Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസമസ്ത-ലീഗ് തർക്കം...

സമസ്ത-ലീഗ് തർക്കം വേണ്ടെന്ന്​ ധാരണ

text_fields
bookmark_border
സമസ്ത-ലീഗ് തർക്കം വേണ്ടെന്ന്​ ധാരണ
cancel

മലപ്പുറം: സമസ്ത-മുസ്​ലിംലീഗ് തര്‍ക്കത്തിന് ചർച്ചയിലൂടെ പരിഹാരം. പാണക്കാട്​ ഹൈദരലി ശിഹാബ്​ തങ്ങൾ വിളിച്ച, ഇരുസംഘടനകളുടെയും ഉന്നത നേതാക്കളുടെ യോഗത്തിലാണ്​ അനുരഞ്​ജനമായത്​. സാമൂഹികമാധ്യമങ്ങളിലും മറ്റും രൂപപ്പെട്ട തർക്കം കൈവിട്ടുപോകുന്ന നിലയിലേക്ക് വളർന്നതോടെയാണ്​ നേതൃത്വം ഇടപെട്ടത്​. 

നേര​േത്ത ഇരുവിഭാഗത്തിലുംപെട്ട നേതാക്കളോട് പരസ്യപ്രതികരണത്തില്‍നിന്ന് പിന്മാറണമെന്ന് ഹൈദരലി തങ്ങള്‍ ആവശ്യപ്പെട്ടിരുന്നു. ഇതി​​െൻറ തുടർച്ചയായായിരുന്നു യോഗം. വിവാദ പ്രസ്​താവനകളും പരാമർശങ്ങളും ആരുടെ ഭാഗത്തുനിന്നുമുണ്ടാവരുതെന്ന്​ ധാരണയായി. വിവാദങ്ങള്‍ തുടരാതിരിക്കാനും ആവര്‍ത്തിക്കാതിരിക്കാനും എല്ലാവരും ശ്രദ്ധിക്കണമെന്ന്​ ഹൈദരലി തങ്ങള്‍ ആവശ്യപ്പെട്ടു. 

യോഗത്തില്‍ മുഹമ്മദ് ജിഫ്രി മുത്തുക്കോയ തങ്ങൾ, എം.ടി. അബ്​ദുല്ല മുസ്​ലിയാർ, പി.കെ. കുഞ്ഞാലിക്കുട്ടി, സാദിഖലി ശിഹാബ് തങ്ങൾ, പി.പി. ഉമ്മര്‍ മുസ്​ലിയാര്‍ കൊയ്യോട്, ഇ.ടി. മുഹമ്മദ് ബഷീർ, പി.വി. അബ്​ദുൽ വഹാബ്, കെ.പി.എ. മജീദ്, അബ്​ദുല്‍ഹമീദ് ഫൈസി അമ്പലക്കടവ്, നാസര്‍ ഫൈസി കൂടത്തായി, കെ. മോയിന്‍കുട്ടി‍, പി.എ. ജബ്ബാര്‍ ഹാജി എന്നിവർ പങ്കെടുത്തു.

Show Full Article
TAGS:samastha IUML issue hyderali shihab thangal skssf kerala news malayalam news 
News Summary - samastha IUML issue -Kerala news
Next Story