ശബരിമല സ്ത്രീ പ്രവേശനം: ഒരുക്കങ്ങൾ ദേവസ്വം ബോർഡ്​ ഹൈകോടതിയിൽ അറിയിക്കും

കൊച്ചി: സ്ത്രീ പ്രവേശനം സംബന്ധിച്ച സുപ്രീം കോടതി വിധിയുടെ പശ്ചാത്തലത്തിൽ ശബരിമലയിൽ ഒരുക്കുന്ന സൗകര്യങ്ങളെ കുറിച്ച്​ ദേവസ്വം ബോർഡ് ഇന്ന് ഹൈകോടതിയെ അറിയിച്ചേക്കും. സ്ത്രീകൾക്ക് മാത്രമായി ശൗചാലയം ഒരുക്കുമെന്നത് അടക്കമുള്ള വിവരങ്ങൾ ബോർഡ് കോടതിയിൽ ബോധിപ്പിക്കും. സുപ്രീംകോടതി വിധി നടപ്പാക്കുന്നതിനായി ശബരിമലയിൽ എന്തെല്ലാം സൗകര്യങ്ങൾ ഒരുക്കിയെന്ന് ഹൈകോടതി സർക്കാരിനോട് കഴിഞ്ഞ ദിവസം ആരാഞ്ഞിരുന്നു.

സ്​ത്രീ ഭക്തരുടെ സുരക്ഷക്കായി രൂപീകരിക്കുന്ന പ്രത്യേക കോർ കമ്മിറ്റിയിൽ വനിതാ ഐ.പി.എസ് ഉദ്യോഗസ്ഥയെ ഉൾപ്പെടുത്തണമെന്ന് കോടതി നിർദേശിച്ചിരുന്നു. ഇക്കാര്യത്തിലും നിലപാട് അറിയിക്കാൻ സർക്കാരിനോട് കോടതി ആവശ്യപ്പെട്ടിട്ടുണ്ട്.