ജ​ന്മ​നാട്ടിലെത്തിയ സ​ജി ചെ​റി​യാ​നെ പാ​ർ​ട്ടി പ്ര​വ​ർ​ത്ത​ക​ർ എ​തി​രേ​റ്റ​ത് മു​ദ്രാ​വാ​ക്യം വി​ളി​ക​ളോ​ടെ

ചെ​ങ്ങ​ന്നൂ​ർ: മ​ന്ത്രി​പ​ദ​മൊ​ഴി​ഞ്ഞ്​ ജ​ന്മ​നാട്ടിലെത്തിയ സ​ജി ചെ​റി​യാ​നെ പാ​ർ​ട്ടി പ്ര​വ​ർ​ത്ത​ക​ർ എ​തി​രേ​റ്റ​ത് മു​ദ്രാ​വാ​ക്യം വി​ളി​ക​ളോ​ടെ. പ്ര​ദേ​ശ​വാ​സി​ക​ൾ ക​രം ഗ്ര​ഹി​ച്ചും പി​ന്തു​ണ​യ​ർ​പ്പി​ച്ചും അ​ടു​ത്തെ​ത്തി. സ്ത്രീ​ക​ളും കു​ട്ടി​ക​ളു​മ​ട​ക്ക​മു​ണ്ടാ​യി​രു​ന്നു.

വ്യാ​ഴാ​ഴ്​​ച വൈ​കീ​ട്ട്​ മൂ​ന്ന​ര​യോ​ടെ​യാ​ണ്​ തി​രു​വ​ന​ന്ത​പു​ര​ത്തു​നി​ന്ന്​ അ​ദ്ദേ​ഹം അ​പ്ര​തീ​ക്ഷി​ത​മാ​യി​ ചെ​ങ്ങ​ന്നൂ​ർ കൊ​ഴു​വ​ല്ലൂ​രി​ലെ തെ​ങ്ങും​ത​റ കു​ടും​ബ​വീ​ട്ടി​ലെ​ത്തി​യ​ത്. സി.​പി.​എ​മ്മി​ന്‍റെ ഔ​ദ്യോ​ഗി​ക സ്വീ​ക​ര​ണം ഒ​ഴി​വാ​ക്കി​യ അ​ദ്ദേ​ഹം പു​ന​ലൂ​രി​ലെ ഒ​രു പൊ​തു​ച​ട​ങ്ങി​ൽ പ​ങ്കെ​ടു​ത്ത​ശേ​ഷം വീ​ട്ടി​ലേ​ക്ക്​ എ​ത്തു​ക​യാ​യി​രു​ന്നു. പ​ത്ത​നാ​പു​ര​ത്തെ ഒ​രു വി​വാ​ഹ​ച്ച​ട​ങ്ങി​ലും പ​​ങ്കെ​ടു​ത്തു.

സ​ജി ചെ​റി​യാ​ൻ എ​ത്തി​യ​ത​റി​ഞ്ഞ്​ പ്ര​വ​ർ​ത്ത​കർ​ വീ​ട്ടിലേക്കെത്തി. മു​റ്റ​ത്ത്​ മാ​ധ്യ​മ​പ്ര​വ​ർ​ത്ത​ക​രും കാ​ത്തു​നി​ന്നി​രു​ന്നു. എ​ന്നും ജ​ന​ങ്ങ​ൾ​ക്കൊ​പ്പ​മാ​ണെ​ന്നും സാ​ധാ​ര​ണ പാ​ർ​ട്ടി പ്ര​വ​ർ​ത്ത​ക​നാ​യി എ​പ്പോ​ഴു​മു​ണ്ടാ​കു​മെ​ന്ന് പ്ര​തി​ക​ര​ണം. ശേഷം താ​ൻ നേ​തൃ​ത്വം ന​ൽ​കു​ന്ന ക​രു​ണ​ പെ​യി​ൻ ആ​ന്‍ഡ്​​ പാ​ലി​യേ​റ്റി​വ്​ കെ​യ​ർ സൊ​സൈ​റ്റി ആ​സ്ഥാ​നം എം.എൽ.എ സ​ന്ദ​ർ​ശി​ച്ചു.