സാലറി ചലഞ്ച്​: പണം പിരിച്ചുനൽകിയില്ല; 4000 ഉദ്യോഗസ്ഥരുടെ ശമ്പളം തടഞ്ഞു

തി​രു​വ​ന​ന്ത​പു​രം: വ​യ​നാ​ട് ദു​ര​ന്ത​വു​മാ​യി ബ​ന്ധ​പ്പെ​ട്ട്​ സാ​ല​റി ച​ല​ഞ്ചി​ൽ സ​മ്മ​ത​പ​ത്രം ന​ൽ​കി​യെ​ങ്കി​ലും തു​ക ദു​രി​താ​ശ്വാ​സ നി​ധി​യി​ലെ​ത്താ​ത്ത സാ​ഹ​ച​ര്യ​ത്തി​ൽ പ​ണം പി​രി​ച്ചു​ന​ൽ​കാ​ത്ത സ്ഥാ​പ​ന മേ​ധാ​വി​ക​ള​ട​ക്ക​മു​ള്ള​വ​രു​ടെ ശ​മ്പ​ളം ത​ട​ഞ്ഞു. സം​സ്ഥാ​ന​ത്തെ 4000 ത്തോ​ളം ഡ്രോ​യി​ങ് ആ​ന്റ് ഡി​സ്ബേ​ഴ്സ​ങ് ഓ​ഫി​സ​ർ​മാ​രു​ടെ (ഡി.​ഡി.​ഒ) മേ​യ്​ മാ​സ​ത്തെ ശ​മ്പ​ള ബി​ൽ ത​യാ​റാ​ക്കു​ന്ന​താ​ണ്​ വൈ​കു​ന്ന​ത്​. സാ​ല​റി ച​ല​ഞ്ചി​ലേ​ക്ക്​ ലീ​വ്​ സ​റ​ണ്ട​ർ, പി.​എ​ഫ്​ എ​ന്നി​വ വാ​ഗ്ദാ​നം ചെ​യ്​​ത 20,000 ത്തോ​ളം ജീ​വ​ന​ക്കാ​രു​ടെ വി​ഹി​തം സ​ർ​ക്കാ​റി​ലേ​ക്കെ​ത്തി​യി​രു​ന്നി​ല്ല.

ലീ​വ്​ സ​റ​ണ്ട​ർ, പി.​എ​ഫ്​ എ​ന്നി​വ​യു​ടെ കാ​ര്യ​ത്തി​ൽ ജീ​വ​ന​ക്കാ​ർ​ക്ക്​ ത​ന്നെ അ​പേ​ക്ഷ ന​ൽ​കി തു​ക ല​ഭ്യ​മാ​ക്കു​ക​യും ശേ​ഷം അ​ത​ത്​ ഓ​ഫി​സു​ക​ളി​ലെ ഡി.​ഡി.​ഒ​മാ​ർ ഈ ​തു​ക ​ദു​രി​താ​ശ്വാ​സ നി​ധി​യി​ലേ​ക്ക്​ ട്രാ​ൻ​സ്ഫ​ർ ചെ​യ്യു​ക​യു​മാ​ണ്​ ചെ​യ്യേ​ണ്ട​ത്. ജീ​വ​ന​ക്കാ​ർ ത​ങ്ങ​ളു​ടെ ഭാ​ഗം പൂ​ർ​ത്തീ​ക​രി​ച്ചെ​ങ്കി​ലും ബ​ന്ധ​പ്പെ​ട്ട ഡി.​ഡി.​ഒ​മാ​ർ ഇ​വ കൈ​മാ​റു​ന്ന​തി​ന്​ ന​ട​പ​ടി സ്വീ​ക​രി​ക്കാ​ത്ത​താ​ണ്​ പ​ണ​മെ​ത്താ​ത്ത​തി​ന്​ കാ​ര​ണം.

ഈ ​സാ​ഹ​ച​ര്യ​ത്തി​ലാ​ണ്​ ഡി.​ഡി.​ഒ​മാ​രു​ടെ ശ​മ്പ​ളം ത​ട​യു​ന്ന​തി​ലേ​ക്ക്​ കാ​ര്യ​ങ്ങ​ളെ​ത്തി​യ​ത്. ജീ​വ​ന​ക്കാ​ർ ന​ട​പ​ടി പൂ​ർ​ത്തി​യാ​ക്കി​യി​ട്ടും വീ​ഴ്ച വ​രു​ത്തു​ന്ന ഡി.​ഡി.​ഒ​മാ​രു​ടെ മേ​യ്​ മാ​സ​ത്തെ ശ​മ്പ​ള ബി​ൽ ത​യാ​റാ​ക്ക​ലി​ന്​ സ്പാ​ർ​ക്കി​ൽ ബു​ദ്ധി​മു​ട്ട്​ നേ​രി​ടു​മെ​ന്ന്​ നേ​ര​ത്തെ ത​ന്നെ മു​ന്ന​റി​യി​പ്പ്​ ന​ൽ​കി​യി​രു​ന്നു. 6000 ഡി.​ഡി.​ഒ​മാ​രാ​ണ് സ​ർ​ക്കാ​റി​ന്റെ മു​ന്ന​റി​യി​പ്പ് അ​വ​ഗ​ണി​ച്ച​ത്. ശ​മ്പ​ളം ത​ട​ഞ്ഞ​തോ​ടെ, 2000 പേ​ർ പ​ണം പി​ടി​ച്ച് അ​ട​ക്കാ​ൻ ന​ട​പ​ടി സ്വീ​ക​രി​ച്ചു. ഇ​തോ​ടെ, മൂ​ന്നു​ദി​വ​സം​കൊ​ണ്ട് മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ 15 കോ​ടി രൂ​പ​യെ​ത്തി. ഇ​വ​ർ​ക്ക്​ മേ​യ്​ മാ​സ​ത്തെ ശ​മ്പ​ള​വും ന​ൽ​കി. ജീ​വ​ന​ക്കാ​ർ ന​ൽ​കി​യ സ​മ്മ​ത​പ​ത്രം പി.​എ​ഫ്​ ലോ​ൺ, ലീ​വ്​ സ​റ​ണ്ട​ർ എ​ന്നി​വ​​ക്കു​ള്ള അ​പേ​ക്ഷ​യാ​യി പ​രി​ഗ​ണി​ച്ച്​ തു​ക വ​സൂ​ലാ​ക്കാ​നാ​ണ്​ തീ​രു​മാ​നം. ഇ​ക്കാ​ര്യ​ത്തി​ൽ ജീ​വ​ന​ക്കാ​രി​ൽ നി​ന്ന്​ പ്ര​ത്യേ​ക അ​പേ​ക്ഷ​ക്കാ​യി കാ​ത്തി​രി​ക്കേ​ണ്ട​തി​ല്ല.

സാ​ല​റി ച​ല​ഞ്ചി​ൽ സ​മ്മ​ത​പ​ത്രം ന​ൽ​കി​യ പ​ല​രും സം​ഭാ​വ​ന ന​ൽ​കി​യെ​ന്ന പേ​രി​ൽ ആ​ദാ​യ​നി​കു​തി ഇ​ള​വും നേ​ടി​യി​രു​ന്നു. പ​ണം ന​ൽ​കാ​ത്ത​വ​രി​ൽ 5000 ത്തോ​ളം പേ​ർ ഗ​സ​റ്റ​ഡ് ഓ​ഫി​സ​ർ​മാ​രാ​ണ്.

ജീ​വ​ന​ക്കാ​രി​ൽ നി​ന്ന്​ അ​ഞ്ചു​ ദി​വ​സ​ത്തെ ശ​മ്പ​ള​മാ​ണ്​ ദു​രി​താ​ശ്വാ​സ നി​ധി​യി​ലേ​ക്ക്​ സ​ർ​ക്കാ​ർ ആ​വ​ശ്യ​പ്പെ​ട്ട​ത്. ഇ​തി​ൽ സ​മ്മ​ത​മ​റി​യി​ച്ച​വ​ർ 52 ശ​ത​മാ​ന​മാ​ണ്. ഇ​തി​ലേ​റെ പേ​രും തി​ര​ഞ്ഞെ​ടു​ത്ത​ത്​ ശ​മ്പ​ള​ത്തി​ൽ നി​ന്ന്​ പി​ടി​ക്ക​ലി​ന്​ പ​ക​രം ലീ​വ്​ സ​റ​ണ്ട​റും പി.​എ​ഫും. 5.32 ല​ക്ഷം ജീ​വ​ന​ക്കാ​രാ​ണ്​ സം​സ്ഥാ​ന​ത്തു​ള്ള​ത്. ഇ​വ​ർ മു​ഴു​വ​നും സ​ന്ന​ദ്ധ​മാ​യാ​ൽ 500 കോ​ടി രൂ​പ ഖ​ജ​നാ​വി​ലെ​ത്തു​മെ​ന്നാ​യി​രു​ന്നു സ​ർ​ക്കാ​ർ പ്ര​തീ​ക്ഷ. ഇ​താ​ണ്​ താ​ളം​ തെ​റ്റി​യ​ത്.