ശബരിമല യുവതീ പ്രവേശനത്തെ എതിർക്കുന്നത് അന്ധവിശ്വാസമാണ് -എ വിജയരാഘവൻ

കൊച്ചി: ശബരിമല യുവതീ പ്രവേശനത്തെ എതിർക്കുന്നതിന്​ പിന്നിൽ അന്ധവിശ്വാസമാണെന്ന്​ എൽ.ഡി.എഫ് കൺവീനർ എ.വിജയരാഘവൻ. ശബരിമലയിൽ പ്രതിഷേധം നടത്തുന്നത് വിശ്വാസികൾ അല്ല,
സാമൂഹ്യ വിരുദ്ധരാണ്​. എൽ.ഡി.എഫ് സർക്കാർ ഉത്തരവ് നടപ്പാക്കുക തന്നെ ചെയ്യുമെന്നും അദ്ദേഹം പറഞ്ഞു.

ശബരിമലയിൽ കേട്ടത് ശരണം വിളിയല്ല. സാമൂഹ്യ വിരുദ്ധരെ മുൻ നിർത്തി ബി.ജെ.പിയും പിന്നിൽ നിന്ന് കോൺഗ്രസ്സും രാഷ്ട്രീയം കളിക്കുകയാണ്​. ശബരിമല വിഷയം ലോക്സഭാ തെരഞ്ഞെടുപ്പിൽ ഇടതു പക്ഷത്തിനു മുന്നേറ്റം ഉണ്ടാക്കും. ഇപ്പോഴത്തെ പ്രതിഷേധത്തെ ഭയക്കുന്നില്ലെന്നും എ.വിജയരാഘവൻ പറഞ്ഞു. .