ശ​മ്പ​ള-​പെ​ൻ​ഷ​ൻ വി​ത​ര​ണം: 2000 കോടി കൂടി കടമെടുക്കുന്നു

തി​രു​വ​ന​ന്ത​പു​രം: സം​സ്ഥാ​ന​ത്തെ പ്ര​തി​സ​ന്ധി​യി​ലാ​ക്കു​ന്ന കേ​ന്ദ്ര ന​യ​ങ്ങ​ൾ​ക്കെ​തി​രെ നി​യ​മ​ന​ട​പ​ടി​ക്ക്​ തീ​രു​മാ​നി​ച്ചി​രി​ക്കെ 2000 കോ​ടി രൂ​പ കൂ​ടി പൊ​തു​വി​പ​ണി​യി​ൽ​നി​ന്ന്​ ക​ട​മെ​ടു​ക്കാ​ൻ സ​ർ​ക്കാ​ർ തീ​രു​മാ​നി​ച്ചു. ഈ ​സാ​മ്പ​ത്തി​ക വ​ർ​ഷം അ​നു​വ​ദി​ച്ച പൊ​തു​വി​പ​ണി​യി​ലെ ക​ട​പ​രി​ധി​യി​ൽ 890 കോ​ടി​യാ​ണ്​ ഡി​സം​ബ​ർ വ​രെ ഇ​നി ബാ​ക്കി​യാ​വു​ക. ആ​ഗ​സ്​​റ്റി​ലെ ശ​മ്പ​ള-​പെ​ൻ​ഷ​ൻ വി​ത​ര​ണം സു​ഗ​മ​മാ​ക്ക​ൽ ല​ക്ഷ്യ​മി​ട്ടാ​ണ്​ ക​ട​മെ​ടു​പ്പ്.

ആ​ഗ​സ്റ്റ്​ ഒ​ന്നി​ന്​ ക​ട​പ്പ​ത്ര​ത്തി​ന്‍റെ ലേ​ലം റി​സ​ർ​വ്​ ബാ​ങ്കി​ന്‍റെ മും​ബൈ ഓ​ഫി​സി​ൽ ന​ട​ക്കും. ജൂ​ലൈ​യി​ൽ പ​ല ത​വ​ണ​യാ​യി 6000 കോ​ടി​യോ​ളം രൂ​പ ക​ട​മെ​ടു​ത്തി​രു​ന്നു. ഡി​സം​ബ​ർ വ​രെ 15,390 കോ​ടി രൂ​പ​യാ​ണ്​ അ​നു​വ​ദി​ച്ചി​രു​ന്ന​ത്. അ​ഞ്ചു​ മാ​സം ബാ​ക്കി നി​ൽ​ക്കെ ഇ​ത്​ ഏ​റ​ക്കു​റെ എ​ടു​ത്തു ക​ഴി​ഞ്ഞു. ന​ട​പ്പ്​ സാ​മ്പ​ത്തി​ക വ​ർ​ഷം ആ​കെ 20,521.33 കോ​ടി പൊ​തു​വി​പ​ണി​യി​ൽ​നി​ന്ന്​ ക​ട​മെ​ടു​ക്കാ​നാ​ണ്​ കേ​ന്ദ്രാ​നു​മ​തി. ജ​നു​വ​രി മു​ത​ൽ 5131 കോ​ടി എ​ടു​ക്കാ​നാ​കും.

ഇ​ക്കൊ​ല്ലം ക​ട​പ​രി​ധി​യി​ൽ വ​ൻ വെ​ട്ടി​ക്കു​റ​വ്​ കേ​​ന്ദ്രം വ​രു​ത്തി​യെ​ന്നാ​ണ്​ സ​ർ​ക്കാ​റി​ന്‍റെ പ​രാ​തി. ഇ​ത​ട​ക്കം വി​ഷ​യ​ങ്ങ​ൾ ഉ​യ​ർ​ത്തി​യാ​ണ്​ സു​പ്രീം​കോ​ട​തി​യെ സ​മീ​പി​ക്കു​ന്ന​ത്. സം​സ്ഥാ​ന​ത്തി​ന്​ റ​വ​ന്യൂ ക​മ്മി ഗ്രാ​ന്‍റ്​ ന​ൽ​കു​ന്ന​ത്​ ക​ഴി​ഞ്ഞ വ​ർ​ഷം പൂ​ർ​ത്തി​യാ​യി​രു​ന്നു. ഇ​തു സാ​മ്പ​ത്തി​ക ഞെ​രു​ക്ക​മു​ണ്ടാ​ക്കി​യെ​ന്നാ​ണ്​ വാ​ദം. കേ​ര​ള​ത്തി​ന് ​37,811 കോ​ടി രൂ​പ​യാ​ണ്​ റ​വ​ന്യൂ ക​മ്മി ഗ്രാ​ന്‍റാ​യി ല​ഭി​ച്ച​ത്.

സം​സ്ഥാ​നം പോ​ലും ഇ​ത്ര​യും വ​ലി​യ തു​ക പ്ര​തീ​ക്ഷി​ച്ചി​രു​ന്നി​ല്ല. ത​മി​ഴ്​​നാ​ട്, ക​ർ​ണാ​ട​കം പോ​ലു​ള്ള സം​സ്ഥാ​ന​ങ്ങ​ൾ​ക്ക്​ കേ​ര​ള​​ത്തെ​ക്കാ​ൾ കു​റ​ഞ്ഞ തു​ക​യാ​ണ്​ ല​ഭി​ച്ച​ത്. കി​ട്ടി​യ ഗ്രാ​ന്‍റ്​ പൂ​ർ​ണ​മാ​യി സം​സ്ഥാ​നം വാ​ങ്ങി. ഗ്രാ​ന്‍റ്​ കി​ട്ടാ​ൻ സം​സ്ഥാ​നം ചൂ​ണ്ടി​ക്കാ​ണി​ച്ച പ​ല ചെ​ല​വു​ക​ളും ഇ​തു​വ​രെ സം​സ്ഥാ​നം കൊ​ടു​ത്തു തീ​ർ​ത്തി​ട്ടി​ല്ല. ഈ ​ബാ​ധ്യ​ത വൈ​കാ​തെ ഏ​റ്റെ​ടു​ക്കേ​ണ്ടി വ​രും.

ഓ​ണ​ത്തി​നു​ള്ള ചെ​ല​വു​ക​ൾ പൂ​ർ​ത്തി​യാ​ക്കാ​ൻ തി​ര​ക്കി​ട്ട ആ​ലോ​ച​ന​ക​ളാ​ണ്​ ധ​ന​വ​കു​പ്പി​ൽ ന​ട​ക്കു​ന്ന​ത്. 700​ കോ​ടി​യോ​ളം രൂ​പ​യാ​ണ്​ ഇ​തി​നു​ വേ​ണ്ട​ത്. ഓ​ണ​ച്ചെ​ല​വു​ക​ൾ​ക്ക്​ പി​ന്നാ​ലെ ശ​മ്പ​ള​വും പെ​ൻ​ഷ​നും ന​ൽ​കേ​ണ്ട ബാ​ധ്യ​ത​യു​മു​ണ്ട്. അ​ടി​യ​ന്ത​ര ചെ​ല​വു​ക​ൾ​ക്കാ​യി 15,000 കോ​ടി രൂ​പ അ​നു​വ​ദി​ക്ക​ണ​മെ​ന്ന്​ കേ​ന്ദ്ര​ത്തോ​ട്​ സം​സ്ഥാ​നം ആ​വ​ശ്യ​പ്പെ​ട്ടെ​ങ്കി​ലും ഇ​തു​വ​രെ അ​നു​കൂ​ല​മാ​യി പ്ര​തി​ക​രി​ച്ചി​ട്ടി​ല്ല.