ശബരിമല: വിധിക്കെതിരെ പ്രകടനം നടത്തിയ അധ്യാപികക്ക്​ സസ്​പെൻഷൻ

പത്തനംതിട്ട: ശബരിമല യുവതി പ്രവേശന വിധിയിൽ പ്രതിഷേധിച്ച് പ്രകടനം നടത്തിയ അധ്യാപികയ്ക്ക് സസ്പെൻഷൻ. പത്തനംതിട് ട വള്ളിക്കോട് ഗവൺമ​െൻറ്​ എൽ.പി സ്കൂൾ അധ്യാപിക പി.കെ.ഗായത്രിദേവിയെയാണ് സസ്പെൻഡ് ചെയ്തത്.

പൊതു വിദ്യാഭ്യാസ അഡീഷണൽ ഡയറക്ടറുടേതാണ് ഉത്തരവ്. കഴിഞ്ഞ ജനുവരി മൂന്നിന് വള്ളിക്കോട് ക്ഷേത്രത്തിൽനിന്ന് ആരംഭിച്ച പ്രതിഷേധ പ്രകടനത്തിൽ ഗായത്രീദേവി പങ്കെടുക്കുകയും സർക്കാരിനും മുഖ്യമന്ത്രിക്കുമെതിരെ മുദ്രാവാക്യം വിളിച്ചുവെന്നും കാണിച്ച് വള്ളിക്കോട് സ്വദേശി നൽകിയ പരാതിയിലാണ് നടപടി.