നിരോധനാജ്ഞ ലംഘനസമരത്തിനായി യു.ഡി.എഫ് സംഘം ശബരിമലക്ക്

കൊച്ചി: നിരോധനാജ്ഞ ലംഘിക്കാൻ യു.ഡി.എഫ് പ്രതിനിധി സംഘം നാളെ ശബരിമലയിലേക്ക് പോകാൻ യു.ഡി.എഫ് തീരുമാനം. ഭക്തർക്കു നേരെയുള്ള പൊലീസ് അതിക്രമങ്ങൾക്കും നിയന്ത്രണങ്ങൾക്കും എതിരെയാണ്​ നിരോധനാജ്ഞ ലംഘന സമരമെന്ന്​ പ്രതിപക്ഷ നേതാവ് രമേശ് ചെന്നിത്തല പറഞ്ഞു.

മുന്‍ മുഖ്യമന്ത്രി ഉമ്മന്‍ ചാണ്ടി, യു.ഡി.എഫ് കണ്‍വീനര്‍ ബെന്നി ബഹനാന്‍, നേതാക്കളായ എം.കെ. മുനീര്‍, പി.ജെ. ജോസഫ്, ജോണി നെല്ലൂര്‍, എന്‍.കെ. പ്രേമചന്ദ്രന്‍, സി.പി. ജോണ്‍, ജി. ദേവരാജന്‍ എന്നിവരാണ്​ സംഘാംഗങ്ങളെന്നും അദ്ദേഹം വ്യക്തമാക്കി.

ശബരിമലയിൽ ഭക്തർക്ക് പൊലീസ്​ നിയന്ത്രണം ഏർപ്പെടുത്തി ആരാധനസ്വാതന്ത്ര്യം ഹനിക്കുകയാണ്​ സർക്കാ​െറന്ന്​ രമേശ്​ ചെന്നിത്തല പറഞ്ഞു. ഇത്​ ചരിത്രത്തിലെ ഏറ്റവും വലിയ നീതികേടാണ്​. സന്നിധാനത്തുപോലും നടക്കുന്ന പൊലീസ്​ തേര്‍വാഴ്ച മുഖ്യമന്ത്രിയുടെ നിര്‍ദേശ പ്രകാരമാണെന്നും അദ്ദേഹം കുറ്റപ്പെടുത്തി.

ബന്ധുനിയമന വിവാദത്തിൽപെട്ട മന്ത്രി കെ.ടി. ജലീലിനെതിരെ യൂത്ത് ലീഗ് തുടങ്ങി​െവച്ച സമരം യു.ഡി.എഫ് ഏറ്റെടുക്കും. മന്ത്രിയുടെ രാജി ആവശ്യപ്പെട്ട്​ യുവജന സംഘടനകളുടെ നേതൃത്വത്തില്‍ 22ന് സെക്രട്ടേറിയറ്റിന്​ മുന്നില്‍ കൂട്ടധര്‍ണ നടത്തും. കെ.ടി. ജലീലി​​​െൻറ ഔദ്യോഗിക പരിപാടികള്‍ യു.ഡി.എഫ് ബഹിഷ്‌കരിക്കുകയും വിഷയം നിയമസഭയില്‍ ഉന്നയിക്കുകയും ചെയ്യുമെന്നും ചെന്നിത്തല പറഞ്ഞു.