തെളിയുന്നത്​ പാർട്ടിയുടെ അചഞ്ചല വിശ്വാസം

തി​രു​വ​ന​ന്ത​പു​രം: ആ​റു​മാ​സ​ത്തെ ഇ​ട​വേ​ള​ക്കു​ശേ​ഷം സ​ജി ചെ​റി​യാ​ൻ മ​ന്ത്രി​സ​ഭ​യി​ലേ​ക്ക്​ തി​രി​ച്ചു​വ​രു​മ്പോ​ൾ ഒ​രി​ക്ക​ൽ​ക്കൂ​ടി തെ​ളി​യു​ന്ന​ത്​ പാ​ർ​ട്ടി​ക്ക്​ അ​ദ്ദേ​ഹ​ത്തി​ലു​ള്ള അ​ച​ഞ്ച​ല​മാ​യ വി​ശ്വാ​സം. സ്വ​ന്തം മ​ന്ത്രി​യി​ല്ലെ​ന്ന ആ​ല​പ്പു​ഴ ജി​ല്ല​യു​ടെ പ​രി​ഭ​വ​ത്തി​നു​മാ​ണ്​ ഇ​തോ​ടെ പ​രി​ഹാ​ര​മാ​കു​ന്ന​ത്. ഒ​ന്നാം പി​ണ​റാ​യി സ​ർ​ക്കാ​റി​ൽ ആ​ല​പ്പു​ഴ​യി​ൽ​നി​ന്ന് സി.​പി.​എ​മ്മി​ന്​ ര​ണ്ടു മ​ന്ത്രി​മാ​രുണ്ടാ​യി​രു​ന്നു. തു​ട​ർ​ഭ​ര​ണ​ത്തി​ൽ അ​വ​ർ ഒ​ഴി​വാ​ക്ക​പ്പെ​ട്ട​തോ​ടെ എ​ണ്ണം ഒ​ന്നി​ലേ​ക്ക്​ ചു​രു​ങ്ങി. സി.​പി.​എ​മ്മി​ന്​ വ​ലി​യ സ്വാ​ധീ​ന​മു​ള്ള ജി​ല്ല​യി​ൽ​നി​ന്ന്​ എ​ത്തി​യ സ​ജി ചെ​റി​യാ​ൻ ക​ഴി​ഞ്ഞ ജൂ​ലൈ​യി​ൽ ഭ​ര​ണ​ഘ​ട​ന വി​വാ​ദ​ത്തി​ൽ​പ്പെ​ട്ട്​ രാ​ജി​വെ​ച്ച​തോ​ടെ ജി​ല്ല​ക്ക്​ മ​ന്ത്രി​സ​ഭ​യി​ൽ പ്രാ​തി​നി​ധ്യം ഇ​ല്ലാ​താ​യി.

ക​ഴി​ഞ്ഞ സം​സ്ഥാ​ന സ​മ്മേ​ള​ന​ത്തി​ൽ സി.​പി.​എം സം​സ്ഥാ​ന സെ​ക്ര​ട്ടേ​റി​യ​റ്റി​ലെ​ത്തി​യ സ​ജി ചെ​റി​യാ​ന്‍റെ മ​ന്ത്രി​സ്ഥാ​നം തു​ട​ർ​ഭ​ര​ണ​ത്തി​ൽ ഏ​ക​ദേ​ശം ഉ​റ​പ്പാ​യി​രു​ന്നു. ആ​ദ്യ അ​വ​സ​ര​മാ​യി​രു​ന്നി​ട്ടും ചു​രു​ങ്ങി​യ​കാ​ലം​കൊ​ണ്ട്​ മി​ക​ച്ച ഭ​ര​ണാ​ധി​കാ​രി​യെ​ന്ന്​ തെ​ളി​യി​ക്കാ​ൻ അ​ദ്ദേ​ഹ​ത്തി​ന്​ സാ​ധി​ച്ചു. എ​ന്നാ​ൽ, ഭ​ര​ണ​ത്തി​ന്‍റെ ഒ​ന്നാം വാ​ർ​ഷി​ക​ത്തി​ന്​ പി​ന്നാ​ലെ അ​ദ്ദേ​ഹ​ത്തി​ന്​ അ​പ്ര​തീ​ക്ഷി​ത​മാ​യി പ​ദ​വി ന​ഷ്​​​ട​പ്പെ​ട്ടു. ഭ​ര​ണ​ഘ​ട​ന​യെ അ​വ​ഹേ​ളി​ച്ച്​ ന​ട​ത്തി​യ പ്ര​സം​ഗ​ത്തി​നെ​തി​രെ പ്ര​തി​ഷേ​ധം ശ​ക്ത​മാ​യ​തോ​ടെ​യാ​യി​രു​ന്നു​ രാ​ജി പ്ര​ഖ്യാ​പ​നം.

സ​ജി ചെ​റി​യാ​ൻ മ​ന്ത്രി​സ്ഥാ​നം ഒ​ഴി​ഞ്ഞി​ട്ടും പ​ക​ര​ക്കാ​ര​നെ നി​യ​മി​ക്കാ​തെ അ​ദ്ദേ​ഹം കൈ​കാ​ര്യം ചെ​യ്തി​രു​ന്ന വ​കു​പ്പു​ക​ൾ മ​റ്റു മ​ന്ത്രി​മാ​ർ​ക്കാ​യി വി​ഭ​ജി​ച്ചു​ന​ൽ​കി​യ​പ്പോ​ൾ​ത​ന്നെ മ​ട​ങ്ങി​വ​ര​വ് ഉ​റ​പ്പാ​യി​രു​ന്നു. വി​വാ​ദ ഭ​ര​ണ​ഘ​ട​നാ​വി​രു​ദ്ധ പ്ര​സം​ഗ​ത്തി​ൽ അ​ദ്ദേ​ഹ​ത്തി​ന്​​ അ​നു​കൂ​ല​മാ​യി കോ​ട​തി​യി​ൽ പൊ​ലീ​സ്​ റി​പ്പോ​ർ​ട്ട്​ ന​ൽ​കി​യ​തി​ന്​ പി​ന്നാ​ലെ​യാ​ണ്​ തി​രി​ച്ചു​വ​ര​വി​ന്‍റെ കാ​ര്യ​ത്തി​ൽ പാ​ർ​ട്ടി​യും തീ​രു​മാ​ന​മെ​ടു​ത്ത​ത്.

റി​പ്പോ​ര്‍ട്ടി​ല്‍ കോ​ട​തി അ​ന്തി​മ​തീ​രു​മാ​ന​മെ​ടു​ക്കും​മു​മ്പ്​ വീ​ണ്ടും മ​ന്ത്രി​യാ​ക്കാ​ന്‍ തീ​രു​മാ​നി​ച്ച​ത് നി​യ​മ വ്യ​വ​സ്ഥ​യോ​ടു​ള്ള വെ​ല്ലു​വി​ളി​യാ​ണെ​ന്ന്​ പ്ര​തി​പ​ക്ഷം ആ​ക്ഷേ​പി​ക്കു​ന്നു​ണ്ടെ​ങ്കി​ലും സി.​പി.​എ​മ്മി​ന്​ അ​ദ്ദേ​ഹ​ത്തി​ലു​ള്ള വി​ശ്വാ​സ്യ​ത​ക്ക്​ അ​ടി​വ​ര​യി​ടു​ന്ന​താ​ണി​ത്. കാ​ല​ങ്ങ​ളോ​ളം യു.​ഡി.​എ​ഫ്​ കോ​ട്ട​യാ​യി​രു​ന്ന ചെ​ങ്ങ​ന്നൂ​ർ മ​ണ്ഡ​ല​ത്തി​ൽ​നി​ന്ന് ആ​ല​പ്പു​ഴ ജി​ല്ല​യി​ലെ ഏ​റ്റ​വും ഉ​യ​ർ​ന്ന ഭൂ​രി​പ​ക്ഷ​ത്തോ​ടെ ര​ണ്ടാം​ത​വ​ണ​യും വി​ജ​യി​ച്ച സ​ജി ചെ​റി​യാ​ൻ ജി​ല്ല​യി​ൽ പാ​ർ​ട്ടി​യു​ടെ ക​രു​ത്ത​നാ​ണ്. അ​തി​നാ​ലാ​ണ്​ ഭ​ര​ണ​ഘ​ട​ന​യു​മാ​യി ബ​ന്ധ​പ്പെ​ട്ട്​​ വി​വാ​ദം ഉ​യ​ർ​ന്നി​ട്ടും പാ​ർ​ട്ടി​യു​ടെ പൂ​ർ​ണ​സം​ര​ക്ഷ​ണം അ​ദ്ദേ​ഹ​ത്തി​ന്​ ല​ഭി​ച്ച​ത്.