മിറ്റി അംഗം, സമസ്ത തിരൂർ താലൂക്ക് പ്രസിഡൻറ്, ഇസ്​ലാഹുൽ ഉലൂം അറബി കോളജ് വൈസ് പ്രസിഡൻറ്, വളവന്നൂർ ബാഫഖി യതീംഖാന കമ്മിറ്റിയംഗം, ചെമ്മാട് ദാറുൽ ഹുദാ യൂനിവേഴ്സിറ്റി കമ്മിറ്റിയംഗം എന്നീ നിലകളിൽ പ്രവർത്തിക്കുകയായിരുന്നു.

ഭാര്യ: ഫാത്തിമ. മക്കൾ: അബ്​ദുറഹിമാൻ, ശരീഫ്, റാബിയ, റൈഹാനത്ത്, ഉമ്മുഹബീബ, ഹന്നത്ത്, പരേതനായ അബ്​ദുൽ ഹക്കീം. മരുമക്കൾ: ബഷീർ മുത്തൂർ, റശീദ് ചെമ്പ്ര, കെ.പി.എ. റസാഖ് ഫൈസി ആലിങ്ങൽ, അബ്​ദുസലീം തലക്കട്ടൂർ, സുഹറ പത്തമ്പാട്, രഹന വെട്ടിച്ചിറ. സഹോദരങ്ങൾ: മുഹമ്മദ് കുട്ടി മുസ്​ലിയാർ, ഹൈദർ ഹാജി, ആയിശുമ്മ, ഫാത്തിമ, പരേതരായ അബ്​ദുല്ല മുസ്​ലിയാർ, ഫാത്തിമക്കുട്ടി. മയ്യിത്ത്​ പത്തമ്പാട് ജുമാ മസ്ജിദ്​ ഖബർസ്ഥാനിൽ ഖബടക്കി.

Show Full Article
TAGS:Samastha A. Marakkar Faizi samastha EK 
Web Title - Samastha Mushavara member A. Marakkar Faizi passed away
Next Story