ശബരിമല കോടതിയലക്ഷ്യ നടപടിയിൽനിന്ന്​ അറ്റോണി ജനറൽ കെ.കെ. വേണുഗോപാൽ പിന്മാറി

ന്യൂഡൽഹി: ശബരിമലയില്‍ പ്രായഭേദമന്യേ എല്ലാ സ്ത്രീകള്‍ക്കും പ്രവേശനം നല്‍കിയ സുപ്രീംകോടതി വിധിക്കെതിരെ സമര്‍പ്പിച്ച റിട്ട്​ ഹരജികള്‍ ചീഫ്​ ജസ്​റ്റിസ്​ രഞ്​ജൻ ഗൊഗോയി അധ്യക്ഷനായ ബെഞ്ച്​ നവംബര്‍ 13ന് പരിഗണിക്കും. ശബരിമല പുനഃപരി​േശാധന ഹരജികളില്ലാതെ റിട്ട്​ ഹരജികൾ മാത്രമാണ്​ ജസ്​റ്റിസുമാരായ എസ്​.കെ. കൗൾ, കെ.എം. ജോസഫ്​ എന്നിവർകൂടി അടങ്ങുന്ന ബെഞ്ച്​ പരിഗണിക്കുക.

പുതിയ ഹരജിക​െളന്ന നിലയിലാണ്​ റിട്ട്​ ഹരജികൾ ബെഞ്ച്​ പരിഗണിക്കുന്നത്​. പുനഃപരിശോധന ഹരജികൾ ഭരണഘടന ബെഞ്ച്​ മുമ്പാകെയാകും പരിഗണിക്കുക. 13ന് ഉച്ചക്കുശേഷം മൂന്ന് മണിക്ക് പുനഃപരിശോധന ഹരജികൾ പരിഗണിക്കാമെന്ന്​ ചീഫ് ജസ്​റ്റിസ് രഞ്ജന്‍ ഗൊഗോയി ഒക്​ടോബർ 13ന്​ വ്യക്തമാക്കിയിരുന്നു.ശബരിമലയില്‍ പ്രായഭേദമന്യേ സ്ത്രീകള്‍ക്ക് പ്രവേശനം അനുവദിച്ച ഭരണഘടന ബെഞ്ചി​​​െൻറ വിധിക്കെതി​െരയാണ് ഭൂരിഭാഗം പുനഃപരിശോധന ഹരജികളെത്തിയത്. അത്​ തുറന്ന കോടതിയിൽ പരിഗണിക്കാനുള്ള സാധ്യത വിരളമായതുകൊണ്ട്​ കൂടിയാണ്​ റിട്ട്​ ഹരജികളും സമർപ്പിച്ചിരിക്കുന്നത്​. പുനഃപരിശോധന ഹരജി അടിയന്തരമായി കേള്‍ക്കണമെന്ന ആവശ്യം ഒക്ടോബര്‍ ഒമ്പതിന് സുപ്രീംകോടതി തള്ളിയിരുന്നു.

അതിനിടെ ശബരിമലയിൽ സുപ്രീംകോടതി വിധി നടപ്പാക്കുന്നത്​ തടഞ്ഞ ബി.ജെ.പി സംസ്​ഥാന അധ്യക്ഷൻ പി.എസ്.​ ശ്രീധരൻ പിള്ള അടക്കമുള്ളവർക്കെതിരെ കോടതിയലക്ഷ്യ നടപടിക്കുള്ള അപേക്ഷയിൽ തീരുമാനം എട​ുക്കുന്നതിൽനിന്ന്​ മലയാളിയായ അറ്റോണി ജനറൽ കെ.കെ. വേണുഗോപാൽ പിന്മാറി. ശ്രീധരൻ പിള്ളക്ക്​ പുറമെ തന്ത്രി കണ്ഠരര് രാജീവര്, പന്തളം രാജ കുടുംബത്തിലെ രാമ രാജവർമ, ബി.ജെ.പി നേതാവ് മുരളീധരൻ ഉണ്ണിത്താൻ, ചലച്ചിത്ര താരം കൊല്ലം തുളസി എന്നിവർക്ക് എതിരായ കോടതിയലക്ഷ്യ നടപടിക്കുള്ള അപേക്ഷയിൽ എ.ജിക്ക്​ പകരം സോളിസിറ്റർ ജനറൽ തുഷാർ മേത്ത തീരുമാനമെടുക്കും. അഭിഭാഷകരായ ഡോ. ഗീനാകുമാരി, എ.വി. വർഷ എന്നിവർ സമർപ്പിച്ച ഹരജികളിലാണ്​ കോടതിയലക്ഷ്യ നടപടിക്ക് അനുമതി തേടിയത്​.

നടപടിക്കായി അറ്റോണി ജനറലിനെയാണ്​ സമീപിച്ചതെങ്കിലും വേണുഗോപാൽ പിൻവലിഞ്ഞ്​ സോളിസിറ്റർ ജനറൽ തുഷാർ മേത്തയെ ചുമതലപ്പെടുത്തുകയായിരുന്നു. ശബരിമല ​േകസിൽ ​േനരത്തെ തിരുവിതാംകൂർ ദേവസ്വം ബോർഡിനുവേണ്ടി ഹാജരായപ്പോൾ യുവതി പ്രവേശനത്തെ എതിർത്തിരുന്ന കെ.കെ. വേണുഗോപാൽ അറ്റോണി ജനറലായ ശേഷം കേന്ദ്ര സർക്കാറിനു വേണ്ടി ഹാജരായി സുപ്രീംകോടതിക്ക്​ ഇഷ്​ടമുള്ളത്​ വിധിക്കാമെന്നും അത്​ കേന്ദ്ര സർക്കാർ അംഗീകരിക്കുമെന്നും അറിയിക്കുകയായിരുന്നു. എന്നാൽ, സുപ്രീംകോടതി വിധി വന്ന​പ്പോൾ എല്ലാവരെയും അമ്പരപ്പിച്ച്​ വിധിക്കെതിരെ പരസ്യമായി തന്നെ വേണുഗോപാൽ രംഗത്തുവന്നു. വിധി പ്രസ്​താവിച്ച ബെഞ്ചിന്​ നേതൃത്വം നൽകിയ മുൻ ചീഫ്​ ജസ്​റ്റിസ്​ ദീപക്​ മിശ്രയെ വേദിയിലിരുത്തിയായിരുന്നു വേണുഗോപാലി​​​െൻറ വിമർശനം.

അതേസമയം, കേന്ദ്ര സർക്കാറിനെ നയിക്കുന്ന ആർ.എസ്​.എസ്​ വിധി വരുന്നതുവരെ യുവതിപ്രവേശനത്തെ പിന്തുണക്കുകയും വിധിയെ സ്വാഗതം ചെയ്യുകയും ചെയ്​തിരുന്നു. അതിനുശേഷം കേരളത്തിലെ ഭൂരിപക്ഷം ഹിന്ദുക്കൾ വിധിക്കെതിരാണെന്ന്​ കണ്ടതോടെ സംസ്​ഥാന ബി.ജെ.പിക്കൊപ്പം നിലപാട്​ മാറ്റി എതിർപ്പ്​ തുടങ്ങുകയായിരുന്നു.