Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഎൽ.ഡി.എഫ്...

എൽ.ഡി.എഫ് ഭരിക്കുമ്പോഴാണ് ബി.ജെ.പി വളരുന്നത്; പരസ്യം കൊണ്ട് അഴിമതി മറക്കാനാവില്ലെന്ന് സചിൻ പൈലറ്റ്

text_fields
bookmark_border
sachin pilot
cancel

തിരുവനന്തപുരം: എൽ.ഡി.എഫ് ഭരിക്കുമ്പോഴാണ് കേരളത്തിൽ ബി.ജെ.പി വളരുന്നതെന്ന് കോൺഗ്രസ് നേതാവ് സചിൻ പൈലറ്റ്. സംസ്ഥാനത്ത് സി.പി.എം-ബി.ജെ.പി അന്തർധാരയുണ്ട്. വർഗീയതയുടെ പേരിൽ വോട്ടുകൾ ഭിന്നിപ്പിക്കാനുള്ള ബി.ജെ.പി തന്ത്രം പരാജയപ്പെടും. കേരളത്തിൽ നിന്ന് ബി.െജ.പി തുടച്ചുനീക്കപ്പെടുമെന്നും സചിൻ പൈലറ്റ് വ്യക്തമാക്കി.

കോടികളുടെ പരസ്യം കൊണ്ട് ഇടത് സർക്കാറിന്‍റെ അഴിമതി മറക്കാനാവില്ലെന്ന് സചിൻ പൈലറ്റ് പറഞ്ഞു. സർക്കാറിന്‍റെ അഴിമതിക്കഥകൾ ഒാരോന്നായി പുറത്തു വരികയാണ്. ഇല്ലാത്ത അവകാശവാദങ്ങൾ ഉയർത്തിയുള്ള പരസ്യങ്ങളിലൂടെ വിജയിക്കാമെന്നാണ് എൽ.ഡി.എഫ് വിലയിരുത്തൽ. വിവേകമുള്ള കേരള ജനത ഇത് അനുവദിക്കില്ലെന്നും സചിൻ പറഞ്ഞു.

കോൺഗ്രസിന്‍റെ നേതൃത്വത്തിൽ മികച്ച തെരഞ്ഞെടുപ്പ് പ്രചരണമാണ് യു.ഡി.എഫ് നടത്തുന്നത്. രാഹുൽ ഗാന്ധിയും പ്രിയങ്ക ഗാന്ധിയും പ്രചാരണം നേരിട്ടു നയിക്കുന്നു. ജനങ്ങളിൽ നിന്ന് നേരിട്ട് നിർദേശങ്ങൾ സ്വീകരിച്ച് തയാറാക്കിയതാണ് യു.ഡി.എഫ് പ്രകടനപത്രിക. യു.ഡി.എഫിന് പിന്തുണ ഏറിയതായി ജനങ്ങളുടെ പ്രതികരണത്തിൽ നിന്ന് വ്യക്തമാണ്. യു.ഡി.എഫ് അധികാരത്തിൽ വരുമെന്നും സചിൻ പൈലറ്റ് വാർത്താസമ്മേളനത്തിൽ വ്യക്തമാക്കി.

Show Full Article
TAGS:assembly election 2021 Sachin Pilot congress LDF govt 
News Summary - Sachin Pilot says LDF govt corruption cannot be forgotten with advertisements
Next Story