ജി​ഷ്​​ണു കേ​സ്​: ശ​ക്​​തി​വേ​ൽ അ​റ​സ്​​റ്റി​ലാ​യ​ത്​ ത​മി​ഴ്​​നാ​ട്​ പൊ​ലീ​സി​െൻറ സ​ഹാ​യ​ത്തോ​ടെ

കോയമ്പത്തൂർ: ജിഷ്ണു കേസിലെ മൂന്നാം പ്രതിയും പാമ്പാടി നെഹ്റു കോളജ് വൈസ് പ്രിൻസിപ്പലുമായ എൻ.കെ. ശക്തിവേൽ അറസ്റ്റിലായത് തമിഴ്നാട് പൊലീസി​െൻറ സഹായത്തോടെ. ശക്തിവേലി​െൻറ ഒളിസേങ്കതത്തെക്കുറിച്ച് വിവരം ലഭിച്ചതിനെ തുടർന്ന് കേരള ഡി.ജി.പി ലോക്നാഥ് ബെഹ്റ തമിഴ്നാട് പൊലീസുമായി ബന്ധപ്പെട്ടിരുന്നു. ഇതി​െൻറ അടിസ്ഥാനത്തിൽ കോയമ്പത്തൂർ റൂറൽ പൊലീസി​െൻറ സഹകരണത്തോടെയാണ് കേരള പൊലീസ് ടീം നാടകീയമായി പ്രതിയെ കസ്റ്റഡിയിലെടുത്തത്.

കോയമ്പത്തൂരിൽനിന്ന് 30 കിലോമീറ്റർ അകലെ അണ്ണൂരിലാണ് ശക്തിവേൽ ഒളിവിൽ കഴിഞ്ഞിരുന്നത്. ശക്തിവേലി​െൻറ സുഹൃത്തായ തങ്കബാലുവി​െൻറ അപ്പാർട്മ​െൻറിൽ മൂന്നുദിവസം മുമ്പാണ് ശക്തിവേൽ എത്തിയത്. അപ്പാർട്മ​െൻറിനോട് ചേർന്ന് തങ്കബാലു സ്വകാര്യ െഎ.ടി.സി നടത്തിയിരുന്നു. ശക്തിവേലി​െൻറ ഭാര്യ ഉപയോഗിച്ച ഫോൺ നമ്പർ പിന്തുടർന്നാണ് അന്വേഷണസംഘം കേന്ദ്രം കണ്ടെത്തിയത്. ഇതിന് സൈബർ പൊലീസ് വിഭാഗത്തി​െൻറ സഹായവും തേടി. രണ്ടുമാസമായി ഒളിവിൽ കഴിഞ്ഞ ശക്തിവേലിനെ വലപ്പാട് സി.െഎ സന്തോഷി​െൻറ നേതൃത്വത്തിലുള്ള സംഘമാണ് കസ്റ്റഡിയിലെടുത്തത്.

ശക്തിവേലി​െൻറ ഭാര്യയെ പൊടുന്നനെ കാണാതായതാണ് അന്വേഷണസംഘത്തെ ജാഗരൂഗരാക്കിയത്. ഇവരുടെ മൊൈബൽ ഫോണിൽനിന്ന് മദ്രാസിലെ ഹൈകോടതി അഭിഭാഷകനുമായും ബന്ധപ്പെട്ടിരുന്നു. നാലാംപ്രതിയും കോളജിലെ ഫിസിക്കൽ ട്രെയിനറുമായ സി.പി. പ്രവീണും അഞ്ചാം പ്രതിയും പരീക്ഷ ഹാളി​െൻറ ചുമതല വഹിച്ചിരുന്ന വിപിനും പൊലീസ് കസ്റ്റഡിയിലുണ്ടെന്നാണ് സൂചന.
നെഹ്റു ഗ്രൂപ്പിന് കീഴിൽ കോയമ്പത്തൂരിലും നിരവധി സ്ഥാപനങ്ങൾ പ്രവർത്തിക്കുന്നുണ്ട്. കേസിലെ ഒന്നാം പ്രതി നെഹ്റു ഗ്രൂപ് ഒാഫ് ഇൻസ്റ്റിറ്റ്യൂഷൻസ് ചെയർമാൻ പി. കൃഷ്ണദാസി​െൻറ സഹോദരനും സി.ഇ.ഒയുമായ പി. കൃഷ്ണകുമാറാണ് ഇൗ സ്ഥാപനങ്ങളുടെ ചുമതല വഹിക്കുന്നത്.

ഒരു മാസമായി ശക്തിവേൽ കോയമ്പത്തൂർ മേഖലയിൽ ഒളിവിൽ കഴിഞ്ഞതായാണ് പൊലീസ് നിഗമനം. മാർച്ച് ഒന്നിന് കോയമ്പത്തൂരിനടുത്ത ചിന്നിയംപാളയത്തുവെച്ച് തലനാരിഴക്കാണ് പൊലീസി​െൻറ പിടിയിൽനിന്ന് ശക്തിവേൽ രക്ഷപ്പെട്ടത്.