ദേശീയപാത വിവാദം: എ.എം ആരിഫിനെ തള്ളി സജി ചെറിയാൻ

ആലപ്പുഴ: അരൂർ-ചേർത്തല ദേശീയപാത പുനർനിർമാണത്തിൽ വിജിലൻസ്​ അന്വേഷണം വേണ​െമന്ന എ.എം. ആരിഫ്​ എം.പിയുടെ ആവശ്യം തള്ളി മന്ത്രി സജി ചെറിയാൻ. എം.പിയുടെ കത്തി​െൻറ മേൽ വിജിലൻസ്​ അന്വേഷണം ആവശ്യമില്ല. കഴിഞ്ഞ സർക്കാറി​െൻറ കാലത്ത്​ ആരിഫ്​ നൽകിയ കത്തി​െൻറ അടിസ്ഥാനത്തിൽ അന്നത്തെ മന്ത്രിയായിരുന്ന ജി. സുധാകരൻ അന്വേഷണം നടത്തി റിപ്പോർട്ട്​ നൽകിയിട്ടുണ്ട്​. ആരിഫും മന്ത്രിയും അവരുടെ അഭി​പ്രായം പറഞ്ഞിട്ടുണ്ട്​. അന്നത്തെ വകുപ്പിനെക്കുറിച്ച പരാതിയല്ലെന്നാണ്​ ആരിഫ്​ പറയുന്നത്​.

തുറവൂർ ഭാഗത്ത്​ വെള്ളക്കെട്ടി​െൻറ ഭാഗമായി പോരായ്​മയുണ്ടെന്ന്​ അന്നത്തെ​ വകുപ്പു​തല അന്വേഷണത്തിൽ കണ്ടെത്തിയിട്ടുണ്ട്​. എം.പി കത്ത്​ നൽകിയതുകൊണ്ട്​ മാത്രം വിജിലൻസ്​ അന്വേഷണം നടക്കില്ല. അക്കാര്യം സർക്കാറാണ്​ തീരുമാനിക്കുന്നത്​. ആരിഫ്​ പാർട്ടി നേതാവ്​ എന്ന നിലയിൽ പറഞ്ഞ കാര്യത്തിൽ എന്തെങ്കിലും പോരായ്​മയുണ്ടെങ്കിൽ പരിശോധിക്കും. റോഡ്​ നവീകരണമെന്നതാണ്​ ആവശ്യമെങ്കിൽ സർക്കാർതലത്തിൽ ആലോചിച്ച്​ പരിഹാരം കാണേണ്ട വിഷയമാണെന്നും അദ്ദേഹം പറഞ്ഞു.

ദേശീയപാത നിർമാണത്തിലെ അപാകത പരിഹരിക്കണമെന്ന ആരിഫി​െൻറ കത്ത്​ മുൻ മന്ത്രികൂടിയായ ജി. സുധാകരനെ പ്രതിരോധത്തിലാക്കിയിരുന്നു. കഴിഞ്ഞ സർക്കാറി​െൻറ കാലത്ത്​ ഇത്തരം വീഴ്​ചയടക്കം എല്ലാകാര്യങ്ങളും അന്വേഷിച്ച്​ റിപ്പോർട്ട്​ നൽകിയ സാഹചര്യത്തിൽ ഇടത്​ എം.പിയുടെ കത്തിനെ പിന്തുണക്കില്ലെന്ന പാർട്ടി നിലപാടാണ്​​ സംസ്ഥാന നേതാവുകൂടിയായ സജി ചെറിയാൻ വ്യക്തമാക്കിയത്​. ഒന്നാം പിണറായി സർക്കാർ നടത്തിയ നിർമാണത്തിനെതിരെ വിജിലൻസ്​ അന്വേഷണത്തിന്​ പോയാൽ അക്കാലത്തെ പൊതുമരാമത്ത്​ വകുപ്പി​െൻറ നിർമാണങ്ങളടക്കം സംശയത്തി​െൻറ നിഴലിലാകുമെന്ന ആശങ്കയും പാർട്ടിക്കുണ്ടെന്നും സജി ചെറിയാൻ പറഞ്ഞു.