സമസ്​ത നിർദേശം​ ലംഘിച്ച്​ അബ്ദുൽ ഹക്കീം ഫൈസിക്കൊപ്പം വേദി പങ്കിട്ട് സാദിഖലി തങ്ങൾ

മലപ്പുറം: സംഘടനവിരുദ്ധ പ്രവർത്തനം ആരോപിച്ച്​ സമസ്​ത കേരള ജംഇയ്യതുൽ ഉലമ പുറത്താക്കിയ കോഓഡിനേഷൻ ഓഫ്​ ഇസ്​ലാമിക്​ കോളജസ്​ (സി.​​െഎ.സി) ജനറൽ സെക്രട്ടറി അബ്ദുൽ ഹക്കീം ഫൈസിയുമായി വേദി പങ്കിടരുതെന്ന നിർദേശം ലംഘിച്ച്​ പാണക്കാട്​ സാദിഖലി ശിഹാബ്​ തങ്ങൾ. തിങ്കളാഴ്ച കോഴിക്കോട്​ നാദാപുരം പെരുമുണ്ടശ്ശേരിയിൽ വാഫി കോളജ്​ ഉദ്​ഘാടന ചടങ്ങിലാണ്​ ഹക്കീം ഫൈസിക്കൊപ്പം സി.​െഎ.സി പ്രസിഡന്റുകൂടിയായ സാദിഖലി തങ്ങൾ പ​െങ്കടുത്തത്​.

മുസ്​ലിം ലീഗ്​ സംസ്ഥാന പ്രസിഡന്റായ തങ്ങൾ, സമസ്ത യുവജന സംഘടനയായ എസ്​​.വൈ.എസി​െന്റയും സംസ്ഥാന പ്രസിഡന്റാണ്​. ഇൗ പശ്ചാതലത്തിൽ സാദിഖലി തങ്ങളുടെ നടപടി സമസ്ത നേതൃത്വത്തിന്​ തിരിച്ചടിയാണ്​. ഹക്കീം ഫൈസി ചുമതലയിൽ തുടരുന്നിടത്തോളം സി.​െഎ.സിയുമായി സഹകരിക്കേണ്ടെന്ന്​ ഈ മാസം 14ന്​ ചേർന്ന സമസ്ത മുശാവറ തീരുമാനമെടുത്തിരുന്നു.

ഹക്കീം ഫൈസിയുമായി സമസ്തയുടെ നേതാക്കളും അണികളും വേദി പങ്കിടരുതെന്നും പരിപാടികളിൽ പ​െങ്കടുപ്പിക്കരുതെന്നും കഴിഞ്ഞ ദിവസം ചേർന്ന എസ്​.വൈ.എസ്​, എസ്​.കെ.എസ്​.എസ്​.എഫ്​ സംസ്ഥാന ഭാരവാഹികളുടെ സംയുക്ത യോഗവും തീരുമാനമെടുത്തു. ഇൗ തീരുമാനമെടുത്ത സംഘടനയുടെ സംസ്ഥാന പ്രസിഡന്റായ സാദിഖലി തങ്ങളാണ്​​ തൊട്ടടുത്ത ദിവസം അത്​ ലംഘിച്ചത്​. എന്നാൽ, ഒാൺലൈനായി ചേർന്ന സംയുക്ത യോഗത്തിൽ സാദിഖലി തങ്ങളോ എസ്​.കെ.എസ്​.എസ്​.എഫ് സംസ്ഥാന പ്രസിഡന്റ്​ പാണക്കാട്​ ഹമീദലി ശിഹാബ്​ തങ്ങളോ പ​​​​െങ്കടുത്തിട്ടില്ല.

സി.​െഎ.സി-സമസ്ത വിവാദത്തിൽ പാണക്കാട്​ തങ്ങൾ കുടുംബം ഹക്കീം ഫൈസിക്കൊപ്പം നിലയുറപ്പിച്ചത്​ സമസ്ത നേതൃത്വത്തിന്​ തലവേദനയാണ്​. ഹക്കീം ഫൈസി ചുമതല വഹിക്കുന്ന സി.​െഎ.സിയുമായി സഹകരിക്കില്ലെന്ന​ തീരുമാനത്തോടൊപ്പംതന്നെ​ പ്രസിഡന്റായ സാദിഖലി തങ്ങളുമായി സഹകരിച്ച് സി.​െഎ.സിക്ക്​ കീഴിലുള്ള​ വാഫി, വഫിയ്യ സംവിധാനം ശക്തിപ്പെടുത്തുമെന്ന വിചിത്ര തീരുമാനവും സമസ്തക്ക്​ എടുക്കേണ്ടിവന്നത്​ അതിനാലാണ്​. സി.​െഎ.സിയുമായി സഹകരിക്കേണ്ടെന്ന സമസ്ത തീരുമാനം വന്നയുടൻ ഹക്കീം ഫൈസി രാജിസന്നദ്ധത അറിയിച്ചെങ്കിലും സാദിഖലി തങ്ങൾ പിന്തരിപ്പിക്കുകയായിരു​െന്നന്ന്​ പറയപ്പെടുന്നു​.