സൈജു തങ്കച്ചനെ തട്ടിക്കൊണ്ടുപോയതായി പരാതി; രണ്ടുപേർ കസ്റ്റഡിയിൽ

കൊ​ച്ചി: കൊ​ച്ചി​യി​ൽ മോ​ഡ​ലു​ക​ൾ മ​രി​ച്ച കേ​സി​ലെ പ്ര​തി​യും കോ​ഴി​ക്കോ​ട് സ്വ​ദേ​ശി ന​ൽ​കി​യ പോ​ക്സോ കേ​സി​ലെ പ്ര​തി​യു​മാ​യ സൈ​ജു ത​ങ്ക​ച്ച​നെ ത​ട്ടി​ക്കൊ​ണ്ടു​പോ​യ​താ​യി പ​രാ​തി. ക​ഴി​ഞ്ഞ ദി​വ​സം ചെ​റാ​യി​യി​ലെ ലൗ ​ലാ​ന്‍​ഡ് റി​സോ​ര്‍​ട്ടി​ല്‍ നി​ന്നും ഒ​രു സം​ഘ​മാ​ളു​ക​ള്‍ ത​ട്ടി​ക്കൊ​ണ്ടു​പോ​യി പണം ആവശ്യപ്പെട്ട് ക്രൂ​ര​മാ​യി മ​ർ​ദി​ച്ചെ​ന്ന് മു​ന​മ്പം പോ​ലീ​സി​ലാ​ണ് സൈ​ജു പ​രാ​തി ന​ല്‍​കി​യ​ത്.

കഴിഞ്ഞ വ്യാഴാഴ്ചയാണ് സംഭവം. എട്ടംഗ സംഘമാണ് തട്ടിക്കൊണ്ടുപോയത്. മോചനദ്രവ്യമായി ആദ്യം പത്ത് ലക്ഷം രൂപ ആവശ്യപ്പെട്ടു. പിന്നീട് ഒരു ലക്ഷം രൂപ തന്നാൽ മതിയെന്ന് പറഞ്ഞതായും സൈജു മുനമ്പം പൊലീസിൽ നൽകിയ പരാതിയിൽ പറയുന്നു. കൈ​വ​ശം പ​ണം ഇ​ല്ലെ​ന്ന് മ​ന​സി​ലാ​യ​പ്പോ​ള്‍ ത​ന്നെ ഓ​ട്ടോ​യി​ല്‍ ക​യ​റ്റി വി​ട്ട​യ​ച്ചു​വെ​ന്നും സൈ​ജു പറയുന്നു.

പരാതിയുടെ അടിസ്ഥാനത്തിൽ മുനമ്പം പൊലീസ് കേസെടുത്ത് അന്വേഷണം ആരംഭിച്ചു. പരാതി സൈജു കെട്ടിച്ചമച്ചതാണോയെന്ന് പൊലീസ് പരിശോധിച്ചിരുന്നു. ദേഹത്തെ മർദ്ദന പാടുകൾകളടക്കം കണ്ടതോടെയാണ് പൊലീസ് കേസ് രജിസ്റ്റർ ചെയ്തത്. ലൗ ​ലാ​ന്‍​ഡ് റി​സോർ​ട്ട് ഉ​ട​മ​ക്കും സം​ഭ​വ​ത്തി​ല്‍ പ​ങ്കു​ള്ള​തായി സൈ​ജു ആ​രോ​പി​ച്ചു. ലോക്കൽ ഗുണ്ടകളാണ് ഇയാളെ തട്ടിക്കൊണ്ടു പോയതെന്ന് പൊലീസ് അറിയിച്ചു. രണ്ട് പേരെ കസ്റ്റഡിയിൽ എടുത്തു. കൂടുതൽ ആളുകളെ തിരിച്ചറിഞ്ഞതായും പൊലീസ് അറിയിച്ചു.

കൊച്ചിയിലെ മോഡലുകളുടെ അപകടമരണ കേസിലെ പ്രതിയാണ് സൈജു തങ്കച്ചൻ. സൈജുവിനെതിരെ കഴിഞ്ഞ ദിവസം പോക്സോ കേസും രജിസ്റ്റർ ചെയ്തിട്ടുണ്ട്.