ശബരിമലയിൽ സ്​ത്രീ വിലക്ക്​ തുടരണമെന്ന്​ പന്തളം കൊട്ടാരം

ന്യൂഡൽഹി: ശബരിമലയിൽ സ്ത്രീ വിലക്ക് തുടരണമെന്ന്​ പന്തളം കൊട്ടാരം സുപ്രീം കോടതി ഭരണഘടനാ ​െബഞ്ചിനു മുമ്പാകെ വാദിച്ചു. ആറാം ദിവസവും തുടരുന്ന വാദത്തിൽ 41 ദിവസത്തെ വ്രതത്തിന് ശേഷം വിശ്വാസികൾ ശബരിമലയിൽ എത്തണം എന്നത് അയ്യപ്പ​​​​​െൻറ നിഷ്കർഷയാണെന്നും സ്ത്രീകൾ ആർത്തവകാലത്തു ക്ഷേത്രങ്ങളിൽ പോകാറില്ലെന്നും പന്തളം കൊട്ടാരം അറിയിച്ചു. എന്നാൽ അത് സ്വന്തം ഇഷ്ടപ്രകാരം പോകാതിരിക്കുന്നതാണോ അതോ പോകരുതെന്ന് ചട്ടമുണ്ടോയെന്നു ജസ്റ്റിസ് നരിമാൻ ചോദിച്ചു. നിർബന്ധപൂർവമല്ലെങ്കിൽ പ്രശ്‌നമി​ല്ലെന്നും കോടതി പറഞ്ഞു. 

ആരാധന സ്വാതന്ത്ര്യത്തിന് ഭരണഘടനയുടെ 25ാം അനുച്ഛേദം നൽകുന്ന അവകാശം പൊതു ക്രമം, ആരോഗ്യം, ധാർമ്മികത എന്നിവക്ക്​ അനുസൃതമാണ്. ഇത്തരം നിയന്ത്രണങ്ങൾക്ക് വിധേയമാണ് ആരാധനാ സ്വാതന്ത്ര്യം. ശബരിമലയിൽ സ്​ത്രീകളെ പ്രവേശിപ്പിക്കണമെന്നാവശ്യപ്പെട്ട്​ സുപ്രീം കോടതിയിൽ നൽകിയ ഹർജി പ്രശസ്തി ലക്ഷ്യമിട്ടുള്ളതാണ്​. അതംഗീകരിക്കരുത്. തലമുറകളായി പിതാമഹന്മാരിൽ നിന്ന് കൈമാറിവരുന്നതാണ് ആചാരങ്ങൾ. അതിന് തെളിവി​​​​െൻറ ആവശ്യമില്ലെന്നും പന്തളം കൊട്ടാരം വാദിച്ചു. 

തുടർന്ന്​ ശബരിമല തന്ത്രിയുടെ വാദങ്ങൾ ആരംഭിച്ചു. മുതിർന്ന അഭിഭാഷകൻ വി.ഗിരിയാണ്​ തന്ത്രിക്ക്​ വേണ്ടി ഹാജരായത്​. ആചാരങ്ങൾ ആണ് പിന്തുടരേണ്ടതെന്ന്​ വി.ഗിരി വാദിച്ചു. തന്ത്രി ആണ് അയ്യപ്പന്റെ പിതാവ്-ഗുരു  എന്ന് കേരള ഹൈ കോടതി വ്യക്തമാക്കിയിട്ടുണ്ട്. ക്ഷേത്ര ആചാരങ്ങളിൽ തന്ത്രിയുടെ വാക്ക് അന്തിമമാണെന്നും വി.ഗിരി വാദിച്ചു. ​ശബരിമല പ്രതിഷ്ഠയുടെ ചുമതലക്കാരനായി തന്ത്രിയെ കേരള ഹൈക്കോടതി തന്നെ ചുമതലപ്പെടുത്തിയിരുന്നു. എല്ലാ ക്ഷേത്രങ്ങൾക്കും പ്രത്യേക ആചാരമാണുള്ളത്​. ഓരോ മൂർത്തികൾക്കും പ്രത്യേക പൂജയും ആചാരവുമുണ്ട്​. ഇത് കോടതി മാനിക്കണം. അയ്യപ്പ വിഗ്രഹത്തിന്റെ ജീവനും ശ്വാസവും ആചാരമാണ്. അത് അതേപടി പാലിക്കണമെന്നും ഗിരി വാദിച്ചു.  

എന്നാൽ ശബരിമല കേസിൽ ഭരണഘടനാ വിഷയങ്ങൾ മാത്രമേ പരിഗണിക്കൂവെന്നും മറ്റു വാദങ്ങളിലേക്ക് കടക്കില്ലെന്നും ചീഫ് ജസ്റ്റിസ് വ്യക്​തമാക്കി.