യുവതികളെ കയറ്റിയത്​ വലിയ ഗൂഢാലോചനയുടെ ഭാഗമെന്ന് -മുല്ലപ്പള്ളി

മലപ്പുറം: യുവതികളെ ശബരിമല കയറ്റിയത്​ വലിയ ഗൂഢാലോചനയുടെ ഭാഗമായാണെന്നും ഇക്കാര്യത്തിൽ മുഖ്യമന്ത്രിക്കും പൊലീസ്​ ഉദ്യോഗസ്​ഥർക്കുമെതിരെ കേസെടുക്കണമെന്നും കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ. എന്തു വില കൊടുത്തും ശബരിമലയിൽ ഒരു വനിതയെയെങ്കിലും കയറ്റണമെന്ന്​ വിദേശയാത്രക്ക്​ മുമ്പ്​ മുഖ്യമന്ത്രി നിർദേശിച്ചതായി ഉയർന്ന പൊലീസ്​ ഉദ്യോഗസ്​ഥൻ തന്നോട്​ വെളിപ്പെടുത്തിയതായും മുല്ലപ്പള്ളി മാധ്യമപ്രവർത്തകരോട്​ പറഞ്ഞു. ​

ശബരിമലയെ മറ്റൊരു അയോധ്യയാക്കാനാണ്​ സി.പി.എമ്മും ബി.ജെ.പിയും ശ്രമിക്കുന്നത്​.​ മല കയറിയ യുവതിക്ക്​ പൊലീസി​​​െൻറ ജാക്കറ്റും ഹെൽമറ്റും നൽകിയത്​ അന്വേഷിക്കണം. സുന്നി പള്ളികളിൽ സ്​ത്രീകളെ കയറ്റണമെന്നാവശ്യപ്പെട്ടതിലൂടെ സാമുദായിക ഭിന്നിപ്പിനാണ്​ സി.പി.എം ശ്രമിക്കുന്നത്​. ശബരിമല വിഷയത്തിൽ പ്രവർത്തകർ ഏതെങ്കിലും തരത്തിലുള്ള അതിക്രമങ്ങൾക്ക്​ മുതിർന്നാൽ കോൺഗ്രസിൽനിന്ന്​ പുറത്താക്കും.

അയോധ്യയിൽ അടിയന്തരമായി രാമക്ഷേത്രം നിർമിക്കാൻ പ്രധാനമന്ത്രി ഇടപെട്ട്​ ഒാർഡിനൻസ്​ പുറപ്പെടുവിക്കണമെന്ന ആർ.എസ്​.എസ്​ മേധാവി മോഹൻ ഭാഗവതി​​​െൻറ​ പ്രസ്​താവന ജാഗ്രതയോ​െട കാണണം. സ്​ഫോടകാത്മക സാഹചര്യത്തിൽ മുഖ്യമന്ത്രിയുടെ വിദേശയാത്ര ശരിയായില്ലെന്നും മുല്ലപ്പള്ളി പറഞ്ഞു.

ശബരിമല വിഷയത്തിൽ കോൺഗ്രസ് വിശ്വാസികൾക്കൊപ്പമാണെന്ന നിലപാട് ജവഹർലാൽ നെഹ്റുവി‍​​​െൻറ നയം തന്നെയാണെന്നും വിശ്വാസിയല്ലെങ്കിലും അവ​രെ സഹായിക്കുന്ന നിലപാടാണ് അദ്ദേഹം കൈക്കൊണ്ടതെന്നും മഞ്ചേരിയിൽ നടന്ന ജില്ല കോൺഗ്രസ് നേതൃസംഗമത്തിൽ മുല്ലപ്പള്ളി പറഞ്ഞു.

ബൂർഷാ കോടതികൾ തുലയട്ടെയെന്ന് മുദ്രാവാക്യം വിളിച്ചിരുന്ന കമ്യൂണിസ്​റ്റ്​ പാർട്ടി ഇപ്പോൾ കോടതിവിധി നടപ്പാക്കാൻ വെമ്പൽ കൊള്ളുകയാണ്. പിണറായി വിജയനും ഡി.ജി.പിയുമടക്കമുള്ളവരുടെ ഗൂഢാലോചനയാണ് ശബരിമല നട വരെ യുവതികളെ എത്തിച്ചതിന് പിന്നിലെന്നും അദ്ദേഹം കുറ്റപ്പെടുത്തി.

കമ്യൂണിസ്​റ്റ്​ പാർട്ടിയാണ് മതന്യൂനപക്ഷങ്ങളുടെ സംരക്ഷകരെന്നാണ്​ അവരുടെ പ്രചാരണം. അയോധ്യ, മുത്തലാഖ് വിഷയങ്ങളിൽ കമ്യൂണിസ്​റ്റുകാർ തങ്ങളുടെ കൂടെയല്ല നിന്നതെന്ന്​ തിരിച്ചറിഞ്ഞ്​ മുസ്​ലിം സമുദായം തെറ്റ് മനസ്സിലാക്കി തിരികെ വരണം. രാജ്യത്ത് ന്യൂനപക്ഷങ്ങൾ വൻതോതിൽ വേട്ടയാടപ്പെടുകയാണ്. 3,000 മുസ്​ലിംകളെ കൊലപ്പെടുത്താൻ നേതൃത്വം നൽകിയ നരേന്ദ്രമോദി അത് അധികാരത്തിലേക്കുള്ള വഴിയാക്കി. മതനിരപേക്ഷ വോട്ട് ഭിന്നിക്കാൻ ഇത്തവണ അവസരം നൽകരുതെന്നും അദ്ദേഹം ആവശ്യപ്പെട്ടു.