You are here

ശബരിമല: ജനങ്ങളിൽ തെറ്റിദ്ധരണയുണ്ടായെന്ന്​ കോടിയേരി

  • യൂനിവേഴ്​സിറ്റി കോളജ്​ സമരം ഉപയോഗിച്ച്​ കലാപത്തിന്​ കോൺഗ്രസ്​ ശ്രമം

11:25 AM
23/07/2019
kodiyeri

തിരുവനന്തപുരം: യൂനിവേഴ്​സിറ്റി കോളജ്​ സമരത്തെ ഉപയോഗിച്ച്​ കേരളത്തിൽ കലാപം സൃഷ്​ടിക്കാൻ കോൺഗ്രസ്​ ശ്രമിച്ചെന്ന്​ സി.പി.എം സംസ്​ഥാന സെക്രട്ടറി കോടിയേരി ബാലകൃഷ്​ണൻ. രാഷ്​ട്രീയസമരം നടത്തി സർക്കാറിനെ അട്ടിമറിക്കാനാണ്​ ശ്രമമെങ്കിൽ നടക്കി​ല്ല. അക്രമസമരത്തിന്​ മുന്നിൽ ഇടത്​ പക്ഷവും സർക്കാറും കീഴടങ്ങില്ല. വിദ്യാർഥികളല്ല സമരം നടത്തിയത്​. മദ്യക്കുപ്പികളും സോഡ കുപ്പികളുമായാണ്​ സമരക്കാർ​ വന്നത്​. കോൺഗ്രസി​​​െൻറ രാഷ്​ട്രീയ പാപ്പരത്തമാണ്​ ഇത്​ കാണിക്കുന്നതെന്നും സി.പി.എമ്മി​​​െൻറ ഫേസ്​ബുക്ക്​ പേജിലെ സംവാദത്തിൽ കോടിയേരി പറഞ്ഞു.

കോളജിലെ സംഭവം ദൗർഭാഗ്യകരമാണ്​. വിദ്യാർഥികൾ തമ്മിലെ ചേരിതിരിവാണ്​ കാരണം. കുത്തേറ്റ അഖിലിനൊപ്പമാണ്​ എസ്​.എഫ്​.​െഎ നിലകൊണ്ടത്​. അക്രമം നടത്തിയവർക്കെതിരെ നടപടിയെടുത്തു. രാഷ്​ട്രീയ എതിരാളികളുടെ കണക്കുകൂട്ടൽ ​െതറ്റിച്ച നടപടികളുണ്ടായി. എസ്​.എഫ്​.​െഎയെ ഇല്ലാതാക്കാൻ ശ്രമിച്ചെങ്കിലും ​വിദ്യാർഥികളെ കിട്ടാതെ സമരം പരാജയപ്പെ​ട്ടു. ശബരിമലയുമായി ബന്ധപ്പെട്ട്​ രാഷ്​ട്രീയ ലക്ഷ്യം​െവച്ചുള്ള പ്രതികരണത്തിൽ വിശ്വാസികളിൽ നല്ലൊരുവിഭാഗം തെറ്റിദ്ധരിപ്പിക്കപ്പെട്ടു. കോൺഗ്രസും ബി.ജെ.പിയും ഭക്​തരെ കബളിപ്പിക്കുകയായിരുന്നു. തെറ്റിദ്ധാരണ മാറ്റാൻ വിശ്വാസികളുമായി ആശയവിനിയമം നടത്തും. ശബരിമല വിഷയത്തിൽ സർക്കാറിന്​ വാശിയില്ല. ഏതെങ്കിലും സ്​ത്രീയെ ക്ഷേത്രത്തിൽ കയറ്റാൻ സി.പി.എം മുൻകൈ എടുത്തിട്ടില്ല. വനിത മതിലി​​​െൻറ പിറ്റേദിവസം രണ്ട്​ സ്​ത്രീകൾ കയറിയത്​ ഭക്​തരിൽ തെറ്റിദ്ധാരണയുണ്ടാക്കി. 

ഭവനസന്ദർശനത്തിനുശേഷം ആഗസ്​റ്റിൽ ചേരുന്ന സംസ്​ഥാന കമ്മിറ്റി തിരുത്തൽ നടപടി വേണോ, പ്രവർത്തനശൈലിയിൽ മാറ്റം വേണോ എന്ന്​ ആലോചിക്കും. സ്വാതന്ത്ര്യം​ ദുരുപയോഗപ്പെടുത്താതിരിക്കാനുള്ള ജാഗ്രത മാധ്യമങ്ങൾ കാണിക്കണം. വ്യജ വാർത്തകൾ തിരിച്ചറിഞ്ഞ്​ വസ്​തുത ജനങ്ങളെ അറിയിക്കാൻ പാർട്ടി ശ്രമിക്കും. സർക്കാറി​​​െൻറ പ്രവർത്തനം വക്രീകരിക്കാനും വേഗം കുറക്കാനും ഉദ്യോഗസ്​ഥരോ മറ്റ്​ ചില മേഖലകളിലുള്ളവരോ ശ്രമിക്കുന്നു. പല പദ്ധതികളെയും തുരങ്കംവെക്കുന്നു. അത്തരക്കാരെ കണ്ടെത്താനും തിരുത്താനും സർക്കാർ ഇടപെടണമെന്നും കോടിയേരി പറഞ്ഞു. 

ഗൃഹസന്ദർശനം: കോടിയേരിക്ക്​ മുന്നിൽ ശബരിമല മുതൽ കോളജ്​ വരെ
തിരുവനന്തപുരം: സി.പി.എമ്മി​​​െൻറ ബഹുജന സമ്പർക്ക പരിപാടിയുടെ ഭാഗമായി വീടുകൾ സന്ദർശിച്ച സംസ്ഥാന സെക്രട്ടറി കോടിയേരി ബാലകൃഷ്​ണനെ തുടർച്ചയായ രണ്ടാംദിനവും വരവേറ്റത്​ ശബരിമല, യൂനിവേഴ്​സിറ്റി കോളജ്​ വിഷയം മുതൽ പ്രാദേശിക പ്രശ്​നങ്ങൾ വരെ. ചൊവ്വാഴ്​ച ചാല ഏരിയ കമ്മിറ്റിക്ക്​ കീഴിലുള്ള 16 വീടുകളിലാണ്​ സംസ്ഥാന കമ്മിറ്റിയംഗം വി. ശിവൻകുട്ടി, ഏരിയ സെക്രട്ടറി എസ്​.എ. സുന്ദർ എന്നിവർക്കൊപ്പം കോടിയേരി സന്ദർശിച്ചത്​. 

കിള്ളിപാലം ബൈപാസിൽ താമസിക്കുന്ന തമിഴ്​ സാഹിത്യകാരൻ നീലപത്​മനാഭ​​​െൻറ വീടാണ്​ ആദ്യം സന്ദർശിച്ചത്​. ശബരിമലയിൽ സർക്കാർ തിടുക്കംകാ​േട്ടണ്ടതില്ലായിരു​െന്നന്ന്​ ചിലർ ചൂണ്ടിക്കാട്ടി. സുപ്രീംകോടതി വിധി നടപ്പാക്കാനുള്ള ബാധ്യത സർക്കാറിനുണ്ടായിരു​െന്നങ്കിലും എല്ലാവരുമായി ചർച്ചചെയ്​ത ശേഷം തീരുമാനം കൈക്കൊണ്ടാൽ മതിയായിരുന്നു. ഇക്കാര്യത്തിൽ സി.പി.എമ്മി​​​െൻറയും സർക്കാറി​​​െൻറയും നിലപാട്​ കോടിയേരി വിശദീകരിച്ചു. യൂനിവേഴ്​സിറ്റി കോളജിൽ ഒരുവിഭാഗം എസ്​.എഫ്​.​െഎ പ്രവർത്തകർ നടത്തിയ അക്രമം ആവർത്തിക്കാതിരിക്കാൻ നടപടി സ്വീകരിക്കണമെന്നും ആവശ്യമുയർന്നു. സർക്കാർ എടുത്ത നടപടി ശരിയാണെന്നും പ്രതികരണമുണ്ടായി.

ശബരിമല സംബന്ധിച്ച്​ ചില തെറ്റിദ്ധാരണ ചിലർക്കുണ്ടായിട്ടു​ണ്ടെന്ന്​ സന്ദർശനത്തിൽ വ്യക്​തമായതായി കോടിയേരി പിന്നീട്​ മാധ്യമങ്ങളോട്​ പ്രതികരിച്ചു. ആ തെറ്റിദ്ധാരണ തിരുത്താൻ സഹായകരമായ കാര്യങ്ങൾ അവരെ അറിയിക്കാനാണ്​ ശ്രമിക്കുന്നത്​. പുനഃപരിശോധന ഹരജിയിലെ തീരുമാനം എന്തായാലും സർക്കാർ നടപ്പാക്കും. ഇപ്പോൾ ശബരിമലയിൽ പ്രശ്​നം ഇല്ലെന്നും കോടിയേരി വിശദീകരിച്ചു.

 

Loading...
COMMENTS