കെ.എസ്.ആർ.ടി.സിയിൽ നാളെ മുതൽ ശമ്പള വിതരണം

തിരുവനന്തപുരം: കെ.എസ്.ആർ.ടി.സിയിൽ ശമ്പള വിതരണം നാളെ മുതൽ ആരംഭിക്കും. സർക്കാർ അനുവദിച്ച 30 കോടി രൂപ കെ.എസ്.ആർ.ടി.സിയുടെ അക്കൗണ്ടിലെത്തി. ഈ തുക കൊണ്ട് മെയ് മാസത്തെ ബാങ്ക് ഓവർ ഡ്രാഫ്റ്റ് അടച്ചു തീർക്കാനാണ് തീരുമാനം.

നാളെ 50 കോടിയുടെ പുതിയ ബാങ്ക് ഓവർ ഡ്രാഫ്റ്റ് എടുത്ത് ശമ്പളം നൽകും. ആദ്യം ഡ്രൈവർക്കും കണ്ടക്ടർക്കും മാത്രമാണ് ശമ്പളം നൽകുക. മാസങ്ങളായി കെ.എസ്.ആർ.ടി.സിയിൽ ശമ്പള പ്രതിസന്ധി രൂക്ഷമാണ്. ഇതിനെതിരെ നിരവധി തൊഴിലാളി സംഘടനകളും രംഗത്തെത്തിയിരുന്നു.