ശബരിമല സ്ത്രീ പ്രവേശനം: ഒരുക്കങ്ങൾ വിശദീകരിക്കണമെന്ന്​ ഹൈകോടതി

കൊച്ചി: ശബരിമല സ്​ത്രീ പ്രവേശനവുമായി ബന്ധപ്പെട്ട്​ സുപ്രീംകോടതി ഉത്തരവി​​​െൻറ പശ്ചാത്തലത്തിൽ എന്തെല്ലാം സൗകര്യങ്ങൾ ഒരുക്കിയെന്ന് വിശദീകരിക്കണമെന്ന് സംസ്​ഥാന സർക്കാറിനോട്​​ ഹൈകോടതി.

ശബരിമലയിൽ സ്​ത്രീകൾക്ക്​ എന്താക്കെ ഒരുക്കങ്ങളാണ്​ ഒരുക്കിയതെന്നായിരുന്നു ഹൈകോടതി ദേവസ്വം ബഞ്ച് ആരാഞ്ഞത്​. സീസണിനു മുമ്പുള്ള ഒരുക്കങ്ങൾ സംബന്ധിച്ച കമ്മീഷണർ റിപ്പോർട്ട്‌ പരിഗണിക്കവെ ആയിരുന്നു കോടതിയുടെ ചോദ്യം. ഒരാഴ്ചയ്ക്കുള്ളിൽ ഇക്കാര്യത്തിൽ വിശദീകരണം നൽകാമെന്ന് സർക്കാർ ഹൈകോടതിയെ അറിയിച്ചു.