ന്യൂനപക്ഷ ആനുകൂല്യങ്ങള്‍: അവഗണന അവസാനിപ്പിക്കണം -സാദിഖലി തങ്ങൾ

മലപ്പുറം: വിദ്യാഭ്യാസ കാര്യത്തില്‍ കേന്ദ്ര, സംസ്ഥാന സര്‍ക്കാറുകള്‍ ന്യൂനപക്ഷങ്ങളോട് കാണിക്കുന്ന അവഗണന അവസാനിപ്പിക്കണമെന്ന് ന്യൂനപക്ഷ വിദ്യാഭ്യാസ സമിതി സംസ്ഥാന പ്രസിഡൻറ്​ പാണക്കാട് സാദിഖലി ശിഹാബ് തങ്ങൾ. ന്യൂനപക്ഷ വിദ്യാഭ്യാസ സമിതി സംഘടിപ്പിച്ച ശില്‍പശാല ഉദ്ഘാടനം ചെയ്യുകയായിരുന്നു അദ്ദേഹം.

ന്യൂനപക്ഷ വിദ്യാഭ്യാസ സ്ഥാപനങ്ങളെ ആനുകൂല്യങ്ങള്‍ കൃത്യസമയത്ത് അറിയിക്കുന്നതില്‍ കേന്ദ്ര-സംസ്ഥാന സര്‍ക്കാറുകള്‍ അലംഭാവം കാണിക്കുന്നു. ഇതിനാൽ ഗ്രാൻറുകളും മറ്റു സഹായങ്ങളും അര്‍ഹരായവര്‍ക്ക് ലഭ്യമാവാത്ത സാഹചര്യമാണ്​. ആനുകൂല്യങ്ങള്‍ വൈകിപ്പിക്കുന്നത് അവകാശ ലംഘനമാണെന്നും ഇക്കാര്യത്തില്‍ സര്‍ക്കാറുകള്‍ ജാഗ്രതയോടെ പ്രവര്‍ത്തിക്കണമെന്നും തങ്ങള്‍ പറഞ്ഞു.