‘കൂട്ടിരിക്കാം, കേട്ടിരിക്കാം’; ഇത്​ അഞ്ചിലിപ്പ മാതൃക

കാ​ഞ്ഞി​ര​പ്പ​ള്ളി: കേ​ര​ള​ത്തി​ന്​ മാ​തൃ​ക​യാ​യി ഇ​താ കാ​ഞ്ഞി​ര​പ്പ​ള്ളി അ​ഞ്ചി​ലി​പ്പ​യി​ലെ ‘സ​ഹ​യാ​ത്രി​ക​ർ’ കൂ​ട്ടാ​യ്മ. മ​ക്ക​ൾ വി​ദേ​ശ​ത്താ​യ​തി​നാ​ൽ വീ​ടു​ക​ളി​ൽ​ ഒ​റ്റ​പ്പെ​ട്ടു​പോ​യ ദ​മ്പ​തി​ക​ൾ പ​ര​സ്പ​രം താ​ങ്ങും​ത​ണ​ലു​മാ​യി ചേ​ർ​ന്നി​രി​ക്കു​ന്ന കൂ​ട്ടാ​യ്മ​യാ​ണി​ത്. ദി​വ​സ​വും ഒ​രു​നേ​ര​മെ​ങ്കി​ലും വാ​ട്സ്ആ​പ്പി​ലൂ​ടെ പ​ര​സ്പ​രം സു​ഖ​വി​വ​ര​ങ്ങ​ൾ അ​ന്വേ​ഷി​ക്കും. ആ​ർ​ക്കെ​ങ്കി​ലും എ​ന്തെ​ങ്കി​ലും ആ​വ​ശ്യ​മു​ണ്ടെ​ങ്കി​ൽ മ​റ്റു​ള്ള​വ​ർ അ​ത് നി​റ​വേ​റ്റി​ക്കൊ​ടു​ക്കും. വൈ​ദ്യ​സ​ഹാ​യം ആ​വ​ശ്യ​മു​ള്ള​വ​ർ​ക്ക് അ​ടി​യ​ന്ത​ര സ​ഹാ​യം എ​ത്തി​ച്ചു​ന​ൽ​കും. മാ​സ​ത്തി​ൽ ഒ​രു​ദി​വ​സം ഒ​രു​വീ​ട്ടി​ൽ ഒ​ത്തു​ചേ​ര​ൽ സം​ഘ​ടി​പ്പി​ക്കും. ക​ളി​യും ചി​രി​യും ക​ഥ​പ​റ​ച്ചി​ലും നി​റ​യു​ന്ന ആ​ഹ്ലാ​ദ​ദി​ന​മാ​യി അ​ത്​ മാ​റും. ഇ​ട​ക്കി​ടെ വി​നോ​ദ​യാ​ത്ര പോ​കും. സി​നി​മ കാ​ണാ​നും കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കും ഈ ​കൂ​ട്ടാ​യ്മ സ​മ​യം ക​ണ്ടെ​ത്തു​ന്നു.

കാ​ഞ്ഞി​ര​പ്പ​ള്ളി അ​ഞ്ചി​ലി​പ്പ സെ​ന്‍റ്​ പ​യ​സ്​​ ഇ​ട​വ​ക​യി​ലെ 60 വ​യ​സ്സി​ന് മു​ക​ളി​ൽ പ്രാ​യ​മു​ള്ള​വ​രാ​ണ്​ ‘സ​ഹ​യാ​ത്രി​ക​ർ’ കൂ​ട്ടാ​യ്മ​യി​ലെ അം​ഗ​ങ്ങ​ൾ. 20 കു​ടും​ബ​ങ്ങ​ളി​ലെ 40 മാ​താ​പി​താ​ക്ക​ളാ​ണ് ഈ ​കൂ​ട്ടാ​യ്മ​യി​ലു​ള്ള​ത്. ‘കൂ​ട്ടി​രി​ക്കാം, കേ​ട്ടി​രി​ക്കാം, കൂ​ട്ട​മാ​വാം, നേ​ട്ട​മാ​ക്കാം’​എ​ന്ന​താ​ണ് ഈ ​ഒ​രേ തൂ​വ​ൽ​പ​ക്ഷി കൂ​ട്ടാ​യ്മ​യു​ടെ ആ​ദ​ർ​ശ വ​ച​നം. 60 മു​ത​ൽ 83 വ​യ​സ്സു​വ​രെ​യു​ള്ള​വ​രാ​ണ്​ ഇ​പ്പോ​ൾ ചേ​ർ​ന്നി​രി​ക്കു​ന്ന​ത്.

മെ​ച്ച​പ്പെ​ട്ട ജോ​ലി​സാ​ധ്യ​ത​ക​ൾ​തേ​ടി യു​വ​ജ​ന​ത നാ​ടു​വി​ടു​മ്പോ​ൾ, ഒ​റ്റ​പ്പെ​ട്ടു​പോ​കു​ന്ന മാ​താ​പി​താ​ക്ക​ളു​ടെ ജീ​വി​താ​വ​സ്ഥ പ​രി​താ​പ​ക​ര​മാ​ണ്. മ​ക്ക​ൾ​ക്കൊ​പ്പം അ​വ​രു​ടെ കു​ടും​ബ​വും വി​ദേ​ശ​ത്തേ​ക്ക് പ​റി​ച്ചു​ന​ട​പ്പെ​ടു​മ്പോ​ൾ, മാ​താ​പി​താ​ക്ക​ൾ വ​ലി​യ വീ​ടു​ക​ളി​ൽ ഏ​കാ​ന്ത​രാ​യി ജീ​വി​ക്കേ​ണ്ടി​വ​രു​ന്നു. ഇ​തി​ന്​ പ​രി​ഹാ​ര​മാ​യി​ട്ടാ​ണ്​ ഇ​ട​വ​ക വി​കാ​രി​യു​ടെ നേ​തൃ​ത്വ​ത്തി​ൽ കി​ഴ​ക്കേ​ത്ത​ല​ക്ക​ൽ ആ​നി​യ​മ്മ മു​ൻ​കൈ​യെ​ടു​ത്ത് ‘സ​ഹ​യാ​ത്രി​ക​ർ’ കൂ​ട്ടാ​യ്മ​ക്ക്​ തു​ട​ക്ക​മി​ട്ട​ത്. ഭാ​ര​വാ​ഹി​ക​ളോ നേ​താ​ക്ക​ളോ ഇ​ല്ല. എ​ല്ലാ​വ​രും സ​മ​ന്മാ​ർ. എ​ല്ലാ​വ​രും പ​ര​സ്പ​രം സ​ഹാ​യി​ക്കു​ന്ന സ​ഹ​യാ​ത്രി​ക​ർ മാ​ത്രം.

വി​ജ​യ​ക​ര​മാ​യി ഒ​രു വ​ർ​ഷം പൂ​ർ​ത്തി​യാ​ക്കി​യ കൂ​ട്ടാ​യ്മ ഇ​ത്ത​വ​ണ അ​ഞ്ചി​ലി​പ്പ മെ​ഡോ​ണ ഇ​ൻ​സ്റ്റി​റ്റ്യൂ​ട്ടി​ലെ വി​ദ്യാ​ർ​ഥി​ക​ൾ​ക്കൊ​പ്പ​മാ​ണ്​ ക്രി​സ്മ​സ് ആ​ഘോ​ഷി​ച്ച​ത്. ക്രി​സ്മ​സ് ഗാ​ന​ങ്ങ​ൾ പാ​ടി​യും കേ​ക്ക് മു​റി​ച്ചും കു​ട്ടി​ക​ൾ​ക്ക് ക്രി​സ്മ​സ് സ​മ്മാ​ന​ങ്ങ​ൾ ന​ൽ​കി​യും ആ​ഘോ​ഷം ഗം​ഭീ​ര​മാ​ക്കി.