ശബരിമല യുവതി ദർശനം: ലോക മാധ്യമങ്ങളിലും വമ്പൻ വാർത്ത

സുപ്രീം കോടതി വിധിയുടെ പിന്തുണയോടെ യുവതികൾ ശബരിമലയിൽ പ്രവേശിച്ചത്​ ലോക മാധ്യമങ്ങളിലും വലിയ വാർത്ത. ​റോയിട്ടറും ബി.ബി.സിയും ചരിത്ര പ്രാധാന്യത്തോടെയാണ്​ യുവതികളുടെ ശബരിമല പ്രവേശനത്തെ വിശേഷിപ്പിക്കുന്നത്​.

നൂറ്റാണ്ടുകൾ പഴക്കമുള്ള വിലക്ക്​ സ്​ത്രീകൾ മറികടന്നുവെന്നാണ്​ പ്രമുഖ വാർത്താ ഏജൻസിയായ റോയിട്ടർ റിപ്പോർട്ടു ​ചെയ്യുന്നത്​. പല തവണ യുവതികൾ ക്ഷേത്രത്തിൽ പ്രവേശിക്കാൻ നടത്തിയ ശ്രമങ്ങൾ യാഥാസ്​ഥിതിക വിഭാഗങ്ങൾ തടയുകയായിരുന്നുവെന്നും റോയിട്ടർ റിപ്പോർട്ടിൽ പറയുന്നു.

റോയിട്ടറിൽ വന്ന വാർത്ത

‘ഇന്ത്യൻ യുവതികൾ ശബരിമലയിൽ ചരിത്രം രചിച്ചു’ എന്നാണ്​ ബി.ബി.സി നൽകിയ തലക്കെട്ട്​. ആർത്തവത്തി​​​െൻറ പേരിൽ യുവതികൾക്ക്​ പ്രവേശനം നിഷേധിച്ച ക്ഷേത്രമാണിതെന്നും ബി.ബി.സി പറയുന്നു.

അൽജസീറയടക്കമുള്ള ലോക മാധ്യമങ്ങൾ ചൊവ്വാഴ്​ച നടന്ന വനിത മതിലിനെ ശബരിമല വിഷയവുമായി ചേർത്ത്​ വലിയ പ്രാധാന്യത്തോടെയാണ്​ വാർത്തകൾ നൽകിയത്​.

റിപ്പബ്ലിക്​ ടി.വി നൽകിയ തലക്കെട്ട്​

ഉത്തരേന്ത്യൻ മാധ്യമങ്ങളും വലിയ പ്രാധന്യത്തോടെ വാർത്ത റിപ്പോർട്ട്​ ചെയ്യുന്നു. ‘ശബരിമല വിജയം’ (Sabarimala Victory) എന്ന തലക്കെട്ടാണ്​ അർണബ്​ ഗോസ്വാമിയുടെ റിപ്പബ്ലിക്​ ടി.വി നൽകിയത്​.